Komin heim úr sumarbústað...

OG vetrarfríið á enda. Já það er fljótt að líða þetta frí, mér finnst alveg að það mætti vera aðeins lengra. Ennnn... þetta er búið að vera gott frí, á miðvikudaginn fór ég með strákana í bíó í Kolding storcenter, við sáum Bee movie, við gátum sko alveg hlegið yfir henni, eiginlega bara helling.

Á fimmtudag byrjuðum við að baka kanilsnúða og vínarbrauð, þar sem það er fastur liður þegar við förum í sumarbústað eða útilegu. Við fengum svo Ástu og Charlottu í heimsókn til okkar, að sjálfsögðu skemmtum við okkur vel og töluðum mikið. Þegar Jón kom svo heim var kláruðum við að gera okkur klár, setja í bílinn og bruna af stað, það var orðinn mjög mikill spenningur hjá strákunum og voru þeir MJÖG duglegir að hjálpa okkur að setja út í bíl. Þeim hlakkaði svo til, því að við fórum með Rögnu, Kristni, Margréti og Bjarna litla, þetta var bústaður sem þau fengu lánaðan og voru svo góð að bjóða okkur með. Jæja, þegar við komum í bústaðinn var bara kalt og okkur tókst ekki einu sinni að hita upp í honum, nema í stofunni því að þar var kapissa, það var nú reyndar bara notó.

Á föstudaginn fórum við í göngu niður á strönd að tína skeljar og steina, það var ekkert smá gaman hjá krökkunum og hundinum þar, þau hlupu út um allt, sulluðu aðeins í sjónum og tíndu slatta af steinum og skeljum. Eftir fjöruferðina fórum við í brjóstsykursgerð, þar máttu börnin búa til sinn eigin sleikjó ef þau vildu (okkar gerðu það ekki), við keyptum samt smá smakk af steinabrjóstsykri (líta út eins og steinar, ég fattaði ekki einu sinni að þetta var nammi) og ís, þá voru allir sáttir og við fórum í bústaðinn aftur.

Á laugardaginn fóru Jón og Kristinn með strákana og Margréti í sund, þar voru þau í einhverja 3 eða 4 tíma, svaka fjör, fullt af rennibrautum og fjöri. Kristófer var líka búin á því þegar þau komu til baka og svaka svangur. Á meðan þau voru í sundi, sátum við Ragna og kjöftuðum út í eitt og Bjarni litli svaf, ekkert smá kósý hjá okkur. Annars gekk ferðin út á það að spila, borða góðan mat og hafa gaman. Við skemmtum okkur allavega mjög vel. Takk æðislega fyrir okkur.

Jæja á morgun tekur svo alvaran við aftur í skóla, leikskóla og vinnu. Ég er svo að spá í að læsa síðunni, sendi þá einhverjum e-mail með lykilorðinu, ef ég gleymi einhverjum þá sendið þið mér bara línu og ég reyni að bæta úr því.

Kossar og knús

Bergþóra og co.

Hún á afmæli í dag....

Elsku Helena innilega til hamingju með daginn í dag. Njóttu dagsins vel.

Saknaðarkveðja

frá okkur öllum í danaveldi.

 

Helgin búin..

en ekki vetrarfríið, hehehe. Hann Jón minn var nú frekar hissa á konunni sinni í gær að leyfa strákunum að vaka lengur. Ég sagði að mér finnist nú allt í lagi að þeir fengu að vaka aðeins lengur þar sem við værum í fríi, "ÆI, af hverju fá alltaf allir frí nema ég", "svona er þetta elskan, eins og þú segir það þarf einhver að vinna fyrir peningunum sem ég eyði". Hann fær nú að taka sér einn frídag í vikunni vegna þess að ég er svo góð og mér finnst það alveg nóg fyrir hann(bara smá grín).

Annars viljið þið kannski fá að vita hvað við gerðum um helgina, hmm ég get nú sagt ykkur eitthvað smá.  Á föstudaginn lét Jón það eftir konunni sinni að kíkja í húsgagnaverslun, þar sem ég er alltaf að láta mig dreyma um nýjan sófa. Við fórum síðan á Makkan og fengum okkur að borða, Kormákur sagði við mig "mamma ég er að hugsa um að fá mér Big Tasty", "nú" sagði ég voða hissa, "já ég er orðin svo stór að barnabox er ekkert nóg fyrir mig", viti menn hann kláraði næstum allan hamborgarann og megnið af frönskunum, ég var ekkert smá hissa, hann borðaði sko meira en ég.

