Frí á morgun:)

Já það er frí í skólanum hjá mér á morgun. En maður verður nú samt ekki í fríi, nóg að lesa fyrir mánudag, tiltekt ofl. Ég ætla nefnilega að eiga frí frá öllu svoleiðis um helgina og gera eitthvað sniðugt með strákunum mínum.

Kormákur telur niður dagana i festelavns party sem við erum að fara í, í skólanum hans 5. feb. Þetta er eins og öskudagurinn og bolludagurinn heima. Á þessum degi er kötturinn slegin úr tunnunni og borðaðar festelavnsboller, sem eru bara rjómabollur(en ekki eins og við erum vön á Íslandi). Við ætlum að baka einhverjar vatnsdeigsbollur handa okkur um helgina, þannig að við fáum íslenskar bollur líka, allveg ómissandi. Það sem mér finnst verst það er það að ég fæ engar baunir og ekkert saltkjöt á sprengidaginn. Mamma mín þú verður bara að hafa annan sprengidag handa mér þegar við komum til Íslands.

Kormákur telur líka niður dagana þar til við komum heim því að hann saknar GÖMLU GÓÐU DAGANA Á ÍSLANDI. Ég vissi ekki hvert við ætluðum þegar hann sagði þetta, hann var svo alvarlegur, algjör dúlla, það var svo erfitt að halda andlitinu.

Jæja við heyrumst seinna elskurnar.

Kossar og knús

Bergþóra og co

Drullumall:)

Þessi helgi er nú búin að vera svakalega róleg. Jón Óskar er búin að vera að vinna aðfaranótt laugardags og sunnudags, þannig að við strákarnir erum bara ekkert búin að gera. Í gær vorum við bara heima, bökuðum skúffuköku og sunnudagsbollur Sollu stirðu á meðan Jón Óskar svaf. Þetta var rosa gott að fá nýbakaðar bollur og skúffuköku í kaffinu.

Í dag var heldur betur drullumall á strákunum okkar tveim. Þeir fóru út að leika og pabbi þeirra segir þeim að vinnusvæðið hinum megin við bílastæðið sé bannað, þar sem það er svo mikil drulla. Ég segi þeim að sandurinn sé í lagi sem er þar, þeir megi bara ekki fara í drulluna við vinnusvæðið. Þeir rosalega glaðir og fara út. Eftir langan tíma úti kemur Kormákur inn og kallar á pabba sinn. Jón Óskar fer út og sér þar Kristófer sitja fastan í DRULLU. Jón Óskar var ekki mjög ánægður með syni sína þarna, sverðið hans Kristófers fljótandi í miðjum drullupolli og þeir svo hryllilega skítugir að annað eins hefur ekki sést á þessu heimili. Jæja við ákveðum að láta sverðið eiga sig í smá tíma og fórum í heimsókn upp í Give og tókum bakkelsi með okkur. Þegar við komum heim ákveð ég sjálf að ná í sverðið, Jón var búin að segja að það væri mikil drulla þarna í kring, en að sjálfsögðu læt ég það ekki stoppa mig. Ég fer rosalega varlega og REYNI að passa mig að stíga ekki í drullu. Í skrefi númer tvö, hvað geri ég þá? SEKK Á KAF Í DRULLU. Ég rétt stíg niður fætinum og sogast niður upp á miðjan kálfa. Skórinn minn og buxurnar litu ekki mjög vel út eftir þetta ævintýri. Kormákur spurði mig líka hvort að mér fyndist drullan ekki vera köld, honum hafi allavega fundist það þegar hann sökk og Kristófer var að draga hann upp. Þetta ævintýri endaði svo á því að húsbóndinn bjargaði sverðinu úr drullupollinum og Kristófer rosa ánægður með það. Ég vona samt að þeir láti sér segjast og fari ekki þarna aftur, allavega fylgist ég vel því. Þetta getur verið svolítið hættulegt svæði að leika sér á þegar maður sekkur niður.

Vonandi hafa allir átt góða helgi okkur leiddist allavega ekki.

Knús og kossar

Bergþóra og co

p.s Jóhanna ég skoðaði fréttina og skrifaði athugasemd við eitt bloggið þarna. Mér finnst fólk stundum svo neikvætt þegar það kemur eitthvað nýtt. Þú mátt óska öllum til hamingju með þetta frá mér, mér finnst þetta sniðugt og flott. Hlakka til að sjá þetta um páskana þegar við komum heim. Ég sagði mömmu í dag að við færum í sumarbústað bráðum eina helgi og ég frétti að Ingimundur og þið væruð að fara í "vetrarbústað", að það væri vetur og þá færi maður í vetrarbústað en ekki sumarbústað. Þetta var gott hjá þér Ingimundur, þú ert algjör gullmoli.

