Pínu pons!

Eins og ég sagði í síðustu færslu þá vorum við á leiðinni í Madsbyparken í Fredericia, en á leið okkar þangað rákumst við á annan spennandi stað. Það var Trelde næs, strandlengja þar sem hægt er að labba um, leika sér í sjónum, og skoða skóginn í kring. Það gerðum við og nutum þess bara að vera úti, labba á tánum í sandinum og svona og borða nesti. Strákarnir voru ekki alveg sáttir þegar við fórum heim og hefðu alveg vilja vera lengur, en þar sem frúin á heimilinu neyddist til þess að afþýða ísskápinn var það ekki hægt.

Annars bíða allir spenntir hér að fá heimsókn á fimmtudag, en það eru Árni Þór(Bróðir), Gyða(systir Jóns), Beggi og Bergsteinn, okkur finnst nú voða heppilegt að þau koma öll með sama fluginu, því þá er bara ein ferð út á flugvöll (reyndar ekki langt að fara, þar sem þau fljúga á Billund). Árni verður hjá okkur í rúmlega 2 vikur, en Gyða og co verða í viku. Kristófer bað afa sinn að smíða fyrir sig sverð sem Árni átti að koma með, og hann er mjög spenntur yfir því. Kormákur vildi fá hníf og vonandi hefur afi náð að klára hann líka. Ég fæ sent Cheerios og Lucky Charms, alltaf að nota ferðirnar, en samt verður maður að passa sig, ég gæti beðið um endalaust af einhverjum vörum sem maður saknar. En er það ekki bara hluti af því að búa annarsstaðar og þeim mun betra er þetta þegar við komum til Íslands.

Jæja hef svo sem ekkert að segja, langaði bara að bulla smá.

Knús og koss

Bergþóra og co

 

Vika síðan síðast.

Tíminn líður hratt, á gervi hnatta öld...... nei, nei bara smá djók. Það er nú ekki mikið búið að gerast hjá okkur þessa vikuna. Ég fór í sund á mánudag með strákunum og skemmtum við okkur mjög vel í rennibrautinni og að leika að ýmsu dóti sem var þarna í sundlauginni.

Á föstudag buðum við Rögnu og co frá Silkeborg til okkar í mat og gæddum við okkur á síðasta íslenska lambalærinu okkar, mmmm það var náttúrulega bara algjört æði og í eftirrétt fengum við okkur frost og funa, sem er ís með marengs ofan á, þetta kom nú bara á óvart og smakkaðist alveg hreint frábærlega. Takk fyrir komuna og heimalöguðu sultuna, þetta var rosalega gaman.

Kristín, Kalli, börn og foreldrar hans komu svo til okkar í gær aftur. Við vorum hérna tilbúin með heit rúnstykki, vínarbrauð og fleira í morgunmat þegar þau komu. Við skelltum okkur svo í Legoland þar sem við fengum rigningu og sól til skiptis. Börn og fullorðir skemmtu sér allir mjög vel í tækjum og skoðunarferðum í búðum, útsýnisturni ofl. Þegar heim var komið eftir mjög langan dag í Legolandi (8 tíma) grilluðum við okkur kjúkling, fengum okkur rauðvín og bjór með og kjöftuðum aðeins meira. Þau héldu svo aftur yfir á sjáland, en þau eru að fara heim til Íslands á morgun.

Jæja það er nú ekki meira að segja í bili, við erum að fara í Madsbyparken að leika okkur í smá stund eða langa stund kemur í ljós.

Knús og kossar

Bergþóra og co.

P.s munið að kvitta í gestabókina eða við færslurnar. Það eru komnar inn einhverjar nýjar myndir í Júlí albúmið.

 

Brjálað að gera:)

Elsku Valgerður og Halldór innilega til hamingju með 1 árs brúðkaupsafmælið, þetta er ekkert smá fljótt að líða, mér finnst ég vera nýbúin í brúðkaupinu ykkar. 1000 kossar og knús.

