SIRKUS:)

Þessi vika er búin að vera jafnfljót að líða og allar aðrar. Ég fór með Kormák til augnlæknis aftur á þriðjudaginn, og fékk hann krem til að setja í augun. Núna er það 2 á dag í 4 daga og svo 1 sinni á dag í 2 vikur. Ég var frekar fúl, því að ef hún hefði tekið hann inn strax í þessar 3 mín sem þetta tók, þá væri þetta vesen búið núna, arg. Hún vill svo sjá hann aftur eftir 3 vikur til að sjá hvort augað sé ekki örugglega komið í lag.

Í gær fórum við í Sirkus Benneweis sem er danskur sirkus og ferðast í um 100 bæi alltaf á sumrin. Þau eru með listamenn frá Þýskalandi, Portugal ofl stöðum. Þarna voru að sjálfsögðu dýr td fílar, hundar, hestar, geitur og svín. Kristófer sat fyrst með galopin augun (við erum að tala um meira en venjulega) og átti ekki til orð yfir þessu og því sem dýrin gátu gert. Kormákur "vá mamma sástu þetta" og klappaði með á fullu. Eftir pásuna var Kristófer svo kominn með í klappið og skemmti sér konunglega eins og restin af fjölskyldunni. Þeir vildu nú samt ekki láta taka mynd af sér á fílsbaki í pásunni, held að þeim hafi fundist þeir eitthvað stórir, kannski tekst það á næsta ári.

Annars er ekkert markvert búið að gerast þessa vikuna. Kormákur fer í en eitt  afmælið í dag og þegar ég næ í hann verður tékkað á lausum degi fyrir hans afmæli í Legelandet.

Aðeins í lokin frá Strákunum.

Það var bekkjarfélagi sem kom til mín í gær með ljósrit sem hún hafði fengið lánuð hjá mér. Ég bauð henni í kaffi og Kristófer plataði hana í frisbee. Þegar ég fór með Kristófer á leikskólann, keyrðum við hana heim. Kristófer biður hana um að koma í leikin "ég sé". Svo segir þessi kona alltaf "jæja vinur, það er komið að þér núna", Eftir svona 3 eða 4 skipti segir Kristófer "Ég er ekki vinur þinn, það er mamma sem er vinur þinn".

Kormákur segir við mig í gærkvöldi, "mamma stundum hata ég sjálfan mig", það kemur mikið á mig en ég segi rólega "af hverju hatarðu sjálfan þig stundum", " æi, mamma ég geri það kannski ekki en ég þoli ekki þegar ég geri ekki það sem heilinn minn segir mér að gera", "nú hvað meinar þú með því", "sko td, þegar ég er að spila í tölvunni, þá segir heilinn minn að ég eigi að fara þangað og gera þetta, en ég fer bara eitthvað allt annað og TAPA,...... eða stundum vinn ég samt líka", "ok elskan mín" sagði ég bara. En pælingarnar í þessu barni stundum. Hvað segir maður við svona?

Jæja góða helgi, ég er allavega komin í helgarfrí, hehe.

Knús og kossar

Bergþóra og co

Afmæli, alltaf gaman að eiga afmæli:)

Hann tengdapabbi minn á afmæli í dag. Elsku pabbi, tengdapabbi og afi innilega til hamingju með árin 73. Hafðu það gott í dag og láttu konurnar nú dekra aðeins við þig, hehe.

Knús og kossar frá okkur öllum í danaveldi

Jón Óskar, Bergþóra, Kormákur Helgi og Kristófer Ingi.

Hvítasunnuhelgin yfirstaðin:)

Vikan er búin að ganga sinn vanagang, skóli, vinna, bla,bla,bla.

Það er búið að vera yfir 20 stiga hiti alla vikuna og spáin lítur eins út fyrir allavega 3 daga í viðbót, við getum nú alveg vanist þessu.

Á föstudaginn kom Jón frekar snemma úr vinnunni og ákváðum við hjónin að fara bara tvö í bæinn. Við fórum til að kaupa bækur fyrir skólann minn, en ég gleymdi að sjálfsögðu miðanum, þannig að við settumst bara niður í hitanum og fengum okkur bjór. Þegar við tvö vorum búin að slappa vel af saman náðum við í Kristófer, fórum að versla og náðum í Kormák Helga sem var í afmæli. Þegar við komum þangað vill hann fá að gista hjá vini sínum. Það var nú ekki vandamálið, þannig að við náðum í sængina hans og tannbursta (þannig að við sáum Kormák í svona 20 mín á föstudag). Við hin fórum heim og grilluðum hamborgara og naut Kristófer sín að vera einn heima með mömmu og pabba. Hann fékk að sofa í Kormáks rúmi og alles, ekkert smá sport.

