Hæ!

Ég kíkti á Hlyn sjónvarpstjörnu á stod2.is, þar sem hann var í þjálfun á hestbaki, "mikið rosalega ertu flottur þarna í sjónvarpinu Hlynur" og núna get ég líka sagt "litli frændi minn kom í sjónvarpinu" hehe.

Við erum búin að eiga frekar rólega helgi. Á föstudaginn kom Kristófer Ingi heim úr ferðalaginu sínu, en hann skemmti sér alveg konunglega þar og var dauðþreyttur þegar hann kom heim. Sýndi mér stoltur kortið sitt sem hann fékk frá okkur, en Kormákur bað ömmu sína um að velja fyrir sig póstkort sem við gátum sent honum í fríið, kortið frá Skaftafelli varð fyrir valinu. Við erum búin að vera reyna að spyrja hvað hann fékk að borða og hvað hann gerði í ferðalaginu, en það er bara allt LEYNDÓ.

Við vorum á fundi í bankanum á föstudaginn, fundurinn tók rúma 2 tíma og er ekki allt búið enn. Komum þó lánunum á hreint og fáum tilboð í tryggingar ofl í vikunni. Þetta er þvílík vinna hérna, en við erum allavega búin að skrifa undir kaupsamning og útborgunin verður greidd á mánudaginn, þannig að VIÐ EIGUM HÚS. Það er búið að segja þessari íbúð upp og bíðum við bara spennt eftir að geta flutt.

Í gær fórum við upp í Give til Ástu og kíktum í bæinn, þar var tívolí og loka útsölur, svaka fjör. Ég fékk flotta hjarta silfur eyrnalokka frá öllum strákunum mínum.Krakkarnir skemmtu sér vel í þessum snúningstækjum á meðan við stóru krakkarnir horfðum á. Sáum Pétur Pan gera töfrabrögð og svo henti hann litlum hlauppokum til krakkanna, strákarnir náðu sér í ca 30 stk og krakkarnir hennar Ástu eitthvað svipað. Við fórum síðan heim þar sem við vorum búin að plana fínan kvöldmat, skál fyrir húsinu ofl.

Í morgun þegar ég vaknaði fór ég í bakaríið og keypti rúnstykki og brunsviger, ákveðið var nefnilega að hafa góðan morgunmat yfir handboltanum. Já ég veit það er erfitt að trúa því að ég hafi horft á leikinn, en ég gerði það (ásamt því að brjóta saman þvott, ganga frá eftir morgunmatinn, setja í þvottavél ofl), en þetta var skemmtilegur leikur, en mikil vonbrigði að þeir náðu sér ekki á strik því að þeir eru helvíti góðir. Ég er nú samt sátt að þeir náðu silfrinu, skrambi gott. TIL HAMINGJU STRÁKAR MEÐ SILFRIÐ. Ég kíkti á á flug heim núna í morgun þegar ég var að tala við Helenu og viti menn við keyptum ferðina okkar núna, búið að lækka farið um 1800 dkr síðan ég byrjaði að spá í þetta. Við komum semsagt heim um jólin og eitt af því fyrsta sem við gerum er að fara í skírn til Valgerðar og Halldórs. OOOHHHHH ég hlakka svo til að hitta alla.

Jæja gæti bullað endalaust, en er orðin frekar þreytt á þessu núna, nenni ekki meir. KVITTA

Knús og koss

Bergþóra og co

Athugasemdir

[Valgerður og Halldór (IP-tala skráð) 24.8.2008 kl. 14:50]

Hvenær komið þið í desember?

[Harpa gamall vinnufélagi á Geislabaugi (IP-tala skráð) 24.8.2008 kl. 21:54]

Halló skvís.

Innilega til hamingju með nýja húsið ykkar.  Kíki alltaf reglulega á bloggið þitt og gaman að fylgjast með ykkur. Hafið það gott.

KV Harpa

[Guðmundur Helgi Ármannsson pabbi (IP-tala skráð) 24.8.2008 kl. 21:55]

Sæl elskurnar mikið er gaman að sjá hvað þið eru hamingjusöm þaran úti níbúinn að kaupa ykkar eigið húsnæði ynnilega til hamingju með húsið ykkar.Þegar við komum út til ykkar hvenar það verður er ekki gott að seigja þurfið þið að eiga verkfæri handa mér svo hægt verði að vinna hjá ykkur.

[Ragna S. Haraldsdóttir (IP-tala skráð) 26.8.2008 kl. 12:58]

Hæhæ og til lukku með húsið, hlakka til að koma og hjálpa til í flutningum og fá að sjá húsið :0) best að ég fari NÚNA á netið og kaupi flug heim um jólin :) góð lækkun :0)

knús frá Silkeborg 

[Birna (IP-tala skráð) 28.8.2008 kl. 21:35]

Vá fullt af fréttum Innilega til hamingju með húsið Bergþóra mín...frábært alveg hreint!!! Við verðum nú að hittast aðeins fyrst þið komið á klakann um jólin...kíkjum saman á Geislabauginn og svona....er haggi?

Gangi ykkur rosa vel...knús og kram 

Birna Sólveig