Hún á afmæli......

í dag, hún á afmæli í dag, hún á afmæli hún mamma, hún á afmæli í dag. ELSKU MAMMA INNILEGA TIL HAMINGJU MEÐ DAGINN, HAFÐU ÞAÐ GOTT.

Mamma, pabbi, Jóhanna og Steini innilega til hamingju með brúðkaupsafmælið ykkar á morgun, njótið dagsins. 

Við vorum með matarboð í gær, buðum Óla Ástu og börnum í íslenskt lamalæri, mmmmm, svo gott. Jón Óskar prófaði þennan fína tein á grillinu og heppnaðist þetta rosalega vel. Okkur er farið að hlakka til í sumar og vonandi fáum við fullt af gestum. Við vitum að Krístín, Kalli og familie verða í Danmörku og ætla að kíkja á okkur og vonandi að gista allavega eina nótt, þarna í byrjun júli. Árni Þór "litli stóri bróðir" ætlar að koma og vera hjá okkur, mest allan júli mánuð held ég (vona ég), svo fer hann heim með Kormáki okkar, en Kormákur ætlar að fara án foreldra og bróðirs til Íslands í tvær vikur í sumar, ekkert smá spennandi.

Segji ykkur meira eftir helgi, erum að fara í bæinn(vonandi að kaupa hjól handa frúnni á bænum).

Kossar og knús

Bergþóra og co 

KOMINN Í HELGARFRÍ:)

Öll fjölskyldan er kominn í helgarfrí, það er nefnilega Stóri bænadagurinn á morgun, en hann er hátíðisdagur hér í Danmörku.

Vikan okkar er búin að vera frekar róleg, ég var að klára kynninguna á valfögunum núna, en þessi vika heppnaðist ekkert of vel. Við fengum fulla kennslu á mánudag, en á þriðjudag var kennarinn okkar með fárveikt barn og kenndi okkur því í klukkutíma, því það var enginn annar sem gat tekið við. Í gær var enginn kennsla og svo í dag áttu hóparnir að setja í gang þekktan leik sem við vorum búin að breyta og setja musik við. Það heppnaðist alveg rosalega vel og allir fóru glaðir heim.

Vikan hjá strákunum er búin að vera svipuð og alltaf. Jón Óskar gat loksins klárað að laga hjólið hans Kristófers í gærkvöldi, en það er búið að vera sprungið á því síðan á sunnudag. Ég keypti slöngu í það á laugardaginn og þá gátum við ekki pumpað í  það því gamla pumpan mín virkaði ekki. Í gær keypti ég svo pumpu og þá var nú hægt að klára þetta. Kristófer rosa ánægður þegar við komum út í morgun og ég sagði " sjáðu Kristófer, pabbi er búin að gera við hjólið þitt", "váá, það eru bara hjálpardekk og allt" svo settist hann inn í bílinn á spáði ekki meira í það.

Bergsteinn innilega til hamingju með afmælið.

Verið dugleg að kvitta í ath.semdir eða gestabók

Ég er gjörsamlega tóm núna og veit ekkert hvað ég á að skrifa, vonandi verða einhverjar fréttir eftir helgina.

Kossar og knús

Bergþóra og co

Helgin:)

Við erum búin að gefast upp í bili að kenna Kristófer að hjóla og skelltum hjálpardekkjunum undir. Mér finnst það vera merki að barnið sé ekki tilbúið að hjóla þegar við erum búin að hlaupa með hann í 2 vikur og það sést nánast engin munur á barninu. Þannig að við reynum aftur eftir einhvern smátíma.

En jæja við erum að sjálfsögðu búin að hafa eitthvað fyrir stafni þessa helgina. Á föstudaginn fórum við með hjólið hans Kristófers og Kormák á hjóli að ná í Kristófer á leikskólann (það var verið að vona að þeir mundu ná þessu á þessari löngu leið). Kormákur var skíthræddur að fara niður smá halla og ætlaði ekki að vilja fara alla leið, þannig að við pössuðum okkur á því að vera alltaf við hliðina á honum og passa hann. Þetta gekk rosalega vel, en svo fékk hann eina góða byltu og lenti ofan á hjólinu og þá var ekki stigið á það aftur fyrr en við vorum að leggja af stað heim aftur. Kristófer hjólaði og það var varla hægt að sleppa honum þá missti hann jafnvægið, svo horfði hann allstaðar í kringum sig en ekki fram. Enda tók þessi ferð 2 tíma (við erum ca. klukkutíma að labba fram og tilbaka). Það var svo bara slappað af um kvöldið og talað við Valgerði á skypinu, eða var það á fimmtudaginn,hmmmmm.