Jæja það er nú ágætlega mikið búið að gerast hjá okkur síðustu daga, byrjum á fimmtudeginum: Ég og strákarnir vorum heima að taka til, versla, þrífa bílinn, púsla ofl á meðan við biðum eftir Kristínu, Kalla og co. Þau eru með hús i Holdbæk (bær ekkert svo langt frá Köben) og kíktu til okkar. Við þurftum nú að fara út og finna þau, þar sem þetta fína Garmin leiðsögutæki sendi þau bara einhverja vitleysu (það gerir nú TomTom ekki)hehehe. Jæja Kristín hringir og segir jæja núna erum við vilt, ég var ekki alveg 100% viss um hvar þau væru  þannig að ég segi strákunum að við verðum að fara út og leita að þeim. Ég hef nú bara aldrei séð strákana svona fljóta út í bíl "Kormákur drífðu þig, Þau eru tínd, við verðum að finna þau", sagði Kristófer, en ég fann þau nú fljótlega. Jæja við komumst nú heim og fórum í það að elda kjúkling í kóki (algjört nammi). Að sjálfsögðu kjöftuðum við svo bara fram eftir kvöldi.

Föstudagur- Við röltum bara niður í bæ, kíktum í búðir, og fengum okkur ís. Ég og Kristín tókum þátt í einhverri könnun um áleggsumbúðir og fengu allir fría drykki á meðan þau biðu eftir okkur, við fengum svo að eiga spægipylsu, Kormáki fannst það nú ekki leiðinlegt. Það var að sjálfsögðu grillað í góða veðrinu, fengum okkur bjór og rauðvín og svitnuðum eins og svín í þessum 30 stiga hita sem var úti, úfffff, bara heitt. Krakkarnir spiluðu Hættuspilið og Monopoly, horfðu á mynd, borðuðu nammi og snakk, svakalega góð saman öll og skemmtu sér vel.

Laugardagur- Vöknuðum í róleg heitunum, Kristófer fyrstur og skildi ekkert í þessum svefn á liðinu "mamma getum við ekki bara vakið þau", hehe. Kristófer var alveg yfir sig hrifinn af Maríu og vildi bara vera hjá henni (stundum var hún nú svolítið þreytt greyið, en hann var mjög duglegur að hlusta á hana), honum fannst nú ekki leiðinlegt heldur að Kalli slóst við hann, ég hélt að barnið myndi míga á sig úr hlátri. Eftir slagsmál, morgunmat og nestistiltekt var haldið í Löveparken. En við fundum nú samt út að heita vantið var farið,hmmmm og kom það ekki á aftur fyrr en um hádegi á sunnudag. Þar eyddum við deginum í bongó blíðu, skoðuðum dýrin, lékum okkur og skemmtum okkur konunglega. Kristófer sagði þarna nokkrum sinnum "þarna var ég með leikskólanum mínum" eða "þegar ég var hérna með leikskólanum mínum þá...." og svo heyrðist "mamma, það er nú gaman að hafa svona gesti". Eftir að við komum heim fóru einhverjir í kalda sturtu og guð minn góður hvað hún var köld, ég saup hveljur.

Sunnudagur- Vöknuðum snemma og fengum okkur morgunmat. Kristín og co þurftu að vera komin til Köben upp úr hádegi til að ná í foreldra Kalla, en þau ætla að vera með þeim í viku. Kristófer slóst nú einu sinni en við Kalla og Kormákur slóst í hópinn, svaka fjör. Þá var bara litla fjölskyldan eftir í kotinu. Við fórum ekki út fyrir hússins dyr allan daginn, ég og Kormákur vorum á náttfötunum allan daginn, en Jón og Kristófer fóru nú í föt. Jón horfði á formúluna, ég og strákarnir horfðum á mynd og svo var bara sofið ef við vorum þreytt osfrv. Við spiluðum nú monopoly svona til að gera eitthvað annað en að vera í leti, Kormákur vann og fannst það nú ekki leiðinlegt, mér til mikillar armæðu þar sem ég var nú búin að lýsa því yfir að ég ætlaði að mala þá alla.

Mánudagur- vaknað seint, farið í sund, versla og heim, ekkert annað. Þrumur og eldingar úti og rigning.

Jæja nenni ekki meira núna.

Knús og koss

Bergþóra og co

 

Sumarfrí

Ingimundur töffari, bara búinn að læra að hjóla, alveg frábært hjá þér, það er svo miklu skemmtilegra að hjóla án hjálparadekkja. Passaðu þig að gera ekki alveg út af við rassinn á mömmu þinni,hehehe. En rassinn venst því að hjóla, trúðu mér Jóhanna,hihihi.

