Spennan að aukast

hér á bæ, enda ekki langt í jólafrí, oh það verður bara æði.

Það er að sjálfsögðu búið að vera nóg að gera hér á bæ. Búin að baka allr smákökurnar, sörur, brúna og hvíta lagtertu, hvíta og brúna rúllutertu. Við eigum örugglega eftir að eiga þetta fram að næstu jólum, en hvað um það, við skemmtum okku stórvel við baksturinn hlustandi á jólatónlist. Síðustu helgi notuðum við í að kaupa nokkrar jólagjafir og völdu strákarnir sjálfir gjafir handa ömmu Ingunni og afa Gumma, rosalega ánægðir með það (enda líka vel valið hjá drengjunum), við erum þó ekki búin að kaupa allt og vonandi næ ég að klára núna um helgina. Jón Óskar var að vinna langt fram eftir kvöldi á föstudaginn, og á laugardaginn og átti svo að eiga frí á sunnudaginn og ætluðum við að nota hann vel til að setja upp jólaskraut og bjóða aðventuna velkomna í nýja húsið okkar. Við byrjuðum vel, settum upp jólaseríur, ég gerði aðventukrans og kertaskreytingu fyrir dagatalakertið. Jón var svo kallaður út í vinnu og kom seint heim, enn eitthvað náði ég að gera. Enn er hann að vinna fram eftir og á að vera að vinna næstu helgi líka, þannig að það er kannski bara fínt að það sé að koma jólafrí.

Það er jólaföndur á leikskólanum á morgun bæði hjá mér og Kristófer og annað kvöld í skólanum hjá Kormáki. Ég ákvað að fara frekar með Kristófer og Kormáki og fékk að breyta minni vinnu á morgun, þannig að ég kemst með þeim báðum og Jón fékk meira að segja frí eftir hádegi til að koma með okkur, hehe bara gaman.

Jæja, mig langaði bara að bulla eitthvað smá.

Knús héðan

Bergþóra og co

Athugasemdir

[Valgerður (IP-tala skráð) 4.12.2008 kl. 11:21]

Það er alltaf gaman að baka og föndra fyrir jólin :) hlakkar til þegar ég get farið að gera það með minni snúllu :)

[Ragna (IP-tala skráð) 5.12.2008 kl. 17:00]

hæhæ já spennan er nú líka farin að aukast hér á bæ :0) en það var nú gott að ég kom ekki með Bjarna Harald til þín síðustu helgi þar sem hann veiktist um kvöldið og er enn veikur :(  en þú getur lesið um það á bloginu ef þú vilt :) kæer kveðja frá Silkeborg

[Jóhanna (IP-tala skráð) 6.12.2008 kl. 10:36]

Vildi bara segja þér að tilhlökkunin eftir að fá ykkur heim jókst mikið hjá mínum manni eftir símtalið í gærkvöldi. Við söknum ykkar og hlökkum til að sjá ykkur.

Jólakveðja Jóhanna og fjölsk.