Sorrrryyyyyy

En betra er seint en aldrei. Internetið var nú líka að stríða okkur eftir flutningana, en datt loksins inn í dag, jei. Það er nú mikið búið að gerast hjá litlu familien í danaveldi. Núna er rétt rúm vika síðan Jóhanna og Ingimundur fóru heim aftur. Við áttum alveg frábæra viku með þeim og nutum þess bara að vera saman. Það var lítið verslað, lentum í fangelsi og eyddum síðasta deginum þeirra í köben saman. Ingimundur greyið fór að gráta út á flugvelli, og vildi ekki segja bless, en hann lét sig nú hafa það og gaf okkur öllum risaknús. Mér fannst nú betra að hafa þetta eins stutt og hægt væri því að ég er að æfa mig í að gráta EKKI á flugvöllum (tókst næstum). Elsku Jóhanna og Ingimundur takk æðislega fyrir frábæra viku, hlökkum til að hitta ykkur aftur.

 

Æi, já þið viljið kannski vita eitthvað um fangelsisvistina okkarVið fórum í gamla ríkisfangelsið í Horsens, því var lokað og gert að safni og núna held ég að það eigi að byggja hótel (er samt ekki alveg viss). Þarna löbbuðum við um og kíktum inn í klefana og fannst strákunum þetta mjög spennandi en samt svolítið óhuggulegt í leiðinni.

 

Síðan að þau fóru er ég búin að vera að hugsa um börnin, vinna, læra og pakka. Endaði að vísu í smá tímaþröng með að pakka, en þetta hafðist allt og fluttum við mest allt á föstudaginn, með góðri aðstoð frá Kristni og börnum og Óla, Ástu og börnum. Takk æðislega fyrir hjálpina. Við komumst að vísu að því að hjólinu hans Kormáks hafði verið stolið, það var greinilega nýbúið að því þar sem ég sá það úti á miðvikudaginn og þetta er samt ekkert sem maður er alltaf að pæla í. Við vorum frekar fúl yfir þessu og bjuggumst ekki við þessu þarna uppfrá, langt frá öllu. En það er ekkert sem við getum gert, nema að kaupa nýtt handa honum næsta sumar.

 

Á laugardaginn fórum ég og Kormákur niður í íbúð og fylltum vinnubílinn hans Jóns af dóti, fórum í Bilka að versla og aumingja Kormákur var varla að komast fyrir í bílnum á leiðinni heim. Óli, Ástu og co komu í mat á laugardaginn í íslenskt lambalæri, það ver eldað á eldgamla mátan, kryddað bara með salti og pipar, klikkar ekki. Við fengum okkur svo aðeins of mikið neðan í því og höfðum við hjónin timburmenn á yfirvinnu á sunnudaginn. Við vorum að vísu mjög þreytt á þeim og vorum dauðfeginn þegar þeir fóru. Við skelltum okkur þá niður í íbúð, tókum gardínur og myndir niður og er þá íbúðin gersamlega tóm núna

Við lofuðum eldri hjónum á efri hæðinni að koma og segja bless áður en við færum alveg og gerðum við það í gær. Þau voru rosalega ánægð okkar vegna að vera að flytja, og bíða þau sjálf eftir að geta flutt. Þau voru nú svo yndisleg og gáfu strákunum kveðjugjöf, þeir fengu lego og voru þeir hæstánægðir með þetta, léku sér mikið þegar við komum heim.

 

Ég set inn myndir um leið og ég hef tíma til að anda.

Knús og koss

Bergþóra og co

Athugasemdir

[Valgerður (IP-tala skráð) 14.11.2008 kl. 16:45]

Það var nú gott að fangelsisdvölin hafi ekki verið verri :Þ Ég held líka að þú (og við kvenkynið í fjölskyldunni) eigum aldrei eftir að geta EKKI grátið á flugvöllum eða við slíkar kveðjustundir. Við erum alltof tilfinninganæmar til þess og viljum alltaf hafa alla fjölskylduna hjá okkur.

Núna snjóar hér úti (svona stórar flyksur, jólasnjór) og litla snúllan er bara sofandi, ætla að taka hana inn næst þegar hún fer að gráta.

Jæja þangað til næst,

bæjó

p.s. við verðum að fara hittast á skype-inu i, ég ætla að reyna að vera alltaf með kveikt á því núna þannig að þið bara verðið að prófa að hringja. Veit t.d. ekki til þess að við séum að fara gera neit spes í kvöld annað en að vera heima.

ástarkveðjur, kossar og knús

Valgerður, snúllan og Halldór.

[Ágústa Björk Jóhannsdóttir (IP-tala skráð) 14.11.2008 kl. 17:53]

Hæ. Til hamingju með flutningana. Rosa gaman að þið séu flutt. Það er svo sem ekki mikið að frétta af okkur,alltaf það sama. Hlakka svo mikið til að sjá ykkur um jólin að ég er farin að telja niður dagana . Hafið það gott þangað til ég sé ykkur.

Kv Ágústa og co.

[Stína (IP-tala skráð) 17.11.2008 kl. 19:32]

Innilega til hamingju með flutninginn í nýja húsið og vonandi á ykkur eftir að líða vel þar. Mikið væri ég til í að fara að heimsækja ykkur !

Bestu kveðjur frá Djöflaeyjunni

Stína.