Við fórum í gær í hjálma leiðangur. Kristófer vantaði nýjan hjálm og fengum við einn í Toysrus. Við skruppum síðan í kaffi til Óla og Ástu, skoðuðum hvað þau eru búin að vera að gera í garðinum og enduðum út á palli í sólinni og fengum okkur smá bjór, takk fyrir okkur. Við elduðum svo fínan kvöldmat og ég sagði við strákana að þegar við værum að borða af fína stellinu okkar, þá ætti maður alltaf að láta sem maður væri á veitingahúsi, þetta var rosa gaman. Svo var horft á mynd og kláruðu strákarnir páskaeggin sín, við hjónin fengum okkur Irish Coffie og malibu i appelsínusafa, þetta var bara kósý kvöld.

Í dag var ný verslunarmiðstöð opnuð í bænum og allar búðir á göngugötunni opnar. Við ákváðum að skella okkur í bæinn og kíkja á herlegheitin þar. Við gengum alla göngugötuna og yfir í Bryggen, það var æðislegt veður og að sjálfsögðu var stoppað og fengið sér ís. Við vorum búin að plana að versla aðeins á tilboðunum sem voru þarna í Bryggen, en við gengum bara hring þarna um og hrökkluðumst út aftur. Það var svo mikið af fólki þarna, að ég átti ekki til orð og líka á göngugötunni, það var bara haldið fast í strákana þannig að við yrðum ekki viðskila (það voru nógu margir foreldrar kallaðir upp). Eina búðin sem ég ætlaði virkilega að fara inn í var svo troðin að ég hætti við. Kormákur fór til vinar síns að leika og skemmtu sér að konunglega, voru mest úti að hoppa á trampólíni. Ég og Jón ætluðum að fara í hjóla- göngutúr með Kristófer og tókum til nesti og allar græjur. Jón fór út og skellti hjálpardekkjunum undir og tók eftir því að afturdekkið var loftlaust, pumpaði í það og svo var loftið farið úr aftur eftir smá stund. Við komumst að því að það var gat á slöngunni, og allar búðir með hjóladóti lokaðar, þannig að lítið varð úr þeirri ferð. Við tókum þá smá rúnt og reyndum að finna einhvern stað til að setjast niður og borða nestið okkar, en ekkert gekk. Við enduðum þá heima hjá okkur, breiddum úr teppi á stofugólfið og höfðum piknik þar.

Núna hlakka ég bara til þess að fara til Stokkhólms, hitta Valgerði, en hún er að fara með Geislabaugi í menningarferð að skoða leikskóla þar, því miður getum við samt bara eitt með henni einum degi, en það er betra en ekkert segi ég. Við fáum gistingu hjá Gulla(föðurbróðir Jóns) og Rannveigu, en þau búa rétt utan við Stokkhólm, það verður nú ekki slæmt.

Jæja er búin að bulla nóg

Kossar og knús

Bergþóra og co

Til hamingju.....

Með afmælið elsku pabbi, njóttu dagsins í botn.

Annars gekk dagurinn í gær út á það að læra hjóla (er ekkert nýtt hjá þessari fjölskyldu) og það gerum við í dag líka þegar ég er búin að ná í strákana. Kristófer finnst hann rosalega duglegur þegar hann getur hjólað með pedalana tvo hringi án þess að ég haldi í og ljómar allur í framan og segir "mamma sjáðu bara hvað ég er duglegur, ég get þetta næstum", "já elskan, þetta er alveg að koma". Ég bara er ekki að trúa hvað þetta tekur langan tíma, en það jákvæða við þetta er að ég fæ nóga hreyfingu líka, svo er nefnilega yfirleitt farið í einhverja leiki þegar þetta er búið. Kormákur er orðin svaka flinkur, nema ennþá vantar upp á bremsurnar hjá honum. Ef hann fer of hratt setur hann lappirnar niður og bremsar þannig. Það gerði ég aldrei þegar ég var lítil,hehe, var bara mesti skóböðull sem til var, átti stundum skó í 2 vikur, vegna bremsu eða klifra upp á kaupfélagsþakið osfrv.