Á laugardaginn þurfti ég að fara niður í bæ og kaupa þessa bók (sem þurfti svo að panta, það er ekki hægt að kaupa skólabækur hérna nema panta þær og mér finnst mjög erfitt að venjast því), þannig að við náðum í Kormák í leiðinni. Þegar við komum þangað voru þeir ekki heima, heldur voru þeir að úti að sigla með pabba Anders. Við fengum kaffi þar sem þeir voru á leiðinni, nýkomnir í bílinn. Þeir höfðu farið á föstudagskvöldið og sett net út og voru svo að ná í það aftur. Það var nú ekki mikill fiskur en þetta gerði mikla lukku fyrir Kormák, þar sem hann hefur aldrei farið að sigla áður (nema ferju). Hann var svo ánægður með daginn að hann var að springa. Við fórum svo að kaupa bókina og fengum okkur ís. Við skelltum okkur upp í Give til Óla og Ástu og lágum þar í leti úti allan daginn. Krakkarnir sulluðu í sundlauginni og við drukkum vatn og bjór til að kæla okkur niður. Það var svo grillað nautakjöt og SS pylsur, drukkið rauðvín og hvítvín og borðað úti, algjör snilld, þetta var frábær dagur, takk fyrir okkur.

Sunnudagur: Við fengum okkur amerískar pönnukökur í morgunmat og fórum svo að taka til í geymslunni. Allir útilegustólarnir okkar voru myglaðir og pokinn utan af tjaldinu, en sem betur fer var í lagi með tjaldið og svefnpokana. En það þarf að fjárfesta í nýjum stólum, borði og dýnum fyrir útilegurnar sem við förum í sumar. Eftir tiltektina var svo stefnan tekin til Fredricia að kíkja á Harley Davidson mótið sem var þar, en flestir voru nú bara farnir af því (frekar fúlt), en við sáum samt helling af flottum mótorhjólum. Það vildi nú svo vel til fyrir strákana að þetta var við hliðina á Madsbyparken sem er stór leikja og (smá)dýragarður. Þarna léku þeir sér og plötuðu okkur með í Tarzan þraut, skoðuðum dýrin og fengum okkur ís. Við grilluðum svo lambalæri frá New Zealand, það var alveg rosalega gott og fannst okkur þetta bara ekki síðra en íslenska lambið. Við tímdum ekki að grilla síðasta íslenska lærið okkar strax, það var líka búið að ákveða að bjóða Rögnu, Kristni og co í það.

Mánudagur: Við tókum okkur hjólatúr í hitanum og fórum í Dyrehaven, þar sáum við 3 mismunandi tegundir af dádýrum, gáfum þeim gulrætur og vildu þau helst bara meira og meira. Eftir þetta var kíkt á ströndina og kíktu strákarnir og ég aðeins í sjóinn, ekki langt samt það var kalt vatnið. Svo var að sjálfsögðu fengið sér ÍS í hitanum áður en við hjóluðum heim. Ferðin heim tók um 2 tíma, þar sem Kristófer greyið var orðin mjög þreyttur. Ég er farin að hugsa hvort við þurfum að kaupa hjól aftan í Jóns (þá hjólar Kristófer með en Jón teymir hann samt) fyrir svona lengri ferðir, en það kemur í ljós seinna, hann venst þessu nú örugglega fljótlega. Stefnan í kvöld er svo sú að slappa af og hafa það notalegt, Kristófer greyið var svo uppgefinn eftir daginn að hann er sofnaður og klukkan er bara 19:30.

Jæja hafið það gott elskurnar mínar og gangið hægt um gleðinnar dyr, hehe.

Kossar og knús

Bergþóra og co

Hann á afmæli í dag, hann á

afmæli í dag, hann á afmæli hann Ingimundur, hann á afmæli í dag.

Innilega til hamingju með 7 ára afmælið elsku Ingimundur okkar. Eigðu góðan dag í skólanum og heima.

Risa knús og 1000 kossar frá okkur í Danmörku.

Bergþóra, Jón Óskar, Kormákur og Kristófer.

Löng helgi:)

Þetta er búið að vera ansi löng helgi hjá okkur, eða síðan á fimmtudag.

