Kannski það sé komin tími............

til að skrifa smá hérna, hmmmm. Er smá fegin að vera hérna í danaveldi núna, en það er nú ýmislegt í gangi hérna líka, bankarnir halda aftur að sér í lánum og fleira. Eins og flestir vita þá getum við hvorki sent pening til né frá Danmörku, og ekki er hægt að byðja einhvern um að taka með sér að heiman heldur þar sem takmörkun er á gjaldeyriskaup núna, en sem betur fer erum við bæði með laun hérna núna þannig að allt reddast hér á bæ.

Jæja þá yfir í aðeins skemmtilegra, helgin.... Jón Óskar vann um helgina og ekki veitir nú af því. Ég og strákarnir vorum aftur á móti bara að dúlla okkur. Ég var búin snemma í skólanum á fimmtudag og fór í bæinn með Kormáki að kaupa afmælisgjöf, náðum síðan í Kristófer og fórum heim. Ég ákvað síðan að taka herbergin hjá strákunum aðeins í gegn, fara í gegnum dótið, hverju á að henda, hvað á að geyma osfrv.

Ég og Kristófer vorum tvö heima á föstudag, ég var í fríi, Jón í vinnu, Kormákur í skóla og svo beint í afmæli, þannig að við Kristófer ákváðum að vera bara saman heima og eiga langa helgi. Tíminn var nú samt að sjálfsögðu nýttur í að gera hreint og versla, en það var fínt þá vorum við bara snemma búin.

Á laugadaginn skrapp ég niður á Fjón til Rúnu og co, Mads ætlar að kaupa fyrir okkur málningu og ætla þau svo að koma á föstudaginn og hjálpa okkur með að mála. Ekki verra að fá fagmann með sér í þetta og vonandi náum við að klára að mála allt um helgina. En við Rúna gátum nú kjaftað í nokkra tíma á meðan krakkarnir léku sér, ekki leiðinlegt það.

Á sunnudaginn fór ég með strákana upp í Silkeborg til Rögnu, húsbóndin þar á bæ var að vinna líka, þannig að við sátum tvær með börnin og kjöftuðum, eiginlega voru þessir 2 1/2 tími ekki nóg, en við bætum það vonandi upp seinna, hehe. Takk fyrir kaffið og gómsæta köku.

Núna bíðum við svo spennt eftir miðvikudeginum. En við tökum við húsinu klukkan 12 á dönskum tíma, hehe, bara gaman.

Heyrumst síðar og haldið áfram að vera svona dugleg að kvitta, ekkert smá gaman að því.

Kossar og knús

Bergþóra og co

Hello!

Jæja við byrjum á afmæliskveðjum. Við viljum óska Trausta Jón Þór innilega til hamingju með 20 ára afmælið, stór áfangi. Svo er það hann Árni Skúla sem á afmæli líka í dag, innilega til hamingju með það, hafið það báðir sem allra best.

Jæja, ég get sagt ykkur það að ég nenni ekki að eyða orðum á vikuna, þar sem allt gengur sinn vanagang á virkum dögum.

En það er nú búið að vera nóg að gera um helgina eins og venjulega. Ég fór á starfsmanna laugadag í vinnunni og við fengum ekkert að vita nema að við áttum að hittast á lestarstöðinni klukkan 08:00, hihi spennandi. Við fórum um borð í lest fengum morgunmat, en þær (stjórarnir) höfðu komið við í bakaríi og keypt rúnstykki og smjörköku,mmmm. Þegar við vorum svo búin að vera í lestinni í um það bil klukkutíma fengum við að vita að við værum að fara til Kóngsins Köben. Þar heimsóttum við leikskóla sem er minnsti leikskóli Kaupmannahafnar með aðeins 27 börn, hann er byggður á Reggio Emilia stefnunni (ég er mjög hrifin af henni, en ég veit að það vita ekki allir um hvað hún snýst og ég nenni ekki að útskýra það hér), þetta var mjög gaman og fullt af hugmyndum sem maður fær.