Ég held að ég sé búin að ákveða mig, hvað ég tek sem valfag í skólanum. Það er Sundhed, krop og bevægelse- heilbrigði (matur), Líkami og hreyfing. Mér finnst miklu meira spennandi í þessu fagi heldur en í náttúru, tækni og verkstæði. Enda hef ég líka alltaf verið á spá í hvað maður á að gera með börnunum í leikfimi og hvaða æfingar séu betri en aðrar, þannig að ég held að þetta passi vel.

Jæja kossar og knús

Bergþóra og co   

Mánudagur:)

VÁ hvað er erfitt að kenna börnum að hjóla, sérstaklega þeim sem varla nenna þessu. Kormákur minn er nú reyndar alveg að ná þessu, ég píndi þá að sjálfsögðu út í dag. Maður verður að halda áfram þegar maður er byrjaður, þýðir ekki að gefast upp. Jæja ég byrja á því að hlaupa með Kristófer, hann hjólar smá, bremsar og hættir og ég segi "Kristófer minn, þú verður að hjóla á meðan þú ert að ná þessu", "en mamma, þessi strákur þarna hjólar ekki alltaf", "Nei, en þú verður að gera það meðan þú ert að læra elskan", "ok, ég nenni þessu bara ekki". Kormákur reyndi að æfa sig sjálfur á meðan og gekk ekkert of vel. Jæja ég byrja svo að hlaupa með honum og læt hann taka af stað og bremsa til skiptis (honum fannst þetta ekkert voðalega gaman, skil það ekki), stýrið er nefnilega á fleygiferð stundum, en það er samt farið að hægjast á því. Ég fer með honum nokkrar ferðir og honum fór að ganga rosalega vel, tók af stað eins og ekkert væri, bremsaði þegar ég sagði og stýrið þokkalega beint, svo kom ein væn bylta í lokin og þá fékk ég "jæja, getum við núna farið inn". Það er sem sagt stuð á liðinu hér á bæ, allir að hjóla og hlaupa.

Ég fór með Kormák til augnlæknis aftur í dag. Augað lítur betur út, en hann þarf að fá dropana í viku í viðbót.

Jæja ekki meira eftir þennan dag.

Kossar og knús

Bergþóra og co

Ný vika...

að byrja og helgin búin. Það er búið að vera mikið að gera síðan síðast. Við erum búin að hlaupa með strákunum fram og til baka til að kenna þeim að hjóla og hefur það gengið misvel, hehe. En jæja nú byrjar frásögnin: Föstudagur- tekið til heima, farið að versla, náð í strákana og svo byrjaði aðalfjörið. Við fórum með Óla og Ástu út að borða á Kínverskum stað og svo fórum við á Erotik World, þetta er sýning sem er með allt fyrir sex, dildóa, búninga, nærföt, sadómasókismi, piersing, tattoo ofl. Þetta var voðalega gaman og mikið að skoða. Við ákváðum svo að koma hingað heim eftir sýninguna áður en farið var að ná í strákana, strákunum langaði að fá sér einhverja kokteila. Það var sem sagt drukkið hérna eitthvað frameftir, eða þar til Jón Óskar var farin að skoða augnlokin ansi mikið að innan (eins og Óli sagði), þá var ákveðið að koma sér af stað til að ná í strákana. Ég var svo leiðinleg við Jón að mér fannst hann alveg geta komið með mér að ná í þá, hefði svo sem geta sleppt því þar sem þeir þrír sváfualla leiðina heim (tekur 25-30mín að keyra). Strákarnir fengu sem sagt að vera upp í Give hjá börnunum þeirra Óla og Ástu, við keyptum pizzu, snakk, nammi og gos fyrir krakkana, þannig að þau voru ánægð, spiluðu í tölvu, á spil og horfðu á sjónvarp (alltaf gaman þegar það eru engir foreldrar.