Ég er búin að vera í fríi í tvo daga með strákunum. Í gær fórum við í hjólatúr niður á leikskóla, þar sem ég ákvað að gefa þeim útiföt sem voru orðin frekar léleg (svona aukaföt). Við komum svo við í Netto til þess að kaupa kjötbollur, Kristófer pantaði nefnilega kjötbollur með hrísgrjónum og karrýsósu. Þá sagði pabbi hans "já, segðu mömmu að það sé upplagt í hádegismat", hehe, gott hjá honum, þar sem hann er nú ALLS EKKI hrifinn af karrý.

Við neyddumst svo til að fara á rúntinn upp í Give, þar sem nágrannakona Óla og Ástu hélt að það væri búið að brjótast inn (þau eru í Búlgaríu, en ég með lykil.), en sem betur fer var það ekki svo.

Eftir að heim var komið fórum við í annan stuttan hjólatúr, ég get sagt ykkur það að ég var ekki vinsæl mamma. En þetta hafðist allt saman og slöppuðum við svo bara af þegar við komum heim.

Í morgunn byrjaði ég á því að taka til (er að taka alla skápa í gegn), á meðan strákarnir voru að púsla og mála. Kíktum aðeins í bæinn og svo er bara að klára eldhúsið, púff. Við erum nefnilega að fara í Legoland aftur á morgun, mikil tilhlökkun hér á bæ. Ég aftur á móti skil ekki alveg að börn fái ekki leið á þessu, en þeim finnst þetta gaman og þá er ég til í að vera þarna á hverjum degi.

Knús og koss

Bergþóra og co

Helgin liðin og....

Jón er ekki ánægður, hann greyið er sá eini sem er ekki kominn í frí.

Jæja ég og strákarnir erum komin í sumarfrí. Við fórum á föstudaginn í morgunkaffið hjá Kormáki og var það bara notalegt, og strákarnir hlupu um allt ásamt öðrum krökkum þarna. Kennaranum var gefin pakki, því að hún var að fara á eftirlaun og krakkarnir bjuggu til risakort með mynd af þeim öllum, hún var voða ánægð með þetta. Ég fór með Kristófer á leikskólann og svo var stefnan tekin heim. Þar beið mín skemmtilegt verkefni, en það var að taka aðeins til í skápum og pakka niður litlum fötum og henda ónýtum. Ég náði nú samt ekki að klára alla skápa, en það verður gert í vikunni, ásamt því að læra aðeins.

Við spiluðum Hættuspilið á föstudagskvöldið, Jón Óskar var tapsár, Kormáki gekk ágætlega, en ég VANNNNNNNNN, hehehehehe.

Í gær fórum við í Legoland, vorum nú reyndar ekki mjög lengi, en gaman var það. Kormákur að sjálfsögðu brjálaður í rússíbönum alveg sama hvað þeir heita eða hvernig þeir fara. Kristófer er aftur á móti meira fyrir rólegri tækin, en við tókum hann samt með okkur í vatnsrússíbanann og drekinn er nú alltaf vinsæll (lítill rússíbani). Ég ætla svo að kíkja með strákana á þriðjudag eða miðvikudag aftur og þá verða sundfötin tekin með og sullað pínu (eða kannski bara helling).

Í gærkvöldi var horft á mynd, borðað nammi og popp, svaka kósy.

Sunnudagur: Farið var í hjólatúr niður í bæ. Strákarnir stóðu sig eins og hetjur í brekkunum (kemur allt með kalda vatninu), þannig að flest allt gekk mjög vel fyrir sig. Þeir voru nú ekki alveg ánægðir með að þurfa að hjóla í miðri umferð, en það gekk (og mamma bara lítið taugaveikluð). Keyptur var ís handa litlu og stóra stráknum, en mamma lét sér duga cafelatte.

Jæja ég er hætt í bili.

Knús og koss

Bergþóra og co

Þá er prófið loksins búið:)

Ég er svo til nýkomin út úr prófinu. Ég fékk 4 á skalanum hérna, en það er gefið 12, 10, 7, 4, 2, 0, -3, þannig að 4 er ca 6 eða 7 er ekki alveg viss, allavega ef maður fær 2 þá nær maður, þannig að 2 eru þá ca5. Ég var nú ekki alveg ánægð með þetta, en ég var bara svo stressuð og átti erfitt með að koma skilningi mínum yfir á dönsku. Mér fannst rosalega erfitt að sitja fyrir framan tvo kennara, tala og tala og láta þá svo spyrja mig, en það var þar sem ég klikkaði.