Jón fékk sér fjögurra tíma rúnt til þess að vinna í klukkutíma, hann fór að heiman um 4 og svo hringdi bjallan um 10 og þá var hann kominn heim aftur. Við gerðum að sjálfsögðu gott úr þessu og fórum upp í Give með morgun-hádegiskaffi, ég og Ásta sendum svo Jón Óskar og Óla niður í Þýskaland að kaupa rauðvín og gos. Mér fannst Jón Óskar búinn að keyra svo lítið, þannig að hann hafði gott af þessu. Hann svaf að vísu mest alla leiðina niður eftir, en kom hress heim aftur. Á meðan var ég í kaffi hjá Ástu og krakkarnir að leika sér og spila í tölvu, svaka notó hjá okkur. Við gátum reyndar hlegið að okkur hjónunum, við Ásta kíktum á eina mynd og mér fannst hún ekki skemmtilegri en það að ég sofnaði yfir henni. Við vorum semsagt góður félagsskapur,hihihi.

Á föstudaginn löbbuðum við Kristófer niður í bæ og Jón og Kormákur komu á bílnum. Við fórum að kaupa afmælisgjöf handa Margréti (Silkeborg) og svo keypti ég mér ótrúlega fallega ljótan sóp í Tiger, hann er með blómum á. Það var svo lítið annað gert en að fara heim og taka til og fara á haugana. Við grilluðum svo í góða veðrinu og höfðum nammikvöld. Við fengum okkur íslenskt nammi og horfðum á Bee Movie, þetta góðgæti og þessa mynd fengum við sent frá mömmu og pabba, takk æðislega fyrir þetta.

Í gær fórum við upp í Silkeborg til Rögnu og Kristins, þar vorum við í góðu yfirlæti allan daginn. Við komum þangað kl 14 og fórum ekki fyrr en um 22. Þá voru allir búnir á því eftir skemmtilegan dag. Við höfum ekki séð þau síðan að við fórum í bústað í febrúar og vá hvað hann Bjarni Harald er orðinn mannalegur á þessum tíma, hann er nú líka að verða 6 mánaða. Afmælisgjöfin hentaði Margréti mjög vel og var voða fín, alveg í stíl við nýja hárbandið hennar.

Dagurinn í dag er svo búin að vera rólegur og notalegur. Við fórum niður í bæ þar sem ég gleymdi að kaupa nýja eyrnalokka handa Valgerði (týndi hennar í Stokkhólmi), en það var næstum ekkert opið í dag (er venjulega opið fyrst sunnudag í mánuði). Við hittum reyndar á eina verslun sem var opin og var með  góðan afsl af galla stuttbuxum á Jón, þannig að við keyptum á hann einar buxur. Mamma ég á straubretti núna, ertu ekki ánægð með mig, ég keypti það í dag,hihi. Eftir að við komum heim úr bænum tókum við til nesti og fórum í hjólatúr. Fyrsti hjólatúrinn sem öll fjölskyldan fer í saman. Það var svaka gaman og Kristófer skálaði fyrir því í kvöldmatnum,hehehe.

En jæja svona var nú helgin okkar, svo er skóli og vinna á morgun.

Það eru komnar nýjar myndir

Knús og kossar

Bergþóra og co

Þá er það .......

ferðasaga. Við fórum til Stokkhólms um síðustu helgi og slógum margar flugur í einu höggi. Við lögðum af stað héðan að heiman á föstudagsmorguninn kl 8 og vorum komin til Norsborg (rétt hjá Stokkhólmi) kl 17:30, en þar gistum við hjá Gulla og Rannveigu. Það var alveg frábært að vera hjá þeim og dekruðu þau mikið við okkur og strákana (þeir voru alveg sáttir við það), takk æðislega fyrir okkur. En við hjónin vorum mjög þakklát fyrir ferðaDVD spilarann á þessari löngu ferð. Við stoppuðum bara í einn og hálfan tíma á leiðinni, við tókum með okkur steiktan kjúkling og hrísgrjónasalat og settumst út í sólina og fengum okkur hádegismat, mmm svo notó.

Á laugardaginn tókum við lestina inn í Stokkhólm, Rannveig var leiðsögumaðurinn okkar. Við fórum á Clarion Hotel Stokkholm þar sem við hittum Valgerði, ég get ekki líst því hvað okkur fannst gaman að hitta hana og geta eitt deginum með henni mér fannst bara ekki nóg að hafa bara einn dag og var mjög erfitt að kveðja. Við fórum á Junebanken sem er safn byggt á barnasögum, margar af þeim eru eftir Astrid Lindgren. Við sáum þarna leikrit með Kalla á þakinu, þar var leiksvæðið byggt eins og krakkarnir væru Kalli, þannig að þau gátu séð og leikið sér frá hans sjónarhorni, við sáum Sjónarhól þar sem Lína langsokkur á heima, þarna gátu þeir líka leikið og farið um Sjónarhól og skoðað. Við fórum líka með lest, þar sem var sagt frá öllum útstillingunum sem við sáum td Ronja Ræningjadóttir, Bróðir minn ljónshjarta, Emil í Kattholti ofl.

