Skóli

Við vorum að fá að vita að það sé búið að finna skóla fyrir hann Kormák. Versta er að við erum ekki sátt við hann og þurfum við að reyna að leysa það mál.

Það er eitthvað nýtt hjá Vejle kommune að setja útlendinga í sér bekk á meðan að þeir eru að læra dönsku, þá eru þetta krakkar allstaðar frá úr heiminum og er það bara ekkert að koma til greina hjá mér. Fyrir utan það þá er skólinn í öðrum bæ. Ég vil að hann fari í danskan bekk því að þar lærir hann dönskuna, ég sendi hann bara í einkaskóla ef ég þarf. Mér finnst bara asnalegt að hann eigi að vera í eitt ár í þessum skóla og fara svo í annan og þurfa að byrja upp á nýtt.

Við Kristófer erum að hætta á leikskólanum næsta föstudag og verður þá party hjá okkur. Við ætlum að gefa deildunum okkar ís og snakk. Einnig ætlum við að gefa konunum kökur. Það eru nú allir búnir að vera svo góðir við okkur og viljum við kveðja þær almennilega.

Kveðja Bergþóra og co

Jæja loksins kominn íbúð

Jæja eftir langa og stranga leit erum við búin að finna íbúð í Vejle. Áætlaðir flutningar eru 9. júlí

Árni bróðir kemur með okkur út og lendir hann því í því að tæma gáminn með okkur . Hann ætlar nú að vera hjá okkur í næstum fjórar vikur, þannig að þetta verður heimsókn nr 1 til okkar í Danaveldi. Heimsókn nr 2 verður svo frá mömmu og pabba þegar þau koma að ná í Árna 30. júlí . Vonandi fáum við svo fleiri heimsóknir, en það kemur í ljós

En á meðan við bíðum eftir öllu þessu ætlum við að halda áfram að vinna til endaðan júní.

Við erum nú svo heppin að áður en við förum frá Íslandi fáum við að kveðja alla okkar ættingja og vini í brúðkaupi hjá Valgerði og Halldóri, sem er einn vinsælasta dag ársins eða 07.07.07. Við erum nú voða spennt yfir því, það verður örugglega alveg frábært .

Kveðja

Begga og co