Kannski það sé komin tími............

til að skrifa smá hérna, hmmmm. Er smá fegin að vera hérna í danaveldi núna, en það er nú ýmislegt í gangi hérna líka, bankarnir halda aftur að sér í lánum og fleira. Eins og flestir vita þá getum við hvorki sent pening til né frá Danmörku, og ekki er hægt að byðja einhvern um að taka með sér að heiman heldur þar sem takmörkun er á gjaldeyriskaup núna, en sem betur fer erum við bæði með laun hérna núna þannig að allt reddast hér á bæ.

Jæja þá yfir í aðeins skemmtilegra, helgin.... Jón Óskar vann um helgina og ekki veitir nú af því. Ég og strákarnir vorum aftur á móti bara að dúlla okkur. Ég var búin snemma í skólanum á fimmtudag og fór í bæinn með Kormáki að kaupa afmælisgjöf, náðum síðan í Kristófer og fórum heim. Ég ákvað síðan að taka herbergin hjá strákunum aðeins í gegn, fara í gegnum dótið, hverju á að henda, hvað á að geyma osfrv.

Ég og Kristófer vorum tvö heima á föstudag, ég var í fríi, Jón í vinnu, Kormákur í skóla og svo beint í afmæli, þannig að við Kristófer ákváðum að vera bara saman heima og eiga langa helgi. Tíminn var nú samt að sjálfsögðu nýttur í að gera hreint og versla, en það var fínt þá vorum við bara snemma búin.

Á laugadaginn skrapp ég niður á Fjón til Rúnu og co, Mads ætlar að kaupa fyrir okkur málningu og ætla þau svo að koma á föstudaginn og hjálpa okkur með að mála. Ekki verra að fá fagmann með sér í þetta og vonandi náum við að klára að mála allt um helgina. En við Rúna gátum nú kjaftað í nokkra tíma á meðan krakkarnir léku sér, ekki leiðinlegt það.

Á sunnudaginn fór ég með strákana upp í Silkeborg til Rögnu, húsbóndin þar á bæ var að vinna líka, þannig að við sátum tvær með börnin og kjöftuðum, eiginlega voru þessir 2 1/2 tími ekki nóg, en við bætum það vonandi upp seinna, hehe. Takk fyrir kaffið og gómsæta köku.

Núna bíðum við svo spennt eftir miðvikudeginum. En við tökum við húsinu klukkan 12 á dönskum tíma, hehe, bara gaman.

Heyrumst síðar og haldið áfram að vera svona dugleg að kvitta, ekkert smá gaman að því.

Kossar og knús

Bergþóra og co

Athugasemdir

[Valgerður (IP-tala skráð) 13.10.2008 kl. 17:54]

Frábært að þið skulið fá einhvern með ykkur að mála. Æðislegt að þið skuluð vera að fá húsið ykkar líka :) Ég er að fara setja inn fleiri myndir á síðuna hjá litlu frænku og skrifa smá texta líka.

Ég fer svo bráðum að kaupa afmælisgjöfina handa Steina, Jóhanna sagði mér hvað honum vantaði þannig að við förum kannski á morgun aðeins í bæinn.

Ég held að við fáum enga afmælisveislu fyrr en tvíburarnir eiga afmæli þannig að það er kannski best að drífa bara í þessu :Þ

kveðja

Litla systa

[Guðmundur pabbi (IP-tala skráð) 13.10.2008 kl. 20:17]

Sæl elskurnar okkar.Það er yndislegt að sjá hvað þið eruð ánægð og spennt yfir því að vera fá ykkar fyrsta einbílishús,ég heyri á þér Bergþóra mín hvað þið eruð ánægð,og að fá góða hjálp við að mála er bara stórkostlegt.Það væri ekki amalegt að vera með ykkur núna þegar þið eruð að fá ykkar fyrsta hús og hjálpa til við að mála og smíða ef þess er þörf,og að flytja. Við byðjum að heilsa ykkur elskurnar okkar,við elskum ykkur.Takk fyrir

[Ragna (IP-tala skráð) 14.10.2008 kl. 11:12]

Hæ skvís og takk fyrir síðast. Kristinn getur fengið bíl lánaðann en það er ekki svo stór bíll en hann getur líka fengið svona alvöru flutningabíl og þá þurfið þið að borga um 250 dk fyrir það endilega láttu mig vita hvort þið viljið :)

að öðru þú mátt alveg nefna það við Jóhönnu að kaupa óróa fyrir mig :)

Kær kveðja Ragna og allir hinir  

[Kristín (IP-tala skráð) 14.10.2008 kl. 17:20]

Sæl

Það er allt gott að frétta hjá okkur við höldum haus sem betur fer.

Mamma er að fara í aðgerð 06. nóv norður á Akureyri við förum norður um mánaðarmót. Rosalega veður gaman að heimsækja ykkur í nýja húsið ykkar það verður að vera pláss fyrir smá slagsmál svo að Kalli fái að njóta sín hahahaha

Bestu kveður

Kristín Kalli amma afi og stelpurnar