Á laugardagskvöldið var sameiginlegur kvöldmatur hjá Valgerði með Geislabaugi. Þóra Jóna var svo yndisleg og bauð mér að borða með þeim þegar hún vissi að ég ætlaði að koma. Þannig að ég átti alveg frábært kvöld með gömlu vinnufélögunum og ég get sagt ykkur það að ég var næstum hás af því að ég talaði svo mikið, híhí.  Mér fannst nú ekki leiðinlegt að hún Anna sem var með mér á Sólinni var með í för þrátt fyrir að vera hætt, það kom mér mjög skemmtilega á óvart. Það var bara alveg æðislegt að hitta þær allar, þetta var bara of fljótt að líða þetta kvöld. Takk æðislega fyrir alveg frábært kvöld.

Sunnudagur: Smá þunn til þess að byrja með, en við fórum út á göngu og redduðum því máli fljótlega. Við komum svo Kormáki og Kristófer á óvart og fórum á Naturhistoriske riksmuseet, það var þvílík hamingja og margt skemmtilegt að skoða td Tyrannosaurus Rex (Grameðla) risaeðla í fullri stærð, beinin af henni höfðu fundist fyrir mörgum árum síðan og sett saman. Við sáum nú margt mjög spennandi og skemmtilegt, við sáum líka að það var greinilegt að við komum af öpum, risakönguló, ísbjörn og ýmislegt fleira skemmtilegt,því miður máttum við ekki taka myndir þarna inni og ég gæti ekki sagt frá öllu hér. Þegar við vorum búin á safninu var nú bara kominn tími til að fara heim og undirbúa kvöldmat. Þetta var mjög skemmtilegur og fróðlegur dagur. Kormákur okkar var svo heillaður af þessu öllu og spjallaði mikið um það sem hann sá og vildi vita meira og meira, bara dúlla. Hann virðist soga allt inn og hefur mjög sterkan áhuga á öllu, sérstaklega á risaeðlum finnst mér, hann tekur allavega þessar tvær risaeðlubækur með sér hvert sem við förum. 

Við keyrðum svo heim á mánudaginn, komum við hjá Brimari (frændi Jóns) og fjölskyldu á leiðinni. Við vorum svo kominn heim rétt fyrir 20, allir þreyttir og fóru snemma í háttinn. Ferðin heim gekk mjög vel, fyrir utan það að Kristófer greyið varð smá bílveikur, það lagaðist þó eftir að við stoppuðum hjá Brimari og hann fékk meiri bílveikistöflu.

Við fórum svo í skólann í gær og í dag og erum svo komin í helgarfrí aftur, híhíhí.

Einn góður í lokinn. Ég vek Kristófer í morgun og segi við hann "þú verður að vakna núna, veistu mamma á afmæli í dag", "já, já ég veit", "ætlar þú þá ekki að óska mér til hamingju", "jú, jú til hamingju með afmælið, hvaða köku ætlar þú að baka handa mér", "á ég að baka köku", "já þú átt afmæli og þá verðum við að hafa köku", þannig að ég tók mig til og bakaði köku þegar ég kom heim úr skólanum og vöfflur. Við buðum svo Óla, Ástu og co í kaffi. Maðurinn minn grillaði svo nautasteikur handa okkur í kvöldmatinn, þannig að ég er búin að eiga alveg frábæran dag og ekki skemma allar kveðjurnar frá ykkur fyrir .

Set inn myndir fljótlega frá ferðinni okkar og skrifa meira síðar, eða svona eftir helgina.

Knús og koss

Bergþóra og co

JIIIIIIIBBBBBBBBBBIIIIIIIIIIIII:)

Til hamingju með afmælið, ég. Núna er ég orðin 33 ára gömul.

Skrifa meira í kvöld.