Kormákur að hressast:)

Núna er Kormákur búin að vera heima það sem af er af þessari viku. Hann er að hressast og fer sennilega í skólan á morgun. En er einhver sem veit um barn eins og hann - hann var með yfir 39 stiga hita og getur spilað í tölvu og vildi helst ekki sofa. Hann á bara svo leiðinlega mömmu sem vildi endilega að hann leggði sig, það gekk nú ágætlega á endanum.

Ég tók Kormák með mér í skólann í dag. Ég tók nú tölvu með handa honum líka, spiderman 3 og einn leik, þannig að honum myndi ekki leiðast. Eins og alltaf er tölvan mjög góð barnapía og varð ég varla vör við hann. Ég bjóst við að vera þarna í svona 1 - 1.1/2 tíma en við vorum 2.1/2 tíma. Það er alveg ótrúlegt hvað allt þarf að taka langan tíma, en að sjálfsögðu brosir maður bara og reynir að reka aðeins á eftir.

Ágústa mín ég þarf semsagt að hafa fyrir því að finna út hvað litla Dís heitir, jæja ég kemst að því vonandi þegar ég er búin að skrifa þetta.

Jæja elskurnar bið að heilsa ykkur.

Kossar og knús

Bergþóra og co

AFMÆLISKVEÐJA:)

Elsku amma innilega til hamingju með 98 ára afmælið.

Innilegar saknaðarkveðjur

Jón Óskar, Bergþóra, Kormákur Helgi og Kristófer Ingi

Helgarskýrslan:)

Helgin fór nú öðruvísi en áætlað var, við ætluðum nú að gera eitthvað öðruvísi og skemmtilegt með strákunum. Á föstudagskvöldið kemur Kormákur til mín og segir "mamma, mér finnst eins og ég sé heitur, ég er kannski að verða veikur", " já, já Kormákur minn" segjum við bara, þú ert búin að horfa of mikið á sjónvarp, komdu ég mæli þig samt" greyið barnið komið með 38.4 í hita. Hann er semsagt búin að eyða helginni í veikindi og er ennþá með 39,4 í hita. Kristófer er ekkert of ánægður með það, hann vill endilega fara eitthvað en í staðin erum við búin að horfa á Spiderman3, spila Buzz, Monopoly, hvem er hvem ofl. Þannig að við erum búin að hafa nóg að gera.

Í gær vorum við með nautasteik að borða, en strákarnir ekkert smá ánægðir með það að pabbi þeirra fór og keypti barnabox á McDonalds handa þeim, hann keypti sjeik handa þeim með og Kristófer sagði "hei hvað er þetta" "smakkaðu bara", "mamma, ég vildi ekki fá ís til að drekka með hamborgaranum, halló", hehehehe, það fór góðmennskan hjá okkur í þetta skiptið, hann var svo hneykslaður að ég vissi ekki hvert hann ætlaði.

Planið það sem eftir er af þessum degi er að spila Buzz, skibo, horfa á góða mynd ofl. Heyrumst síðar og hafið það sem allra best.

Knús og kossar

Bergþóra og co

Starfsnámið búið!

Mikið var ég ánægð þegar ég labbaði út af leikskólanum í dag, ég ætla nú samt að fara með köku þangað í næstu viku og gefa þeim. Þau gáfu mér kaffibolla sem þau voru búin að teikna sjálf á og búin að fylla hann af nammi, að sjálfsögðu fengu þau smakk af namminu og ekkert smá ánægð með það. Núna á mánudaginn er það þá bara skólinn sem tekur við og heilmikil vinna.

Hvað er að, ég var að fatta að ég steingleymdi að skrifa inn eina afmæliskveðju, en betra er seint en aldrei segi ég(hún átti afmæli 11.janúar). ELSKU EYDÍS BIRNA INNILEGA TIL HAMINGJU MEÐ 10 ÁRA AFMÆLIÐ. VONANDI ÁTTIR ÞÚ GÓÐAN DAG. 

Vikan er nú búin að vera svakalega róleg og hef ég lítið að segja (eiginlega bara ekki neitt meira). Læt ykkur vita hvernig helgin fór síðar.

Kossar og knús

Bergþóra og co

Hæ!

