Þá er komið að grínsögu dagsins:)

Ég Kormákur og Kristófer liggjum öll í leti í hjónarúminu núna í morgun. Þeir eru jú veikir þannig að maður er ekkert að stressa sig. Við vorum að skoða pakkana sem þeir fengu frá Pottaskefil og tala um hvað Pottaskefill er nú góður. Ég sé út undan mér eitthvað dökkt upp við koddann, en hélt þetta væri bara skuggi. Eftir smá stund segir Kristófer "MAMMA, það er rotta á náttborðinu", ég hlæ að sjálfsögðu bara "Kristófer minn það er ekki rotta hérna inni", "jú mamma sjáðu" Ég lít upp og sé pínulítinn ráðvilltan moldvörpuunga sem veit ekkert hvert hann á að fara greyið. En ég að sjálfsögðu brá stökk á lappir og sagði "Kormákur getur þú ekki tekið hann", "nei mamma ég þori því ekkert". Ok nú varð jú að planleggja hvernig ætti að ná unganum og henda honum út. "Ég hleyp fram í eldhús og næ í skál til að setja yfir hann og þið fylgist með hvar hann er". TÓKST EKKI. Við tíndum honum í rúminu MÍNU. "Kormákur farðu fram og náðu í aðra skál, ég þori ekki að lyfta upp koddanum, en hún má ekki fara út"sagði ég. Unginn kemur út og fer inn í Kormáks herbergi sem er við hliðina, Kormákur kemur með tertuhjálm og nær að skella honum yfir ungan, úfff. Það var mjög hraður hjartsláttur hjá okkur og við hoppuðum, öskruðum og hlógum eins og í gamanmyndunum.

Kormáki fannst að vísu hræðilegt að hann hitti fyrst á hálsinn á unganum og hann dó. "Mamma hringdu í einhvern og láttu takaungann og segðu að ég hafi drepið hann". Við náðum svo í skófluna sem við notum til að moka út ösku úr brenniofninum, settum hann í poka og út í rusl. Við tókum að sjálfsögðu myndir af honum fyrst, til að setja hérna inn og þá getið þið hjálpað okkur að finna út hvort þetta sé ekki örugglega moldvörpuungi en ekki músarungi.

Knús og koss

Bergþóra, Kormákur og Kristófer moldvörufangarar.

Athugasemdir

[Valgerður og litla frænka (IP-tala skráð) 17.12.2008 kl. 17:25]

já það er spurning hvort þetta hafi verið, mýsla eða moldvarpa???? Hlökkum rosa, svaka, æðislega til að hitta ykkur.

knús og kossar Valgerður og litla frænka

[Bergþóra (IP-tala skráð) 17.12.2008 kl. 18:39]

þetta var moldvarpa, sáum það þegar við vorum búin að skoða þetta betur, hehe. Svona er þetta þegar maður er í sjokki.