Ringing og meiri rigning

Það var nú alveg brjálað að gera í gær þar sem við vorum að undirbúa komu Jóhönnu og Ingimundar. Ég ætlaði að reyna að fá klippingu og gekk það nú ekki upp, þannig að við löbbuðum göngugötuna og fórum svo á Flóamarkað, þar var nú ekkert spennandi. Ég keypti þó Dior sólgleraugu á 100 dkr og var það, það eina, nei alveg rétt, ég keypti egg líka. Við náðum svo að versla og fara með dót og frystivörur upp í hús áður en við fórum að ná í þau á lestarstöðina. Ingimundi fannst mjög gaman í flugvélinni en ekki eins gaman í lestinni, þannig að hann var nú feginn að koma hingað eftir allt þetta ferðalag. Það var eitt sem honum fannst þó athugavert og það var hvernig fólk talaði, þetta er nú líka svolítið skrítið tungumál sem er talað hérna.

Strákarnir voru fyrir löngu búnir að ákveða hvað átti að vera í matinn og elduðum við því kjúkling í kóki, höfðum brauð, hrísgrjón og ferskt salat með. Ingimundi fannst hrísgrjónin og brauðið gott, en sósan var ógeðsleg (um að gera að vera hreinskilin, hehehe). Við horfðum á mynd, borðuðum nammi og snakk. Ég og Jóhanna vorum duglegar í hvítvíninu, bjórnum, grandi og mozart, mmmmm gott (það vantaði þó örlítið upp á heilsuna í morgun).

Við skelltum okkur í Legoland í dag og það var grenjandi rigning. Þrátt fyrir alla rigninguna skemmtum við okkur alveg konunglega. Strákarnir fóru í flest öll tækin og þegar við vorum öll orðin blaut og köld (aðallega köld) drifum við okkur heim. Kíktum á nýja húsið og fórum með lærið og slátrið í frystikistuna í leiðinni. Takk fyrir sendinguna mamma og pabbi, eins og venjulega var þetta alveg æði. Jóhanna kom nú með slatta af íslensku nammi, cheerios, lucky charms, innflutningsgjöf ofl og þökkum við innilega fyrir það. Í innflutningsgjöf fengum við glös sem heita fjölskyldan mín, bók sem heitir Til hamingju með nýja heimilið og geisladisk, elsku mamma, pabbi, Árni, Jóhanna, Steini og börn, Valgerður, Halldór og litla snúlla takk æðislega fyrir þetta, rosalega flott.

Jæja það er best að klára að elda.

Knús og koss

Bergþóra og co

Næstum allir.....

komnir í helgarfrí. Jón er að vinna aftur þessa helgi, þannig að líklega sjáum við hann aftur eftir viku. Ég er nú að vona að hann komist eitthvað heim um helgina eða í vikunni, annars er þetta svo langur tími sem þessi elska er í burtu.

Vikan er búin að vera róleg en samt nóg að gera. Ég er ennþá að vinna í því að þrífa húsið okkar, en þetta tekur svo langan tíma þegar ekki er hægt að vera lengi í einu. Strákarnir eru alveg ótrúlega duglegir þarna, leika sér í garðinum, spila í tölvu og eru með smá dót til að leika sér með. Þeir eru reyndar með eitt fast verkefni og það er að sjá til þess að það sé alltaf nóg brenni í fötunni okkar, þannig að við getum kveikt upp í brenniofninum okkar.

Starfsnámið mitt gengur alveg vonum framar að mér finnst, þær eru rosalega duglegar að efla sjálfstraustið hjá manni. Mér fannst nú yfirleitt að ég hefði þokkalega mikið sjálfstraust, en á það víst að draga mig til baka ef ég er ekki viss hvað ég á að gera í staðin fyrir að halda áfram, hmmmm, kannski að þetta sé rétt. En leiðbeinandinn minn segir að hún gæti samt góðkennt mig núna, þannig að ég er að gera eitthvað rétt.