Knús og koss

Bergþóra

Aftur helgarfrí, nana,nana,nana:)

Það eru örugglega margir farnir að hugsa hvort ég sé yfirhöfuð í skóla hér. Fyrirlesarinn er veikur og því var fyrirlestrinum aflýst á morgun, en þessi vika er að vísu búin að vera mjög róleg. Við erum búin að vera með gestafyrirlesara til að kynna okkur fyrir hópunum sem við getum valið að vinna með, þ.e.a.s börn og unglingar, fatlaðir, aldraðir osv, þetta er eitthvað sem ég verð að velja eftir næsta starfsnám. Jæja nóg um þetta.

Húsbóndinn fékk afmælisgjöfina sína í dag. Þannig að núna er öll fjölskyldan komin með hjól og hjálma,jei. Við fengum hjól fyrir hann á tilboði (alltaf vikutilboð hjá Bilka), við vorum svo heppinn að það var settur 1000 dkr afsl á þetta hjól. Mér finnst ekkert smá notalegt að fara út að hjóla, sérstaklega núna í 15 stiga hita og sól. Það er farið að taka á heilsunni á þessu heimili, hjóla, borða hollari mat (meira grænmeti, minna kjöt), þetta hefur nú gengið mjög vel.

Kristófer finnst nú ekki leiðinlegt að hjóla núna þegar ég hjóla með honum, þannig að við höfum hjólað á leikskólann einu sinni og svo er planið að hjóla aftur á morgun og svo held ég áfram niður í bæ. Ég verð mjög upptekinn á morgun, ætla að bóna bílinn (hans Jóns), ryksuga hann, gera hreint hérna heima, fara í gegnum fataskápana hjá strákunum, taka til fyrir helgina, og svo veit ég ekki meir.

Æi, ég veit ekkert hvað ég á að bulla meira. Skrifa meira á þriðjudaginn.

knús og koss

Bergþóra og co

Hann á afmæli í dag:)

Já húsbóndinn á heimilinu á afmæli í dag, hann fyllir 41 ár núna.

Til hamingju með afmælið elsku kallinn okkar.

Bergþóra, Kormákur og Kristófer.

Hææææææ!

Allir, nú er komið að færslu helgarinnar.

Ég var nú búin að segja ykkur frá föstudeginum, þar gerðum við lítið annað en að taka til og elda mat, við fórum reyndar í hjóla-labbi túr og gekk það vel.

Í gær fórum við í bæinn og keyptum afmælisgjöfina mína, jei, ég fékk hjól frá strákunum mínum. Við keyptum rosalega flott ljósblátt hjól með körfu framan á, híhíhí. Við vorum mjög ánægð með kaupin því að þetta hjól átti að kosta 2900dkr en við fengum það á 1300dkr, þeir voru nefnilega búnir með eldri módelinn sem voru á tilboði og settu þetta í staðinn, þannig að ég er algjör pæja(töffari) núna(set myndir af frúarhjólinu bráðum). Við vorum nú samt að tala um það í morgun að afmælisgjafirnar fara öfugan hring. Kormákur á afmæli síðast og hann fékk sína fyrst, svo Kristófer, svo ég og svo er það Jón sem er síðastur og hann á afmæli á morgun. Það á nefnilega að gefa hjól á línuna þetta árið. Við fórum að sjálfsögðu út að hjóla, urðum að prófa nýja hjólið. Við Kormákur hjóluðum 2km og er hann farinn að hjóla eins og hershöfðingi, hann er svo flinkur. Jón Óskar fór svo eina ferð og tók virkilega á því, hann fór líka 2km (innkeyrslan er 1 km), ég fór svo aftur ein og hjólaði þá um 5km og var bara þreytt, en þetta er góð æfing. Við leigðum okkur líka mynd í gær "Guldhornene" horfðum á hana og vorum með snakk og nammi handa strákunum, en ég fékk mér ávexti með Grískri jógúrt dressingu,mmmm.

Í dag fórum við strákarnir út að "hjóla" tókum með okkur nesti og hjóluðum eitthvað, fengum okkur nesti og fórum svo heim, Kormákur var alltaf langt á undan mér og Kristófer, við vorum svo lengi. Þegar heim var komið drógum við Jón út á smá göngu, en hún var ekki löng þar sem Kormákur var að fá vin sinn í heimsókn. Þeir léku sér hérna fram eftir degi, en vá hvað getur verið erfitt fyrir svona gaura að mega ekki spila í tölvu (hún er í pásu í tvær vikur, ein vika eftir), þeir skemmtu sér nú samt vel.

Jæja elskurnar svona var nú helgin okkar, ekkert merkilegt en samt höfum við alltaf nóg að gera.

KVITTA SVO!!!!!!!!!!!!!!!!!!!!!!!!!!!!!!

Kossar og knús

Bergþóra og co