Laugardagurinn tók óvænta stefnu, við ætluðum að labba aðeins niður í bæ og kíkja á göngugötuna, en ekki að eiða neinu. Kormákur kemur svo til mín rétt áður en við förum "mamma, Sjáðu buxurnar mínar", "aaarrrrggggg", það var risa gat á rassinum á buxunum, nýjar buxur (keyptar í C&A 27. des), þetta var ekki einu sinni saumspretta, og svo sá ég að buxurnar sem hann var í voru að koma upp fyrir ökkla (keyptar síðasta sumar), þannig að við þurftum að kaupa buxur á barnið. Við fórum þá að sjálfsögðu í H&M og keyptum þar föt á Kormák, Kristófer og Jón, en frúin náði bara að kaupa sér sokka. Við horfðum svo saman á Harry Potter og Fönixreglan um kvöldið, hún var mjög skemmtileg.

Á sunnudaginn lentum við upp í Give til Óla og Ástu, þar var að sjálfsögðu kjaftað helling. Ásta var líka búin að vera svo myndarleg að baka 4 tertur, þannig að það var bara veisla. Takk fyrir kaffið og kökurnar, þetta var frábært. Við rúntuðum svo framhjá einu húsi, sem við vorum að spá í hvort við gætum fengið að leigja í staðin fyrir að kaupa (á nefnilega ekki pening til að kaupa), þetta er ágætt hús, þarf að vísu að taka garðinn í gegn, en ég hef nú bara áhyggjur af því ef ég fæ það. Leyfi ykkur að fylgjast með.

Jæja svona var nú helgin okkar núna í þetta sinn.

Kossar og knús

Bergþóra og co

AFMÆLISKVEÐJA:)

ELSKU MÁRI INNILEGA TIL HAMINGJU MEÐ DAGINN Í DAG. EIGÐU GÓÐAN DAG MEÐ FJÖLSKYLDUNNI.

BRJÁLUÐ AFMÆLIS- OG SAKNAÐARKVEÐJA

BERGÞÓRA, JÓN, KORMÁKUR OG KRISTÓFER.

Festelavn er mit navn

boller vil jeg have. Hvis jeg ingen boller får, så laver jeg ballede.

Boller op, boller ned, boller i min mave, hvis jeg ingen boller får, så laver jeg ballede.

Þetta var sungið á meðan kötturinn var sleginn úr tunnunni í skólanum hjá Kormáki. Ég gleymdi að segja ykkur frá þessu í gær þegar ég var að blogga.

Á mánudaginn fór Kristófer upp á klæddur í leikskólann sinn þar sem var svona öskudagsball þar. Hann var superman, svaka flottur. Hann sagði svo við mig þegar hann kom heim "mamma, ég sló þig í festelavn" "Hvað meinar þú elskan mín" sagði ég alveg hissa, "já, mannst þú að ég málaði þig á tunnuna þegar við vorum að skreyta hana" "já, alveg rétt, ég var búin að gleyma því", "já, þess vegna sló ég þig". Ég hló bara og sagði að þetta væri nú í lagi, þetta var nú bara tunna og svo hlógum við bæði.

Á þriðjudaginn fórum við svo með Kormáki í hans Festelavn, það var milli 18 - 20. Þegar við komum þar er kallað á alla krakkana að koma niður og gera sig klára til að marsera um salinn og slá svo köttinn úr tunnunni. Þegar kötturinn hafði verið slegin fengu öll börnin flodeboller (svona kossa, eins og við köllum það). Síðan var farið í allskonar leiki og dansað. Þetta var svaka gaman og var Kormákur himinlifandi þegar þetta var búið. Þeir bræður voru mest svekktir yfir því að þurfa að fara að sofa fljótlega eftir að þeir komu heim. Kormákur velti nú mikið fyrir sér að það var ekkert nammi inn í tunnunni, heldur voru bara dagblöð og svo var namminu dreift eftir á. Ég sagði "já, það er nú kannski ekki skrýtið, getur þú ímyndað þér hvernig kossarnir hefðu verið ef þeir væru inn í", hann hló og sagði "það hefði nú kannski ekki verið svo gott" .

Kossar og knús

Bergþóra og co

Vetrarfrí:)

Ég er komin í vetrarfrí,jeiiiiiiii. Já ég er bara komin í frí, ég var í skólanum til 11 í morgun og var þá komin í frí. Ég fór nú bara heim og tók til og gerði mest allt voða fínt (klára restina á morgun). Strákarnir fara í skóla og leikskóla á morgun og svo eru þeir komnir í frí. Kormákur fer í sund með gæslunni á morgun, en þau eru farin að bjóða upp á það á hverjum föstudegi. Kormáki finnst það nú ekki leiðinlegt, en það þýðir líka það að ég næ ekki í hann fyrr en að verða 16, í stað 13-14, en þetta er gaman fyrir hann og það er fyrir mestu.