Jæja eftir þetta fórum við niður í bæ og fengum frjálsan tíma á Strikinu í 1 og hálfan klukkutíma, ekki leiðinlegt það. Ég var nú ekki að stressa mig mikið inn í búðir og nennti þar af leiðandi ekki að labba með stelpunum sem eru svo æstar í búðir að það er engu lagi líkt. Ég labbaði því með einni sem heitir Nadya, O MY GOD, ég var toguð áfram eins og hún ætti lífið að leysa "eigum við að kíkja hérna inn", "já, já" sagði ég róleg, þó að þetta væru ekki búðir sem ég hafði áhuga á, en allt í lagi, ég var nú ekki að stressa mig. Nú, ég sá síðan kaffihús og langaði mig að fara inn og fá mér kaffi til að taka með mér, það var smá röð og ég vissi ekki hvert Nadya ætlaði, og hún sagði "nei ég má ekki vera að þessu, einn dagur að versla á Strikinu er ekki nóg fyrir mig, hvað þá rúmlega klukkutími" úfff, þá var nú skemmtilegra að labba ein og kíkja þangað sem mig langaði, svona eins og Georg Jensen, Illum Bolighus, HogM ofl skemmtilegar búðir. Við hittumst svo allar og löbbuðum í rólegheitunum að veitingastaðnum sem við borðuðum á, þar bauð leikskólinn upp á mat og vín eða gos með matnum. Ég pantaði mér svo bjór sér og leikskólastjórinn alveg steinhissa og sagði henni að setja það með á reikninginn. Við löbbuðum síðan á Hovedbanen og tókum lestina heim, vorum komin hingað til Vejle um 22:00. Ég fékk æðislegar móttökur frá Jóni og Kristófer þar sem þeir biðu mín á brautarpallinum, svaka knús, mmmm lovely. Þetta var æðisleg ferð í alla staði og gaman að fá að vera með.

Á meðan ég var í Köben fór Jón með strákana í afmæli til Charlottu og var Ásta búin að baka fullt af góðum kökum, verst að maður getur ekki verið á mörgum stöðum í einu, hmmmm. Takk fyrir strákana mína og innilega til hamingju með 7 ára afmælið Charlotta.

Kormákur fór síðan heim til Lucas vinar síns, borðaði með honum og fóru þeir síðan á Funny Lørdag saman. Kormákur svaf síðan heima hjá honum og náðum við í hann í morgun. Við fengum Lucas með heim og fórum síðan í kirkju (foreldrar hans voru að mála og vesenast, þannig að við buðum honum með okkur). 3 bekk hérna er boðið að taka þátt í svona mini fermingarfræðslu og er þetta hluti af því. Krakkarnir áttu að taka með sér leikfang sem, þau vildu gefa til fátækra barna í Rumeníu. Ég get nú samt sagt ykkur það að ég var mjög hissa að það var engin sem klæddi sig sérstaklega upp á (við vissum það áður og vorum því ekkert allt of fín heldur) og það voru frekar mikil læti í kirkjunni (allir töluðu hátt, en heima hvíslum við). Það voru nokkrar stelpur sem sungu og hélt ég að þetta væru krakkar sem áttu að fermast næst, því þær voru bara í venjulegum fötum. Ég spyr svo mömmu eins og sagði hún að þetta væri "KIRKJUKÓRINN", VÁ ég var hissa, þær voru ekki einu sinni fínt klæddar. En svona er þetta, það er ekki allt eins og á Íslandi.

Núna er bara verið að skrifa smá ritgerð hér, drekka smá kaffi, nýja tegund af Baileys with a hint of coffie (mmm gott) og Grand Marnier. En það er nú komið að háttatíma hér á bæ.

Vonandi hafið þið haft gaman af ritgerðinni minni, njótið lífsins og gerið sem mest úr því.

Kvitta svo!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

Knús og koss

Bergþóra og co

Innilega til hamingju......

með afmælið elsku Kata, vonandi hefur verið stjanað í kringum þig í dag.

Fullt af knúsi frá okkur

Ég skrifa meira á morgun og segi frá helginni.

