Jei, jei jei

Við fengum litla frænku í gærkvöldi. En og aftur, til hamingju Valgerður og Halldór með prinsessuna, hún er bara algjör dúlla.

Ég fékk gjöf í gær frá leikskólastjóranum og aðstoðarleiksskólastjóranum, þær voru að koma úr ferð frá Íslandi og á leiðinni heim í fríhöfninni sáu þær Opal og vissu að mér findist þetta gott, þannig að þær keyptu handa mér opal. Mér fannst það bara sætt af þeim.

Annars eru dagarnir bara rólegir hérna núna, Jón farin að heiman (fyrsta kvöldið núna) og mér finnst það frekar furðulegt. Kormákur sagði líka "mamma núna verður þú að gefa mér tvo kossa og tvö knús af því að pabbi er ekki heima" hihi algjör dúlla.

Jæja

Knús og koss

frá stoltu frænkunni í Vejle og co

Jæja þá er komið að......

helgarfærslunni. Reyndar er erfitt að skrifa þar sem lítið er um að vera. Kormákur fékk að sofa hjá vini sínum á föstudaginn, hann tók PSP, Nintendo, savekubbinn og extra fjarstýringu við PS2, já það er óhætt að segja að þeir vinir séu svolítið í tölvu, en þeir hoppuðu mikið á trampólíni líka, þannig að það var ágæts hreyfing á þeim líka. Ég, Jón og Kristófer fórum og keyptum okkur nammi, fórum heim og gerðum okkur pizzu(set inn myndir af flottu pizzunni hans Kristófers fljótlega, hann upprennandi pizzasnillingur). Eftir pizzuát horfðum við á disneystundina, talent 2008 og svo Lion King og borðuðum nammi og poppcorn. Við vorum að vísu svo þreytt að þegar við vorum búin með ca 30 mín af Lion King sofnuðum við öll í sófanum hehe.

Laugardagur: Náðum í Kormák og kíktum svo í plantorama að ath hvort það væri útsala á eplatré og kirsuberjatré í nýja garðinn okkar, það var að vísu ekki, þannig að við skoðuðum bara dýrin í staðinn. Við sáum stóran páfagauk (rosa flottur) sem talaði, hann sagði hej og farvel, svo öskraði hann og þá vildi Kristófer bara fara út, honum leist ekkert á þessi læti. Jæja það var farið heim og ekki gert neitt það sem eftir var dags. Við spiluðum reyndar Monopoly eftir kvöldmat og horfðum á Bee Movie (sofnuðum aftur í sófanum, haha).

Sunnudagur: Fórum á rúntinn og kíktum á afmælisbarnið upp í Give, þar fengum við ljúffengar kökur og kaffi,mmmm, takk fyrir okkur. Við horfðum á Mamma Mía áður en við fórum heim, ég verð nú að segja ég varð fyrir smá vonbrigðum með hana, ennnnn nokkuð góð samt. Ásta fékk lítinn sætan kettling í afmælisgjöf, aldrei þessu vant féll ég fyrir kisu og langar í eina núna. Það er bara eitt vandamál (frekar stórt), við megum ekki hafa gæludýr í blokkinni og það er jú einn og hálfur mánuður þar til við flytjum. Mig langar að taka kisu núna og hafa hana inni þar til við erum flutt, en samviskan okkar segir okkur að bíða, þar til við fáum húsið, þá er kisa bara orðin svo stór, mér langar að fá hana litla og eiga hana áfram. Núna er bara verið að chilla yfir sjónvarpinu, blogga einhverja vitleysu og kíkja á facebook. 

Knús og koss

Bergþóra og co

Til hamingju með......

afmælið Ásta. Eigðu góðan dag.

Knús og koss

frá okkur í Vejle.

Til hamingju með afmælið:)

Elsku mamma, amma.

Láttu stjana í kringum þig í dag, hafðu það gott.

Knús og kossar

Jón Óskar og co

Loksins:)

Jæja, það er allt við það sama hér skóli, vinna, leikskóli og allt þetta. Þannig að við komum okkur bara beint að helginni.