Vikan hjá okkur hefur annars bara verið róleg, ég er búin að vera mjög lítið í skólanum, en Jón er alltaf að vinna frameftir núna. Þeir eru meira að segja að spá í að mæta í vinnu á þriðjudagsmorgun kl 06 og vinna til 06 á miðvikudagsmorgun. Er þetta hollt eða hvað (mér finnst nú samt ágætt að fá peninginn). Maðurinn minn er nú svo duglegur að hann fer létt með þetta, allavega ef ég verð rosa góð og leyfi honum að sofa lengi á miðvikudag. Kannski ég fari þá bara með strákana í Legeland, þar sem við getum þá bara verið og leikið okkur á meðan Jón sefur, ekki slæmt það.

Jæja elskur, alltaf smá fréttir fyrir helgina og svo fáið þið að heyra hvernig helgin fór hjá okkur síðar. Ég er viss um að allir bíði spenntir fyrir framan tölvuna á sunnudaginn, hehehehehe. Takk fyrir að vera svona dugleg að kvitta núna, ég er ekkert smá ánægð með ykkur´.

Kossar og knús

Bergþóra og co

Góð helgi:)

Við fjölskyldan erum búin að eiga frábæra helgi. Föstudeginum var nú bara eitt að mestu í tiltekt, lestur (þegar færi gafst, sem var lítið) og Kristófer. Hann var í fríi frá leikskólanum, hann fékk að ráða því sjálfur hvort hann færi á leikskólann eða ekki. Þegar hann fattaði það svo að hann væri of seinn til að fara á leikskólann, var hann ekki ánægður með mömmu sína "MAMMA ég ætlaði að fara á leikskólann". Maður sér allavega þarna að honum líður ekki illa þarna og það er nú gott.

Laugardagurinn fór í að dunda sér hér heima fram yfir hádegi og svo var farið að versla. Við ætluðum að skipta um símafyrirtæki með GSM símana okkar, en það er ekki hægt þar sem við eigum ekki danskt persónuskilríki með mynd. Okkur fannst nú furðulegt að það væri ekki hægt að taka ökuskírteini sem er alþjóðlegt og svo sjúkrasamlagsskírteini með danskri kennitölu, en við verðum bara áfram hjá TDC sem er ekki með svona vesen.

Við Jón ákváðum að hafa öðruvísi kvöldmat hjá okkur í gær, þannig að við tókum fram RAKLETTIÐ í annað sinn síðan að við fengum það í brúðkaupsgjöf. Þetta var alveg rosalega gott og gaman að þessu, Kristófer leist aftur á móti ekki of vel á þetta og vildi ekki grilla sjálfur "þetta er alltof heitt, pabbi þú verður að gera fyrir mig". Í eftirrétt gerðum við súkkulaðifondue (marssúkkulaði höfðum við), höfðum allskonar ber, banana og marsípan, þarna gerði Kristófer smá sjálfur en leist samt ekkert og vel á það, þetta var nefnilega líka pínu heitt. Jæja eftir matinn horfðum við á TVÆR myndir, eina ævintýramynd sem heitir Terabithia og svo Night at the museum. Þannig að þið sjáið að þetta var alveg frábært kvöld.

Í dag vorum við með bollukaffi, Óli, Ásta og co komu til okkar og svo er Kormákur með vin sinn hjá sér í heimsókn. Ég bakaði nú ekki mikið af bollum, enda átti þetta líka bara að endast í dag, en það var nú smá afgangur. Ég ætlaði svo að skutla þeim niður á lestarstöð, en við vorum svo dugleg að kjafta, að við rétt mistum af lestinni, þannig að ég endaði á því að taka langan rúnt með þau, hehe.

Það kom snjór í gær, það var ekkert smá flottur snjór, svona ekta jólasnjór. Strákarnir fóru út að leika sér í smástund og svaka gaman. Ég planaði það að ég ætlaði með þeim út í dag á sleðann, en viti menn snjórinn var farinn þegar við vöknuðum. Ég fór meira að segja á bensínstöðina í gær og miðað við það hvernig göturnar voru, þá átti ég ekki von á því að snjórinn yrði farin í dag. Þetta er að ég held furðulegasti "vetur" sem ég hef upplifað, mér finnst bara að það sé búið að vera haust síðan í Október.