Jæja nóg um þetta bévitans próf, það er búið núna og á morgun kl:14 er ég komin í sumarfrí til 1.ágúst. Það sem af er vikunnar hef ég mest verið að læra og reyna að hugsa um strákana mína þrjá. Strákarnir eru búnir að bíða spenntir eftir að við förum í Legoland, þannig að ef það er gott veður þá vitið þið hvar við verðum um helgina.

Á föstudaginn förum við Kristófer í morgunkaffi hjá bekknum hans Kormáks, en það er orðin hefð fyrir því í bekknum svona síðasta skóladaginn fyrir frí, gaman að því.

Æi vitið þið það að ég er bara tóm í dag, ég skrifa meira seinna.

Knús og koss

Bergþóra

 

 

Meira afmæli:)

Jæja þá erum við hjónin búin að vera gift í 6 ár í dag, til hamingju við með það. Við ætlum að reyna að eiga góðan dag, þrátt fyrir smá lærdóm hjá mér.

Ekki má nú gleyma honum Óla, hann er nú orðin einu árinu eldri í dag líka. Til hamingju með daginn Óli.

Annars er helgin búin að fara eins og ég gerði ráð fyrir. Á föstudaginn var ég upp í skóla frá 8-13:30, kom þá heim, verslaði, biðum í 40 mín fyrir utan Bilka vegna þess að bíllinn vildi ekki í gang, svo hókus pókus og bíllinn fór í gang. Startarinn er víst bilaður þar, þannig að Jón verður að fara á morgunn og fá nýjan startara. Jæja þegar við loksins komum heim var ákveðið að borða á makkanum. Svo sat ég fyrir framan tölvuna til kl 24:30 að læra.

Í gær þá vöknuðum við í rólegheitunum og mín hélt að sjálfsögðu áfram að vinna fyrir framan tölvuna fram eftir kvöldi. En núna er líka prófið mitt að mestu tilbúið, þannig að ég þarf bara að lesa yfir það í dag og búa til power point sem ég tek með mér í prófið. Ég kvíði nú samt fyrir því að þurfa að tala um þetta, en það er ágætt að ég get haft punkta með mér, ef mér finnst ég vera að gleyma einhverju.

Jæja knús og koss

Bergþóra og co

 

AFMÆLI!

Daði er 32 ára í dag, til hamingju með daginn elsku Daði og hafðu það gott. Alexander á nú líka 6ára afmæli í dag, hafðu það gott Alexander í dag og láttu mömmu þína stjana við þig, hehe.

Annars er lítið að frétta héðan núna. Ég er bara í prófskrekk og fer samt ekki í prófið fyrr en eftir 6 daga, eða miðvikudaginn 25. júní kl 9:30. Í dag dreg ég fagið sem ég kem upp í og þá vonandi róast maður aðeins, það er jú alltaf betra að vita í hverju maður er að fara í próf. Þannig að planið um helgina er að læra og læra meira og svo kannski að læra pínu meira. Jón Óskar greyið verður einstæður faðir mest alla helgina, þar sem ég á að skila prófinu mínu á mánudagsmorguninn. Ég fer svo á miðvikudeginum í munnlegt próf hjá kennaranum mínum og einum utan að komandi.

Jæja elskurnar ekki reikna með fleiri fréttum fyrr en á miðvikudaginn, efast um að ég hafi tíma fyrr.

knús og koss

Bergþóra, einstæði faðirinn og börn.

Fyrsta útilegan:)

Við fórum í fyrstu útileguna okkar hérna í Danmörku um helgina. Íslendingafélagið var með sína árlegu 17. júní hátíð og ákváðum við að skella okkur. Við fórum þegar ég var búin í skólanum að versla, náðum í strákana, fórum heim og tókum okkur til og renndum svo að stað. Við fengum einstaka skúri þarna á föstudaginn, en ekkert að ráði. Það byrjaði að sjálfsögðu þegar við vorum ný sest niður að borða kvöldmat, þannig að borðinu var kippt inn í tjald og klárað að borða þar. Við drukkum smá bjór og rauðvín og ég fór að syngja (ásamt fleirum), rosalega gaman. Kormákur greyið var svo þreyttur, að þegar við héldum að hann væri að leika með hinum krökkunum, þá laumaðist hann inn í tjald og fór að sofa. Mér fannst nú smá skrítið að ég var ekki búin að sjá hann í smá tíma, þurfti aðeins inn í tjald og ætlaði svo að leita að honum. Þegar inn í tjald var komið sáum við skóna hans þar og finnum hann á kafi ofan í svefnpokanum í öllum fötunum (kl var um 21:40). Að sjálfsögðu þurfti ég endilega að láta hann koma út og pissa og fara í náttföt. Ég lánaði honum svo símann minn, þannig að hann þyrfti ekki að fara út úr tjaldinu ef honum vantaði eitthvað. Hvað hafði ég svo upp úr því, ekkert því að hann breytti öllu í símanum mínum, ég fattaði ekki einu sinni þegar það var hringt í mig því að það var allt annar tónn. En hann sniðugur, fann sér eitthvað að gera því að ég reif hann út og að sjálfsögðu gat hann ekki sofnað strax aftur. Kristófer var aftur á móti í fullu fjöri fram eftir með okkur.

