Fótboltastrákur :)

Jæja, núna erum við orðin hluti af fótboltafjölskyldum. Við fórum með Kristófer á fyrstu fótboltaæfinguna sína í morgunn. Þar lærðu foreldrar líka nokkrar æfingar, svona ef þjálfararnir eru hindraðir í að mæta, þá eru foreldrar beðnir um að taka eina æfingu í staðinn fyrir að aflýsa æfingunni. Þegar við komum var Kristófer svo spurður hvort að hann ætti fótboltaskó og ég sagði nei, því að ég vildi fyrst sjá hvernig þetta færi áður en ég færi að kaupa skó. En konunni fannst það ekki mikið mál þar sem þau eru með skiptikassa á fótboltaskóm, sem þýðir að hann gat fundið notaða skó sem pössuðu á hann. Við fundum eina adidas skó sem voru nánast ónotaðir og þá mátti hann eiga. Mér finnst þetta rosalega góð hugmynd, þar sem börn vaxa svo hratt upp úr skóm, svo ef við kaupum skó hann þá getum við sett þá í þennan skiptikassa þegar þeir eru of litlir á hann, GÓÐ HUGMYND.

Á meðan að við vorum á æfingunni var Kormákur einn heima og hafði það notalegt. Hann fékk svo vin sinn frá Vejle í heimsókn og nutu þeir sín á meðan við vorum ekki hér, snakk, gos, tölva og sjónvarp.

Við skruppum nú líka aðeins í bæinn að kaupa verkfæri svo við getum farið að vinna í garðinum næstu helgar og reyna að gera hann eins flottan og hægt er. 

Jæja, núna ætla ég að fara að horfa á imbann með strákunum mínum, hafið það sem allra best, þangað til næst.

Knús og koss

Bergþóra og co 

Athugasemdir

[Ragna (IP-tala skráð) 15.4.2010 kl. 12:25]

hæhæ sæta mín , ég er ekkert búin að gleyma þér þó að ég sé flutt heim :)

Góð hugmynd hjá þeim með skiptikassan en Margrét náði að spila 2 ár í sínum skóm svo það er ekkert svo slæmt :)

Ég er á leið í bæinn á morgun og ætla að kikja á geislabaug , þá fær hún systir þín loksins dótið og fötin :) 

Vona að þið hafið það sem best og að vorið sé að koma hjá ykkur ef það er þá ekki komið :) 

kossar og knús úr sveitinni á klakanum 

[guðmundur pabbi (IP-tala skráð) 18.4.2010 kl. 19:28]

Halló elskurnar mínar já þetta er flott hugmynd með skóna

það ætti að ver svona hér heima,gaman að Kristófer er

farinn að æfa fótbolta til hamingju hvað heitir svo liðið

þarna hjá ykkur.