Þá er síðasti leiðsagnarfundurinn búinn og gekk hann bara ágætlega. Það er eitthvað sem henni finnst ég þurfa að vinna með, en það er allt í lagi ég ætla ekki að vinna á svona leikskóla í framtíðinni, mér finnst taka of mikið á mig andlega að vinna með börnum sem eru bæði andlega og líkamlega fötluð, ég gæti alveg hugsað mér líkamlega fötluð en ekki andlega. Núna eru bara tveir dagar eftir og er ég mjög ánægð með það, þrátt fyrir að börnin eru æði er þetta er ekki fyrir mig. En ég fæ starfsnámið mitt samþykkt og fannst henni verkefnið mitt frábært.

Það verður nú spennandi að byrja í skólanum aftur og sjá hvernig þetta verður, hvort ég verði áfram í sama hóp eða hvað gerist. Ég er núna búin að komast að því hvernig prófið verður í sumar. Við drögum einn miða og á honum stendur nafn á einu fagi sem við höfum verið í, við skrifum svo skýrslu um hvað við viljum tala. Það verða 4 dómarar sem við tölum við í 20 mín, eftir því er dæmt hvort við náum árinu eða ekki. Svo er það bara ég að draga í faginu sem ég skildi ekkert í.

Það er nú bara ekkert að frétta hjá okkur núna. Kormákur og Kristófer alltaf jafn ánægðir í skólanum og leikskólanum. Okkur hlakkar öllum voða til að koma heim um páskana og setti ég áminningu í símann hans Kormáks. Hann þarf jú að vita hvenær hann fær að hitta Ingimund og spila með honum í Playstation og leika. Þeir eru núna að safna sér fyrir ferða dvd spilara til að taka með sér. Þeir hjálpa okkur að ganga frá eftir matinn og eru duglegir að taka til í herberginu sínu. Svo fá þeir pening í páskagjöf frá okkur í stað páskaeggs. Svo er bara að vona að þetta gangi vel og að þeir verði búnir að fá allavega annan fyrir páska, þannig að þeir geti tekið hann með í lestina og flugvélina.

Við töluðum við hana Jóhönnu mína og Steina um daginn og sendu þau okkur mynd af tilvonandi heimili okkar, ef einhver vill kíkja á það þá er slóðin hér, þetta er rosa flott.

http://www.campingdanmark.dk/pages/billedarkiv/vis_serie.asp?serieGuid=38340

Knús og kossar

Bergþóra og co

Helgin:)

Er búin að vera svo róleg að það er ekki fyndið. Við byrjuðum föstudaginn á því að fara í vinnu og náðum svo í strákana í leikskóla og skóla. Kormákur fékk vin sinn með heim og spiluðu þeir Star Wars Battlefront í þessa 2 tíma sem vinur hans var hjá honum. Á meðan spiluðum ég, Jón og Kristófer i Buzz (mér tókst ekki að vinna þrátt fyrir að Kormákur væri ekki með). Þegar vinur hans Kormáks var farinn fórum við að elda, það var píta með PÍTUSÓSU í matinn, ekki seinna að vænna þar sem var búið að borða svo mikið af sósunni, en aldrei að hafa pítu, sósan kláraðist semsagt núna, en þetta var rosa gott. Eftir matinn var bara slappað af og horft á sjónvarpið.

Í gær laugardag fór Kormákur til vinar síns og á meðan vorum við hjónin að taka til og þrífa. Um kvöldið var horft á Hákarlabeitu sem Kristófer fékk í jólagjöf frá Steinunni, Georg, börnum og hundum og borðað íslenskt nammi og popp, ekkert smá notó.

Í dag var svo spilað smá Buzz og farið í heimsókn upp í Give. Þar fengum við kaffi og kökur og krakkarnir léku sér lengi. Takk fyrir okkur.

Jæja ég hef nú verið að spá upp á síðkastið hvort ættingjar okkar séu ennþá á lífi. Mig vantar semsagt einhver komment á hvað ég er að skrifa þannig að ég nenni þessu(ekki móðgun á þig Valgerður mín, þú ert mjög dugleg). Amalía mín takk fyrir kveðjuna, Kristófer var mjög ánægður.

Kossar og knús

Bergþóra og co

HÆ!

Mig langar að byrja á því að óska honum Skúla Þór frænda innilega til hamingju með daginn, loksins orðin fjórtán ára.