Á laugardaginn var ennþá skúrir og heldur meiri en á föstudaginn. Við fengum þó gott veður á meðan við fórum í smá skrúðgöngu og lékum okkur við krakkana í ýmsum leikjum. Þetta var eiginlega skemmtilegasti parturinn af útilegunni. Þegar við fórum að borða íslensk lambalæri fór að rigna aftur, en það var stórt partýtjald þannig að þetta slapp. Við gátum keypt þarna hjá þeim íslenskt nammi (ég varð að fá mér lakkrísdraum), egils malt og appelsín, mmm við Kristófer fengum okkur malt með matnum. Báðir strákarnir voru í fullu fjöri eitthvað frameftir, grilluðu sykurpúða reyndu að galdra servéttu í burtu, horfðum á varðeld ofl. Ég fór svo inn í tjald með strákana þar sem Kormákur var orðinn þreyttur aftur, spjölluðum aðeins og fórum svo að sofa. Jón var svo hress að hann kom ekki inn í tjald fyrr en einhver tíma  seint.

Það rigndi svo í alla nótt og allan morgun, allt rennandi blautt þannig að við skildum tjaldið okkar eftir og náum í það þegar allt er orðið þurrt. Þetta svæði var í einkaeigu og útilegan búin að vera þarna í 9 ár þannig að við treystum því alveg, og það voru nokkrir fleiri sem gerðu þetta líka. Eigandinn á svæðinu er orðin svo stór hluti af þessu líka og hlakkar þeim hjónum alltaf til að fá félagið þarna aftur.

Núna sitjum við svo heima þvoum þvott, bloggum, eldum, sofum og horfum á sjónvarp.

Knús og koss

Bergþóra og co

Þá er sprautan búin:)

Kristófer fékk sprautu í dag sem tilheyrði 5 ára skoðuninni og var hann ekki að kippa sér mikið upp við þetta. Þegar við komum svo í leikskólann lét hann samt vita að því að læknirinn hafi stungið hann í rassinn. Þá segir vinkona hans, "hann stakk mig í höndina, og ég fór að gráta, mér fannst þetta vont", "ég fór sko ekki að gráta, mér fannst þetta bara smá vont". Við áttum svo að bíða í 15 mín frammi til að ath hvort það kæmu einhverjar aukaverkanir, en ekkert kom.

Það var svo foreldra viðtal í dag út af honum. Það var talað rosalega vel um hann, hann er hress, skemmtilegur, úrræðagóður, hugmyndaríkur, góður í fínhreyfingum, sem sagt allt voða jákvætt. Samt var nú eitt sem kom mér ekki mikið á óvart (og sennilega ekki þeim sem þekkja hann), hann á víst erfitt með að þurfa að sitja lengi kyrr og standa í röð. Skilur ekki að allt þurfi að taka svona langan tíma. En þrátt fyrir þetta þá heyrir hann allt sem er lesið og getur alveg sagt frá því aftur.

Ég er eins og einhverjir vita er ég á fullu að undirbúa mig fyrir prófið og gengur það nú bara ágætlega. Það er nú líka ýmislegt annað sem situr á hakanum og verður tekið á því síðar. Ég gleymdi nú td að ég átti að fara með bílinn minn í smur á þriðjudaginn og fattaði það í morgun, þannig að ég fékk ekki tíma fyrr en á mánudag kl 7:30.

Jæja þetta var nú bara smá færsla núna. KVITTA,það er ekki bannað.

Knús og koss

Bergþóra og co