Tilkynningarskyldan kallar:)

Ég varð rosalega ánægð á fimmtudaginn, þá fékk ég sms frá Jóhönnu, þar lét hún mig vita af því að þau væru að koma í heimsókn eftir  viku, þau eru sem sagt að koma á fimmtudaginn og verða fram á mánudagsmorgun, hehe bara gaman.

Annars gengur allt sinn vanagang hérna. Ég er að vinna að verkefni sem ég þarf að skila af mér í næstu viku og gengur það mjög hægt, en vonandi næ ég þessu. Á föstudaginn eftir viku er svo síðasti dagurinn minn í starfsnáminu og hlakkar mér ekkert til að hætta. Gott að starfsnámið er búið, en ég væri tilbúin að vinna þarna áfram sem leiðbeinandi/pædagog.

Helgin hjá okkur var mjög róleg. Kormákur svaf hjá Lucas vini sínum bæði föstudag og laugardag. Hann fór með Risk spilið sem við gáfum honum í jólagjöf og aftur vann Lucas (Kormáki til mikillar mæðu). Ég, Jón og Kristófer slöppuðum af yfir sjónvarpinu og kíktum á Toy story 1 og Kung fu panda, borðuðum íslenskt nammi og popp. Poppið fengum við að vísu bara á laugardeginum, þar sem ég reyndi að kveikja í húsinu á föstudeginum, vegna þess að ég gleymdi poppinu í örbylgjuofninum, og var lyktin ekki góð.

Á laugardaginn vorum við nú samt úti að saga timbur í brenni. Enn á föstudaginn fengum við 18 rúmmetra í innkeyrsluna. Að sjálfsögðu voru teknar myndir af haugnum og setjum við þær inn seinna. Jón er nú búinn að vera duglegur að reyna að saga, enn er ekki búin með helminginn, púff þvílík vinna.

Jæja nenni ekki meiru.

Knús og koss

Bergþóra og co

Athugasemdir

[Jóhanna (IP-tala skráð) 28.1.2009 kl. 10:14]

TAKK FYRIR OKKUR! Ferðin var frábær og heimferðin gekk líka vel. Eins og þú veist þá vill Ingimundur helst bara flytja til ykkar  en foreldrarnir eru svo leiðinlegir við hann að þeir vilja hafa hann hjá sér En við erum strax farin að sakna ykkar og vonumst til að komast sem fyrst aftur a.m.k. í sumar (verður nú líklega ekki fyrr). En aftur takk kærlega fyrir okkur Jóhanna og fjölskylda