Laugardagurinn fór að mestu leiti í smíðakalla hjá honum Jóni mínum. Við hin vorum öllu hressari, reyndar var mikil leti í gangi og var ekki farið almennilega á fætur fyrr en um 13:30. Ég fór svo út með strákana að hjóla að sjálfsögðu og náði Kormákur að hjóla smá einn, jei. Þegar við vorum hætt að hjóla fórum við í Eina Krónu og skemmtum okkur konunglega. Þegar við vorum búin að borða kvöldmat og Jón var að mestu leiti laus við smíðakallanna var ákveðið að koma strákunum á óvart. Við keyrðum niður í bæ og fórum í farand Tívolí. Strákunum fannst þetta að sjálfsögðu æði, við keyptum 10 miða og dugði það okkur. Við ákváðum að fara í smá hringekju (er þetta rétt skrifað?) fyrst og fórum öll saman, hún virkaði mjög meinlaus, en NEI hún snérist svo hratt stundum að ég og Jón vorum alveg búin á því og þvílíkt flökurt. Kormáki fannst hún æði en Kristófer ekki eins ánægður með þetta. Svo fóru þeir í lítinn rússíbana, Kormákur fór í rólur og klessubíla líka, en Kristófer lét sér duga lítil barna hringekja (eins og er í húsdýragarðinum) með hestum ofl, þar með eru tækin líka upptalin sem var eitthvað fyrir þá (fyrir utan Parísarhjól, sem við slepptum núna). Þeim fannst þetta samt alveg frábært og líka það að fara að kvöldi til þar sem ljósadýrðin var mikil. Þegar heim var komið var horft aðeins á sjónvarpið og svo farið að sofa, allir mjög þreyttir þrátt fyrir mikla leti fyrripartinn.

Sunnudagurinn er búin að vera frábær. Við sváfum frameftir eða til 9, svo fórum við Kormákur að undirbúa morgunmat. Við bökuðum sunnudags- smábrauð Sollu stirðu og gerðum jarðaberjaskyr íþróttaálfsins, að vísu notuðum við Grískt jógúrt í staðin fyrir skyrið, en það er mjög svipað þannig að þetta var mjög gott. Kormákur var hæst ánægður með útkomuna úr morgunmatnum, enda var það líka hann sem vigtaði og mældi í bollurnar, skar jarðaberin niður og hrærði þeim saman við jógúrtina, ekkert smá duglegur. Þegar búið var að borða fórum við út að hjóla (ekkert nýjar fréttir, hehe), í þetta skipti hjólaði Kormákur ALVEG EINN, algjör töffari og andlitið ljómaði eins og sól í heiði, hann var svo montinn. Hann gleymir að vísu að bremsa ef hann er við að klessa á BÍLA eða eitthvað. Þannig að nú er það eina sem vantar hjá honum, hann getur tekið af stað og hjólað einn. Kristófer getur þetta ekki alveg ennþá, en ég hef grun um að það komi fljótlega, hann kann að bremsa, eiginlega bara of mikið, aaaarrrgggg, getur verið svolítið þreytandi, hann hjólar á fullu svo allt í einu bremsar hann bara vegna þess að það er svo gaman. Kormákur fór svo til vinar síns og var þar fram eftir degi. Jón var heima að horfa á formúluna og við Kristófer fórum niður í bæ, fengum okkur ís og löbbuðum göngugötuna í góða veðrinu.

Jæja svo er þessi helgi búin og var fljót að líða, enda líka mikið fjör hjá okkur.

Kossar og knús

Bergþóra og co

 

Myndirnar

eru komnar inn. Er ekki búin að skrifa við þær allar, en það kemur vonandi á morgun.

