Fundurinn búin:)

Við fengum pakkann frá mömmu og pabba í dag. Við fengum SS pylsur, lifrapylsu, pítusósu og nammi. Við vorum ekkert smá ánægð með þetta og fengum okkur því pylsur í kvöldmat, algjört nammi. Takk fyrir þetta mamma og pabbi, þetta var frábært.

Kennararnir hans Kormáks komu í dag í heimsókn og var það bara mjög fínt að fá þær hingað heim. Kormákur náttúrulega búin að segja þeim að hann væri búinn að baka köku og voru þær voða glaðar með það. Þegar við komum heim sagði ég honum að skipta um föt þar sem hann var drullugur upp fyrir haus. Hann þurfti þá endilega að fara í gallabuxur og skyrtu. Ég verð nú að vera svolítið fínn þegar þær koma, er það ekki mamma. Önnur er alltaf inn í bekknum og er hún kennarinn en svo er hin pædagog og hún er smá inn í bekknum og svo er hún líka í SFO (gæslunni). Þær eru mjög ánægðar með hann, finnst hann duglegur og alls ekki feiminn. Hann les vel og heyrir vel á hvaða staf orðin byrja. Núna vilja þær heyra hann tala meiri dönsku því hann á það til að tala meiri ensku en dönsku, enn það kemur hjá honum og hann talaði bara dönsku á fundinum í dag. Þær voru ekkert smá ánægðar með það, því núna heyrðu þær að hann getur þetta alveg. Eftir vetrarfríið okkar vilja þær senda hann með bekknum sem hann fer í, í leikfimi, musik,myndlist. Hann fer í 2 bekk hér, en þar eru 8ára börnin hérna en ekki í 3ja bekk eins og á Íslandi. Mér finnst það voða skrítið en svona er þetta hérna. Núna er Trine sem er pædagog í bekknum og gæslunni búin að segja þeim að fylgjast með honum, því að hann er búin að láta hana vita að hann er ekkert ánægður með þessa gæslu, honum leiðist bara. Flott hjá honum að segja henni frá þessu.

Góða helgi öll sömul

Knús og koss

Bergþóra og co

Skólinn búinn þessa vikuna:)

Ég vil byrja á því að óska Katrínu innilega til hamingju með afmælið í dag. Gangi ykkur vel á sunnudaginn að skýra litlu hetjurnar ykkar. Sendi pakka fljótlega.

En jæja eins og sagði áðan þá er þessi skólavika búin hjá mér núna. Ég þarf nú samt að reyna að vinna verkefni á morgun og svo koma kennararnir hans Kormáks í heimsókn líka. Ég verð nú samt að segja það að ég er pínu lost aftur í skólanum, þessi verkefni sem eru núna eru svo erfið og ég skil þetta bara ekki alveg. Ég kvíði líka svolítið fyrir starfsnáminu en þar þarf að skila reglulega inn skýrslu til kennarans um það hvernig gengur. Ég hlýt nú samt að ná þessu, eða vonandi.

Kormákur er voða spenntur að fá kennarana í heimsókn og vorum við að baka súkkulaðiköku handa þeim. Hann er svaka ánægður í skólanum, en greyið er ekki alveg að finna sig í gæslunni núna. Hann er yfirleitt einn núna þegar ég næ í hann og er þá búin að vera einn allan tíman. Ég reyni nú samt að ná í hann eins fljótt og ég mögulega get. Svo er bara að vona að þetta breytist þegar hann kemur í almennan bekk.

Við fengum þær fréttir í gær að Elísabet frænka Jóns er að koma út og ætla þau að kíkja á okkur. Strákarnir voru voða spenntir þegar ég sagði að Alexander frændi kæmi í heimsókn. Þau koma sömu helgi og Lína verður hjá okkur (reyndar verða þau bara einn dag) og verður því nóg að gera, Við hlökkum öll voða mikið til.

Jæja elskurnar eigið góða helgi og verið góð hvert við annað.

Kossar og knús

Bergþóra og co