Annars er það sem af er vikunnar búið að vera bara alveg ágætt. Ég er búin að vera í innkalli í skólanum, það er nú búin að vera svolítil sóun á tíma, hefði örugglega lært meira með því að vinna. Í gær var ég á fyrirlestri sem fjallaði um siðferði og móral. Mér fannst ég ekki þurfa 3 tíma fyrirlestur um það sem ætti að vera "heilbrigð skynsemi", og þar fyrir utan talaði hún um yfirborðið en fór ekkert dýpra í þetta, þvílík sóun. Svo fyrir utan þetta þá var ákveðið að vinna í hópnum mínum, og hvað varð úr því, EKKERT. Þannig að ég ákvað að sóa ekki alveg þessum þremur dögum og kláraði verkefnið mitt í dag(held ég, vona ég).

Á mánudaginn hringdi ég í fyrirtækið sem leigir okkur íbúðina, vegna þess að í gær var 1 árs skoðun á íbúðinni. Ég hringdi til að fá ákveðinn tíma, en þetta er Danmörk og það virðist vera bara í lagi að láta fólk jafnvel taka sér frí frá vinnu heilan dag og bíða eftir að þeim þóknist að koma. Ég vildi nefnilega ekki afhenda lyklana mína til einhvers sem ég ekki þekki, en hann sagði að þeir hefðu rétt á að koma inn, ég sagði "já þið megið koma þegar ég er heima, þetta eru mínir persónulegu munir hér inni og hér fær enginn að vera nema við séum heima". Ég lét hann síðan bara vita að ég yrði heima um 11:30 og þeir væru velkomnir þá (alltaf sama frekjan í mér), þá hætti hann að vera fúll og Þakkaði fyrir. Það virðist nú vera eitthvað sem þarf að laga, en það kemur í ljós seinna.

Kormákur fór í fyrsta afmælið sitt hjá strák í bekknum hans, það var haldið í Legelandet, mjög skemmtilegur staður, mikið að gera og alveg rándýrt. Þetta er flottur staður að fara með strákana einhverja helgina og vera þar í nokkra tíma, það kostar nefnilega 300dkr fyrir okkur, það þarf að borga líka fyrir fullorðna sem sitja bara við borðin og horfa á börnin leika sér, þetta er samt eins og 3-4 ævintýralönd í Kringlunni, þannig að þetta er stórt svæði.

Jæja þá er ég búin að setja inn nokkrar myndir frá des og fram yfir áramót.

Kossar og knús

Bergþóra og co

 

Helgarfærslan:)

Helgin hjá okkur er búin að vera róleg. Við kláruðum að fara með allt draslið á haugana eftir jólin, það er ekkert smá sem safnast af rusli, við gátum ekki einu sinni tekið Kristófer með til að tæma bílinn, þannig að Jón þurfti að fara einn(hann hafði nú gott af því, hí, hí). Við skruppum til Horsens í gær á einhvern útsölumarkað, sem var að selja Sholl skó, garn ofl á 50% afslætti en það var ekki eitt einni krónu, ekki mikið varið í það. Í dag fórum við svo upp í Give í heimsókn til Óla og Ástu, að sjálfsögðu var mikið kjaftað þar og stoppuðum við mikið lengur en við ætluðum, en alltaf gaman að koma þangað.

Við erum búin að vera að spila Buzz um helgina við strákana og mér gengur ekkert að vinna þetta. Jón er nú búin að vera einu sinni í fyrsta sæti og var hann ekkert smá ánægður,"það er nú ekki hægt að Kormákur vinni alltaf", ég var að hjálpa Kristófer líka þannig að ég var í 3 sæti (ég ætla nú að vinna Jón einu sinni, það er alveg á hreinu).

Valgerður mín ég er búin að breyta könnuninni, þannig að nú getur þú merkt við. Frábært hjá ykkur að skella ykkur á þessa tónleika, hafa örugglega verið alveg frábærir. Þó að við sáum ykkur á skypinu, þá er það ekki það sama og sjá ykkur í eigin persónu (samt bjargar skypið miklu).

Jóhanna það eru allir að reyna að koma þessu púsli saman sem þið gáfuð Kormáki (en því miður þá vantar eitt púsl í hana), okkur Kormáki finnst þetta mjög erfitt (Kormákur samt betri en ég, þegar hann sest yfir þetta, hehe), Jón skilur aftur ekki á móti að þetta gangi svona hægt, því þegar hann sest yfir þetta þá skotgengur þetta.

Jæja nú ætla ég að koma börnunum í rúmið. Munið að kvitta.

Kossar og knús

Bergþóra og co