:.........

Jæja á ekki alltaf að byrja á vondu fréttunum. Því miður komumst við hjónin af því í sónar á fimmtudaginn að það var enginn hjartsláttur hjá litla krílinu okkar. Það hafði verið dáið frá því á 7 viku (var komin rúmlega 12), við fórum því á Kolding sjúkrahús í gær í tilheyrandi aðgerð. Alltaf kemst ég betur að því hvað ég á góðan mann og yndisleg börn. Allir þrír búnir að standa sig eins og hetjur (ég hef nú samt náð að halda andlitinu fyrir framan strákana). En það er ekkert meira um þetta að segja.

Þá að góðu fréttunum. Í dag eigum við hjónin 12 ára samveruafmæli og ætlum að fagna því með því að liggja upp í sófa og slappa af (allavega ég, blóðlítil síðan í gær), Jón að tæma sundlaugina og þrífa hana, og svo á að elda íslenskar lambalærisneiðar eftir uppskrift sem Bjarni Gunnar bróðir Svölu vinkonu gerði, úr bókinni Landliðsréttir Hagkaupa.

Ætla að nota tækifærið núna líka og óska tengdamömmu innilega til hamingju með afmælið á morgun. Njóttu dagsins í botn. Risaknús og koss frá okkur öllum.

Jæja hef ekkert meira núna

Knús og koss, farið vel með ykkur

Bergþóra og co

Athugasemdir

[Harpa (IP-tala skráð) 13.9.2009 kl. 17:02]

Æi elsku dúllan mín leiðinlegt að heyra þetta með litla krílið ykkar.

Gott að þú átt 3 góða karlmenn í kringum þig til að stjana við þig. Hafðu það gott og farðu vel með þig.

KV Harpa

[Valgerður (IP-tala skráð) 14.9.2009 kl. 17:06]

jæks hvað tíminn er fljótur að líða! 12 ár! Til lukku með það elskurnar :)

Bestu kveðjur að heiman :)

[Svala (IP-tala skráð) 15.9.2009 kl. 10:18]

love ya

[Katrín Björk (IP-tala skráð) 16.9.2009 kl. 18:13]

Æ það er svo ömurlegt að lenda í þessu, ætti að vita það. Sérstaklega þegar maður kemst að þessu svona seint, þegar maður heldur að maður sé kominn yfir mestu hættuna. Stórt knús á þig og þína yfir hafið.

En til hamingju með árin tólf!

Knús og kossar!