Annars er ég mjög upptekin í skólanum núna þessa dagana. Það eru kynningarvikur á valfögunum okkar. Þetta er rosa gaman og vonandi get ég fundið út hvað ég vil velja eftir þetta. Svo er smá vinna í litla trjábeðinu (hreinsun á arfa og grasi) okkar, ég fæ mikla hjálp frá strákunum við það. Kristófer var frekar fúll að við fórum ekki út í dag, því ég fékk svakalegan hausverk. Okkur vantar stærri garð til að geta gert meira. Ennþá er verið að hlaupa á eftir strákunum til að kenna þeim að hjóla og vonandi geta þeir þetta sem fyrst. Þeir sem þekkja Kormák vita að hann vill bara kunna hlutina, en ekki að þurfa æfa sig.

Einn í lokin frá Kristófer. Þegar hann átti að fara að sofa áðan byrjaði hann að gráta og ég fer til hans og tala við hann. "hvað er að, af hverju viltu ekki sofa í rúminu þínu" , "ég vill bara sofa í ykkar rúmi", "nei, það er ekki í boði", Jón Óskar kemur inn og segir "hvað á ég þá að gera við rúmið þitt, ég verð bara að selja það", "eða á ég að sofa í þínu rúmi", "nei, nei þú sefur bara í þínu rúmi", " en það er ekki pláss fyrir mig ef þú ert þar líka Kristófer", Kristófer bjargar sér og segir "mitt rúm brotnar bara ef þú sefur í því, en þú getur sofið í sófanum". Maður deyr ekki ráðalaus til að reyna að ná fram vilja sínum.

Kossar og knús

Bergþóra og co

MYNDIR

SORRY myndirnar eru ekki komnar inn. Vonandi næ ég að bjarga því í kvöld, læt ykkur vita.

Kossar og knús

Bergþóra

Helgin:)

BYRJUM Á ÞVÍ AÐ ÓSKA HONUM JÓNI ÓSKARI AFA TIL HAMINGJU MEÐ 96 ÁRA AFMÆLIÐ SEM ER Í DAG

SKÚLI INNILEGA TIL HAMINGJU MEÐ FERMINGARDAGINN. VONANDI ER HANN BÚIN AÐ VERA GÓÐUR. 

Það er ekki vika síðan við komum heim aftur, samt finnst mér ég búin að vera hérna mjög lengi.

Við fórum á föstudaginn með Kormák á rúnt að skoða hjól handa honum. Við töluðum við einhvern kall í hjólabúð og ráðlagði hann okkur að kaupa 20" hjól handa honum, með gírum og fótbremsu. Okkur fannst þetta mjög dýrt hjá honum þannig að við héldum áfram að skoða. Við enduðum í Bilka og keyptum hjól þar fyrir helmingi minni pening en í hjólabúðinni, ekki slæmt það. Á morgun er svo stefnan að kaupa hjól fyrir Kristófer líka, svo eru bara foreldrarnir eftir. Það er nefnilega búið að ákveða hér á bæ, að allir ætli að fá hjól þannig að hægt sé að fara í hjólatúra. Aðal vandamálið er það að Kormáki okkar finnst þetta ekki mjög spennandi og hefur aldrei viljað að læra að hjóla. Hann er mjög pirraður núna þegar hann er að þessu og fær margar byltur greyið. Hann á bara svo leiðinlega mömmu sem vill endilega að hann læri þetta. Ég held að þetta komi honum til góða seinna, og okkur öllum að vísu. Ef það er einhver með góð ráð til að hann læri þetta sem fyrst, þá er allt vel þegið, við erum búin að hlaupa með honum fram og til baka, en hann á eitthvað erfitt með jafnvægið.

Annars er helgin okkar búin að ganga mest út á það að kenna Kormáki að hjóla. Fórum að vísu með Toyotuna í skoðun í gær og sagði kallinn þar að þetta væri frábær bíll í alla staði, lítið keyrður og vel með farinn, við voða montinn.

Er að setja inn fleiri myndir líka, kíkið endilega.

Kossar og knús

Bergþóra og co 

Hún á afmæli í dag:)

Til hamingju með daginn elsku Jóhanna. Skemmtið ykkur vel í afmælismatnum. Vildum alveg vera þarna.

Kossar og knús

Bergþóra, Jón Óskar, Kormákur Helgi og Kristófer Ingi.