Kormákur sagði við mig í gær "mamma, mér finnst Ísland betra en Danmörk", "nú af hverju", "æ, af því að mig vantar stundum meira knús en bara frá ykkur pabba, sérstaklega svona á kvöldin þegar ég er að fara að sofa", "ok", "já ég var orðin svo vanur því að fá knús frá ömmu, afa og Árna líka", hehe. Þetta var síðan rætt fram og til baka, en þrátt fyrir mikinn söknuð á fjölskylduna þá höfum við það gott hérna.

Núna bíðum við spennt eftir morgundeginum kl 17:25, því að þá stöndum við niður á lestarstöð og tökum á móti Jóhönnu og Ingimundi, hehe strákarnir eru fyrir löngu búnir að ákveða hvað á að vera í matinn og svo er planlagt nammi, snakk, rauðvíns og ostakvöld á morgun, mmmm, notó.

Knús og koss

Bergþóra og co

Haldið endilega áfram að kvitta.

Jei, við erum komin með húsið:)

Við fengu húsið okkar afhent á miðvikudaginn og fórum í Legoland á flugeldasýningu til að fagna því, um leið og flugeldasýningin byrjaði þá fór að rigna. Við buðum vini hans Kormáks með okkur og fengu þeir að ráfa þarna um tveir, þetta fannst þeim bara æði. Kristófer naut þess að vera einn með okkur en fékk rosalega lítið hjarta í flugeldasýningunni og fór að hágráta og vildi ekki þessi læti, ég og hann löbbuðum því í áttina að bílnum og biðum eftir hinum við innganginn. Okkur finnst nú pínu furðulegt hvernig húsin eru afhent hérna miðað við allt vesenið í kringum það að kaupa. Fyrrverandi húseigandi skildi örbylgjuofninn sinn eftir og sagði að ef við vildum hann ekki þá gætum við bara hent honum, hann skildi eftir eina uppþvottavélatöflu, smá gluggahreinsir ofl. Við hlógum nú af þessu og ég veit að ég fæ nóg að gera við að þrífa.

Við erum búin að vera snúast í ýmsu út af húsinu, við erum búin að flytja ýmislegt fram og tilbaka (samt mest fram). Rúna, Mads og Emma komu til okkar í gær að hjálpa okkur við að mála húsið. Þannig að við byrjuðum í gær um 2 leitið og kláruðum núna í dag um 3 leitið. Þetta var ekkert smá mikil hjálp að fá þau, við hefðum örugglega rétt verið hálfnuð ef þau hefðu ekki komið. Mads er nú málari að mennt, þannig að hann gerði allt á þreföldum hraða miðað við okkur hin og skildi ekkert af hverju við vorum svona lengi að þessu. Takk fyrir hjálpina, þetta var æði og mikill munur á húsinu okkar. Við bárum inn nýja ísskápinn og frystikistuna, en mig vantar sterkari heldur en mínar til að bara þvottavélina inn, púffffff hvað hún er þung.

Á morgun er svo planið að þrífa þarna uppfrá og fara með ýmislegt dót sem er fyrir okkur hér. Svo verður lítið sem ekkert gert fyrr en aðra helgina í nóvember. Nema þar að segja að gera ýmislegt fyrir skólann, undirbúa fund með kennaranum og leiðbeinandanum mínum, þar kemur sem sagt í ljós hvort ég standist starfsnámið. En í millitíðinni koma nú Jóhanna og Ingimundur til okkar og verða í viku, við hlökkum svo til.

Setti inn nýjar myndir í albúmið um húsið okkar.

Knús og koss

Bergþóra og co

 

Kannski það sé komin tími............

til að skrifa smá hérna, hmmmm. Er smá fegin að vera hérna í danaveldi núna, en það er nú ýmislegt í gangi hérna líka, bankarnir halda aftur að sér í lánum og fleira. Eins og flestir vita þá getum við hvorki sent pening til né frá Danmörku, og ekki er hægt að byðja einhvern um að taka með sér að heiman heldur þar sem takmörkun er á gjaldeyriskaup núna, en sem betur fer erum við bæði með laun hérna núna þannig að allt reddast hér á bæ.