 

Tilkynningarskyldan er komin í gang:)

Maður veit varla orðið hvað maður á að bulla hérna inni orðið. Við erum allavega búin að eiga alveg óskaplega rólega viku og helgi. Við kíktum niður í Kolding í gær og fórum í Toysrus og keyptum fleiri jólagjafir, strákunum finnst nú ekkert voðalega gaman að það er alltaf verið að kaupa eitthvað dót og þeir fá ekki neitt. "Sorry elskurnar jólin eru að koma og þá fáið þið fullt af dóti", "já mamma og þá förum við til Íslands" heyrðist í litla dýrinu, greinilegt að honum hlakkar til, hihi. Við kíktum í Punkt1(Heimilistæki), þar sem við fundum ísskáp, þvottavél og frystikistu, allt á saman stað, við dugleg. Við sáum Gorenje þvottavél og ísskáp og Vestfrost frystikistu, frystikistan var svo ódýr (þar sem hún var á afmælistilboði) að hún gat ekki gefið okkur meiri afslátt af henni, en við fengum 3000dkr í afslátt af ísskápnum og þvottavélinni. Eftir að við komum heim var ákveðið að hafa Raclett í matinn og svo að spila Monopoly, ÉG VANN ligga, ligga lá.

Í morgun kíktum við í Bauhaus og náðum okkur í litaspjöld, þannig að við gætum farið að ákveða liti á nýja húsið, guð hvað við erum spennt. Við gengum þarna um og vorum að skoða allt, sláttuvél, skóflur, exi fyrir brennið ofl, bara gaman hjá okkur. Núna er svo bara verið að liggja í leti, læra, horfa á formúluna og strákarnir að leika sér.

Jæja

knús og koss

Bergþóra

En ein helgin að.....

verða búin. Það er ótrúlegt hvað tíminn líður hratt, ég er alltaf jafn hissa á þessu.

Það var skemmtun í bænum um helgina (spotlight), ég fór í bæinn með leikskólanum á föstudagsmorguninn og sáum við söngatriði sem við áttum að dansa með í (svaka stuð), fengum risakökukall og töfradrykk. Mig langaði svo að fara með strákanna mína niður í bæ eftir vinnu og fund í bankanum, en Kormákur hringir og spyr hvort Anders vinur hans megi sofa, svo áætlanir okkar breyttust aðeins. Við fórum þá heim í staðin, elduðum pizzu, fengum nammi og snakk og horfðum á Talent 2008.

Í gær röltum við niður í bæ og sáum þá sjóræningjaleikrit og söngatriði, röltum síðan alla göngugötuna og kíktum smá í búðir, fengum okkur ís og bjór, keyptum nýja skó á frúnna og fórum svo heim. Hjónin fengu síðan letikast eftir skemmtilegan dag í bænum og skelltum við okkur á Jensens að borða. Leigðum okkur DVD og svo var aftur nammikvöld (haldið þið að það sé nú, tvö nammikvöld í röð), strákunum fannst þetta nú ekki leiðinlegt.

Í dag fórum við á Opið hús í sveitinni, en þetta er einu sinni á ári og finnur maður á netinu bóndabæ sem manni finnst spennandi og kíkir þangað. Við skelltum okkur á svínabú sem er á Fjóni. Þar fengum við að labba inn í svínastíurnar gölluð upp og í láns stígvélum. Kristófer leist nú ekkert of vel á stóru svínin, en fannst þessi litlu aðeins betri, hann vildi þó ekki halda á pínu litlu grísunum, ekki einu sinni þeim sem fæddust bara í morgun. Mamma hans var aftur á móti forvitin og sagði "mig langar", mér finnst svínin nefnilega voða sæt þegar þau eru svona lítil en svo er það búið. Þegar við komum heim aftur skelltum ég sjónvarpsköku í ofninn, því að við engum Ástu og börn í kaffi- takk fyrir komuna.

Svona fór nú þessi helgi hjá okkur, hafið það gott öll. Jóhanna okkur hlakkar líka til að þið komið.

Haha, ég dugleg og setti inn nokkrar myndir:)

Knús og koss

Bergþóra og co

Alltaf í afmælunum:)

Innilega til hamingju með daginn Ragnheiður. Góða skemmtun á morgun í afmælinu.

Kveðja frá okkur í danaveldi.