Loksins komnar myndir

Núna eru loksins komnar inn myndir, njótið vel.

Það er búin að vera frekar róleg helgi hjá litlu fjölskyldunni. Á föstudag fórum við á miðaldarhátíð í Horsens. Við erum 20 mín að keyra þangað, þannig að við ákváðum að skella okkur. Riddarnir voru ekkert smá flottir. Hestarnir klæddir upp á og voða flottir. Þarna voru ýmis skemmiatriði og uppákomur. Við sáum burtreiðar og það fannst nú strákunum spennandi. Við skemmtum okkur alveg konunglega. Á laugardaginn fórum við á rúntinn niður í bæ og náðum okkur í tvær myndir á videoleigunni. Þegar við komum heim elduðum við góðan mat og fengum okkur rauðvín með. Síðan var horft á dvd og fengið smá nammi og popp. Í dag sunnudag er svo ekkert búið að gera að ráði. Við settum inn myndir, bökuðum pönnukökur og höfðum það bara rólegt. Ég er svo í fríi úr skólanum á morgun og þá ætla ég að lesa fyrir skólann og njóta dagsins með Kristófer, en hann ætlar að fá að vera í fríi. Annars held ég að þetta sé allt núna.

Kossar og knús

Bergþóra og co  

Athugasemdir

[Valgerður og Halldór (IP-tala skráð) 27.8.2007 kl. 18:50]

Díses þessi ruslpóstvörn hjá þér, ég þurfti virkilega að nota puttana í þetta skiptið! Hver er summan af sjö og sextán? Eins gott að ég kann að telja með puttunum hehehe.

Allavega ætlaði bara að segja þér að ég er búin að setja inn nokkrar myndir síðan í júlí. Frá afmælinu okkar, útilegunni í Þjórsárdal og þegar við fórum í heimsókn til Badda og afa í veiði í Sogið.

Love

Litla systa og kallinn hennar ;)