Laugardagur: Ég fór á sumarhátíð hjá leikskólanum og vann mér inn 4 tíma í frí á móti, þannig að nú á ég 10 tíma frí inni sem ég tek þegar Jóhanna og Ingimundur koma til okkar. Það er nefnilega þannig að þegar það eru starfsmannafundir eða eitthvað aukalega er það tekið út í fríi (mér finnst það nú bara fínt). Hátíðin var mjög skemmtileg og kynntist maður annarri hlið á foreldrum sem var mjög gaman. Á laugardagskvöldið höfðum við video og nammikvöld með Kristófer, og við horfðum á Min skøre Robinsons familie, mjög skemmtileg.

Kormákur Helgi var nefnilega mjög upptekinn alla helgina. Hann fór á funny Lördag í skólanum, þetta er fyrir 3-6 bekk. Þarna fór hann með vini sínum Lucas og byrjaði þetta klukkan 18 og var til 22, en þeir höfðu ákveðið að Lucas svæfi hér og voru spenntir yfir því, svo að klukkan 20:30 hringir Kormákur og segir að þeir vilji koma heim. Þeir fengu að spila í tölvu og skoða pokemonspil áður en þeir fóru að sofa, gaman hjá þeim.

Sunnudagur: Allir strákarnir vöknuðu eldsnemma þrátt fyrir að fara seint að sofa (nema stærsti, hann var mjög þreyttur). Foreldrar Lucas komu svo um 10 leitið, því þau voru að fara í Legoland. Lucas og Kormákur ákváðu að það væri mjög sniðugt að Kormákur fengi að fara með og það tókst. Kormákur fór því með þeim í Legoland og skildi okkur eftir heima. Við fórum því bara í Elgiganten að kíkja á þvottavélar ofl fyrir nýja húsið. Fyrir Kristófer var svo kíkt í Toys-r-us og þar var síðan bara þessi fína útsala, þannig að við nýttum tækifærið og keyptum nokkrar jólagjafir.

Við fengum síðan að vita áðan að ég hef verið samþykkt sem húseigandi í Danmörku og er afsalið á leið til okkar til undirskriftar.

Jæja nóg komið af bulli í þetta skiptið.

Knús og koss

Bergþóra og co

Hello!!!!!!

Vá mér finnst ég vera gersamlega tóm núna, en ég bulla bara eitthvað og við sjáum svo til hvað kemur út úr því. En takk fyrir kvittanirnar, þetta er svo miklu skemmtilegra svona.

Vikan er annars búin að vera eins og venjulega, vinna, skóli og allt þetta. Mér finnst ennþá voða gaman á leikskólanum, ég var í vejledningu og fékk ég bara hrós þar. Hún sagði að ég væri eins og Danir kölluðu það "fædd pædagog", en að ég fattaði það ekki alltaf hihi, hversu montinn getur maður orðið.

En nú eru stóru fréttirnar, það hlaut nú að koma að því að maðurinn minn myndi gefast upp á þessari konu sinni. Hann er sem sagt búin að ákveða það að flytja að heiman. Hann er að flytja upp í Stovring mánudaga til föstudaga, en þá kemur hann heim og eyðir helginni með okkur hinum.

Við fórum í gær á Miðaldarhátíð í Horsens, en það var uppselt á sýningarnar og vonbrigðin mikil hjá drengjunum. Við bættum aðeins upp og gáfum þeim miðaldardót (boga og en eitt sverðið). Þetta var annars mjög gaman að labba um bæinn og skoða, Jón keypti sér að sjálfsögðu bjór og fékk voða fína könnu með (leirkrús). Við fórum síðan heim, elduðum mat og spiluðum Hættuspilið, Jón voða ánægður, hann VANN (gerist nánast aldrei).

Í dag fórum við og ætluðum að skoða ísskápa, þvottavélar ofl í nýja húsið en allt var lokað. Við fórum þó í Jysk og þar náði ég í sessur á nýju garðstólana fyrir 30 kr stk í stað 175 dkr stk, hehe geri aðrir betur. Við komumst svo að því þegar við komum heim að hann Kormákur okkar var komin með 38 í hita, bara gaman eða þannig, heppilegt að það er stuttur dagur hjá Jóni á morgun svo ég kemst í vinnuna.

Jæja best að koma litla dýrinu í rúmið. Heyrumst síðar.

Knús og koss

Bergþóra og co