Jæja þá yfir í aðeins skemmtilegra, helgin.... Jón Óskar vann um helgina og ekki veitir nú af því. Ég og strákarnir vorum aftur á móti bara að dúlla okkur. Ég var búin snemma í skólanum á fimmtudag og fór í bæinn með Kormáki að kaupa afmælisgjöf, náðum síðan í Kristófer og fórum heim. Ég ákvað síðan að taka herbergin hjá strákunum aðeins í gegn, fara í gegnum dótið, hverju á að henda, hvað á að geyma osfrv.

Ég og Kristófer vorum tvö heima á föstudag, ég var í fríi, Jón í vinnu, Kormákur í skóla og svo beint í afmæli, þannig að við Kristófer ákváðum að vera bara saman heima og eiga langa helgi. Tíminn var nú samt að sjálfsögðu nýttur í að gera hreint og versla, en það var fínt þá vorum við bara snemma búin.

Á laugadaginn skrapp ég niður á Fjón til Rúnu og co, Mads ætlar að kaupa fyrir okkur málningu og ætla þau svo að koma á föstudaginn og hjálpa okkur með að mála. Ekki verra að fá fagmann með sér í þetta og vonandi náum við að klára að mála allt um helgina. En við Rúna gátum nú kjaftað í nokkra tíma á meðan krakkarnir léku sér, ekki leiðinlegt það.

Á sunnudaginn fór ég með strákana upp í Silkeborg til Rögnu, húsbóndin þar á bæ var að vinna líka, þannig að við sátum tvær með börnin og kjöftuðum, eiginlega voru þessir 2 1/2 tími ekki nóg, en við bætum það vonandi upp seinna, hehe. Takk fyrir kaffið og gómsæta köku.

Núna bíðum við svo spennt eftir miðvikudeginum. En við tökum við húsinu klukkan 12 á dönskum tíma, hehe, bara gaman.

Heyrumst síðar og haldið áfram að vera svona dugleg að kvitta, ekkert smá gaman að því.

Kossar og knús

Bergþóra og co

Hello!

Jæja við byrjum á afmæliskveðjum. Við viljum óska Trausta Jón Þór innilega til hamingju með 20 ára afmælið, stór áfangi. Svo er það hann Árni Skúla sem á afmæli líka í dag, innilega til hamingju með það, hafið það báðir sem allra best.

Jæja, ég get sagt ykkur það að ég nenni ekki að eyða orðum á vikuna, þar sem allt gengur sinn vanagang á virkum dögum.

En það er nú búið að vera nóg að gera um helgina eins og venjulega. Ég fór á starfsmanna laugadag í vinnunni og við fengum ekkert að vita nema að við áttum að hittast á lestarstöðinni klukkan 08:00, hihi spennandi. Við fórum um borð í lest fengum morgunmat, en þær (stjórarnir) höfðu komið við í bakaríi og keypt rúnstykki og smjörköku,mmmm. Þegar við vorum svo búin að vera í lestinni í um það bil klukkutíma fengum við að vita að við værum að fara til Kóngsins Köben. Þar heimsóttum við leikskóla sem er minnsti leikskóli Kaupmannahafnar með aðeins 27 börn, hann er byggður á Reggio Emilia stefnunni (ég er mjög hrifin af henni, en ég veit að það vita ekki allir um hvað hún snýst og ég nenni ekki að útskýra það hér), þetta var mjög gaman og fullt af hugmyndum sem maður fær.

