Innilega til......

hamingju með afmælin ykkar elsku Aðalheiður og Hlynur. Þið verðið örugglega risastór þegar ég sé ykkur loksins, 5 ára, það er ekkert smá áfangi. Afmælis og saknaðarkveðjur frá okkur í Danaveldi.

Jæja það er kannski komin tími til að skrifa aðeins um þennan fund sem ég var á á mánudaginn. Kennarinn minn kom á leikskólann til þess að fá að heyra hvernig gengi og að heyra formlega hvort ég væri búin að ná starfsnáminu. Ég var svo stressuð að þið getið ekki ímyndað ykkur það. Ég byrja á því að sína honum leikskólann og leist honum mjög vel á, þegar við komum inn á skrifstofuna er svo það fyrsta sem hann segir "ég veit ekki til hvers ég er hérna, það lítur allt svo vel út á skýrslunni", mér létti mikið, og var hann mest spenntur að heyra hvað við værum að vinna með og hvernig. Þetta var mjög afslappað og fínt, og fékk hann og ég að vita formlega að ég væri búin að ná, en ég get sagt ykkur það að lappirnar á mér voru eins og hlaup þegar ég stóð upp eftir þetta.

Annars gengur allt sinn vanagang hér á bæ, brjálað að gera hjá öllum, ekki hægt að segja að okkur leiðist. En mikið verður gott að komast í jólafrí.

Jæja, nenni ekki meiru. Er að fara að baka sörur, mmmmmm.

Knús og koss

Bergþóra og co

Athugasemdir

[Guðmundur pabbi (IP-tala skráð) 29.11.2008 kl. 17:26]

Hæ elskan til hamingju með þennan stóra áfanga.Elsku stúlkan mín

[Valgerður (IP-tala skráð) 29.11.2008 kl. 19:43]

Auðvitað náðir þú þessu, það er ekki að spyrja að því. Þú ert svo klár :)

Ástarkveðja, Valgerður

[Ragna (IP-tala skráð) 30.11.2008 kl. 10:46]

til hamingju með þennan stóra áfanga knús frá Silkeborg

[Birna Sólveig (IP-tala skráð) 30.11.2008 kl. 21:15]

Til hamingju elskan mín...ohh þú ert svo dugleg...glætan að þú munir ekki ná einhverju í þessu námi...þetta á svo vel við þig!!!!

Knús og sjáumst hressar í des ;)))

Birna sín