LOKSINS.........

Það hlaut að koma að því að andinn kæmi yfir mig aftur, er bara EKKI búin að vera í stuði að skrifa núna síðasta mánuðinn. Er ekki einu sinni búin að standa mig í afmæliskveðjum, en þið verðið nú bara að sætta ykkur við það núna, hehe.

Við erum öll búinn að hafa það alveg þokkalegt hér á bæ og vonandi fer það bara batnandi. Ég er búin að troða mér í stjórn íslendingafélagsins og ætlum við að reyna að rífa þetta félag upp og gera eitthvað að viti. Fyrsti atburður þessarar stjórnar verður í Legelandet.dk, sem er svaka stór leiksalur fyrir börn og fullorðna og ég er alveg viss um að við eigum eftir að skemmta okkur konunglega.

Ég er síðustu tvær vikur búin að vinna að prófverkefni í faginu Dansk, kultur og kommunikation. Ég skilaði svo skriflega hlutanum á föstudaginn og fer svo í munnlegt á þriðjudaginn í næstu viku. Í munnlega hlutanum á ég að verja verkefnið mitt og ætla ég að búa til fingramálningu og sýna þeim spennandi myndir af strákunum í fingramálningargerð, svo er bara vonandi að þetta takist. Það verður allavega framhaldssaga af þessu, sama hvort ég næ eða fell.....

Ég, Kormákur og Kristófer erum komin í vetrarfrí núna í viku og ætlum sko að njóta þess. Búið að planleggja ýmislegt, en þið fáið ekki að lesa um það núna, hihihi, eruð þið ekki spennt.

Í gær fórum við í afmæli til Charlottu (dóttir Óla og Ástu) og enduðum svo í mat hjá þeim líka, þannig að þetta var langt en skemmtilegt afmæli. Takk kærlega fyrir góðan dag.

Strákarnir eru búnir að skera út í grasker fyrir hrekkjavökuna og eru bara mjög ánægðir með niðurstöðuna, enda líka svaka flott hjá þeim. Við setjum svo inn myndir um mánaðarmótin þegar hrekkjavakan sjálf er búin en þá verður gert eitthvað spennandi og öðruvísi.

Skrifa meira á þriðjudaginn eftir viku, og vonandi með góðar fréttir þá.

Knús og koss

Bergþóra og co

Athugasemdir

[Birna (IP-tala skráð) 13.10.2009 kl. 23:51]

Þú átt eftir að brillera elsku Bergþóra mín...ekki spurning;)

Knús á þig og þína:*