Halló!

Við fórum á foreldrafund hjá Kristófer Inga í gær, það er venja að kalla inn foreldra hjá tvítyngdum börnum eftir þrjá mánuði til að ræða framfarir þeirra. Þetta gekk alveg mjög vel, hún finnur að hann meðtekur alveg helling, en hann er ekki alveg tilbúin að nota dönskuna mikið á krakkana. Hann talar aftur á móti mikið við starfsfólkið og skilur orðið yfirleitt allt, stundum þarf að útskýra hlutina fyrir honum en þá kveikir hann strax. Hann virðist líka vera feiminn, já ég sagði að Kristófer væri feiminn. Hann vill allavega ekki taka mikinn þátt í leikfimi þegar það eru margir, en svo þegar það eru svona 6-7 saman í hóp þá er það fínt. Hann er mikið fyrir músíkina og syngur mikið þar, hann syngur nú líka bara dönsku löginn hérna heima, ég er farinn að halda að hann muni ekki mikið af þeim íslensku.

Við fórum í gær og í dag í jólagjafaleiðangur, það gekk nú alveg furðuvel og tókst okkur að klára mestallt. Nú er bara að pakka inn, klára jólakortin og senda þetta til Íslands. Við fórum að versla í Kolding í gær en fengum okkur rúnt alveg í Esbjerg í dag (um 90-100 km), það er flott göngugata þar og við ákváðum að þangað yrði farið aftur á góðum sumardegi. Á leiðinni heim var komið við á videoleigunni og TMNT myndin tekinn á leigu, núna er svo verið að fara að horfa á hana. Við prófuðum Lambalundir frá nýja sjálandi, gerðum appelsínusósu með og drukkum rauðvín. Þessar lambalundir voru bara mjög góðar og fundum við ekkert "ullarbragð" (mér persónulega finnst nú samt íslenska lambakjötið betra).

Elsku mamma takk æðislega fyrir blaðið, er að fara að skoða það almennilega, en líst samt mjög vel á það.

Jæja er að fara að horfa á TMNT, heyrumst síðar.

Kossar og knús

Bergþóra og co

Athugasemdir

[Ragna Kristinn ,Margrét og kúlubúi (IP-tala skráð) 4.11.2007 kl. 19:00]

Hæ hæ og takk fyrir allar kveðjurnar á okkar síðu :) jú ég vona að kúlubúinn hlusti nú á mömmu sína og verði kjurr inni næstu vikur :) annars er ég bara heima og á að liggja alveg fyrir og svo er bara að krossa fingur og vona að guttinn komi ekki alveg strax 

kveðja Ragna  & co