Jæja eftir þetta fórum við niður í bæ og fengum frjálsan tíma á Strikinu í 1 og hálfan klukkutíma, ekki leiðinlegt það. Ég var nú ekki að stressa mig mikið inn í búðir og nennti þar af leiðandi ekki að labba með stelpunum sem eru svo æstar í búðir að það er engu lagi líkt. Ég labbaði því með einni sem heitir Nadya, O MY GOD, ég var toguð áfram eins og hún ætti lífið að leysa "eigum við að kíkja hérna inn", "já, já" sagði ég róleg, þó að þetta væru ekki búðir sem ég hafði áhuga á, en allt í lagi, ég var nú ekki að stressa mig. Nú, ég sá síðan kaffihús og langaði mig að fara inn og fá mér kaffi til að taka með mér, það var smá röð og ég vissi ekki hvert Nadya ætlaði, og hún sagði "nei ég má ekki vera að þessu, einn dagur að versla á Strikinu er ekki nóg fyrir mig, hvað þá rúmlega klukkutími" úfff, þá var nú skemmtilegra að labba ein og kíkja þangað sem mig langaði, svona eins og Georg Jensen, Illum Bolighus, HogM ofl skemmtilegar búðir. Við hittumst svo allar og löbbuðum í rólegheitunum að veitingastaðnum sem við borðuðum á, þar bauð leikskólinn upp á mat og vín eða gos með matnum. Ég pantaði mér svo bjór sér og leikskólastjórinn alveg steinhissa og sagði henni að setja það með á reikninginn. Við löbbuðum síðan á Hovedbanen og tókum lestina heim, vorum komin hingað til Vejle um 22:00. Ég fékk æðislegar móttökur frá Jóni og Kristófer þar sem þeir biðu mín á brautarpallinum, svaka knús, mmmm lovely. Þetta var æðisleg ferð í alla staði og gaman að fá að vera með.

Á meðan ég var í Köben fór Jón með strákana í afmæli til Charlottu og var Ásta búin að baka fullt af góðum kökum, verst að maður getur ekki verið á mörgum stöðum í einu, hmmmm. Takk fyrir strákana mína og innilega til hamingju með 7 ára afmælið Charlotta.

Kormákur fór síðan heim til Lucas vinar síns, borðaði með honum og fóru þeir síðan á Funny Lørdag saman. Kormákur svaf síðan heima hjá honum og náðum við í hann í morgun. Við fengum Lucas með heim og fórum síðan í kirkju (foreldrar hans voru að mála og vesenast, þannig að við buðum honum með okkur). 3 bekk hérna er boðið að taka þátt í svona mini fermingarfræðslu og er þetta hluti af því. Krakkarnir áttu að taka með sér leikfang sem, þau vildu gefa til fátækra barna í Rumeníu. Ég get nú samt sagt ykkur það að ég var mjög hissa að það var engin sem klæddi sig sérstaklega upp á (við vissum það áður og vorum því ekkert allt of fín heldur) og það voru frekar mikil læti í kirkjunni (allir töluðu hátt, en heima hvíslum við). Það voru nokkrar stelpur sem sungu og hélt ég að þetta væru krakkar sem áttu að fermast næst, því þær voru bara í venjulegum fötum. Ég spyr svo mömmu eins og sagði hún að þetta væri "KIRKJUKÓRINN", VÁ ég var hissa, þær voru ekki einu sinni fínt klæddar. En svona er þetta, það er ekki allt eins og á Íslandi.

Núna er bara verið að skrifa smá ritgerð hér, drekka smá kaffi, nýja tegund af Baileys with a hint of coffie (mmm gott) og Grand Marnier. En það er nú komið að háttatíma hér á bæ.

Vonandi hafið þið haft gaman af ritgerðinni minni, njótið lífsins og gerið sem mest úr því.

Kvitta svo!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

Knús og koss

Bergþóra og co

Innilega til hamingju......

með afmælið elsku Kata, vonandi hefur verið stjanað í kringum þig í dag.

Fullt af knúsi frá okkur

Ég skrifa meira á morgun og segi frá helginni.