Ragnheiður innilega til hamingju með enskuna, glæsilegt hjá þér. Ég er líka alveg viss um að Gunnlaugur er algjör töffari með þessi gleraugu, ég fæ nú að sjá það þegar við komum til Íslands.

Kossar og knús

Bergþóra og co

Frí á morgun:)

Já það er frí í skólanum hjá mér á morgun. En maður verður nú samt ekki í fríi, nóg að lesa fyrir mánudag, tiltekt ofl. Ég ætla nefnilega að eiga frí frá öllu svoleiðis um helgina og gera eitthvað sniðugt með strákunum mínum.

Kormákur telur niður dagana i festelavns party sem við erum að fara í, í skólanum hans 5. feb. Þetta er eins og öskudagurinn og bolludagurinn heima. Á þessum degi er kötturinn slegin úr tunnunni og borðaðar festelavnsboller, sem eru bara rjómabollur(en ekki eins og við erum vön á Íslandi). Við ætlum að baka einhverjar vatnsdeigsbollur handa okkur um helgina, þannig að við fáum íslenskar bollur líka, allveg ómissandi. Það sem mér finnst verst það er það að ég fæ engar baunir og ekkert saltkjöt á sprengidaginn. Mamma mín þú verður bara að hafa annan sprengidag handa mér þegar við komum til Íslands.

Kormákur telur líka niður dagana þar til við komum heim því að hann saknar GÖMLU GÓÐU DAGANA Á ÍSLANDI. Ég vissi ekki hvert við ætluðum þegar hann sagði þetta, hann var svo alvarlegur, algjör dúlla, það var svo erfitt að halda andlitinu.

Jæja við heyrumst seinna elskurnar.

Kossar og knús

Bergþóra og co

Drullumall:)

Þessi helgi er nú búin að vera svakalega róleg. Jón Óskar er búin að vera að vinna aðfaranótt laugardags og sunnudags, þannig að við strákarnir erum bara ekkert búin að gera. Í gær vorum við bara heima, bökuðum skúffuköku og sunnudagsbollur Sollu stirðu á meðan Jón Óskar svaf. Þetta var rosa gott að fá nýbakaðar bollur og skúffuköku í kaffinu.

Í dag var heldur betur drullumall á strákunum okkar tveim. Þeir fóru út að leika og pabbi þeirra segir þeim að vinnusvæðið hinum megin við bílastæðið sé bannað, þar sem það er svo mikil drulla. Ég segi þeim að sandurinn sé í lagi sem er þar, þeir megi bara ekki fara í drulluna við vinnusvæðið. Þeir rosalega glaðir og fara út. Eftir langan tíma úti kemur Kormákur inn og kallar á pabba sinn. Jón Óskar fer út og sér þar Kristófer sitja fastan í DRULLU. Jón Óskar var ekki mjög ánægður með syni sína þarna, sverðið hans Kristófers fljótandi í miðjum drullupolli og þeir svo hryllilega skítugir að annað eins hefur ekki sést á þessu heimili. Jæja við ákveðum að láta sverðið eiga sig í smá tíma og fórum í heimsókn upp í Give og tókum bakkelsi með okkur. Þegar við komum heim ákveð ég sjálf að ná í sverðið, Jón var búin að segja að það væri mikil drulla þarna í kring, en að sjálfsögðu læt ég það ekki stoppa mig. Ég fer rosalega varlega og REYNI að passa mig að stíga ekki í drullu. Í skrefi númer tvö, hvað geri ég þá? SEKK Á KAF Í DRULLU. Ég rétt stíg niður fætinum og sogast niður upp á miðjan kálfa. Skórinn minn og buxurnar litu ekki mjög vel út eftir þetta ævintýri. Kormákur spurði mig líka hvort að mér fyndist drullan ekki vera köld, honum hafi allavega fundist það þegar hann sökk og Kristófer var að draga hann upp. Þetta ævintýri endaði svo á því að húsbóndinn bjargaði sverðinu úr drullupollinum og Kristófer rosa ánægður með það. Ég vona samt að þeir láti sér segjast og fari ekki þarna aftur, allavega fylgist ég vel því. Þetta getur verið svolítið hættulegt svæði að leika sér á þegar maður sekkur niður.

Vonandi hafa allir átt góða helgi okkur leiddist allavega ekki.

Knús og kossar

Bergþóra og co

p.s Jóhanna ég skoðaði fréttina og skrifaði athugasemd við eitt bloggið þarna. Mér finnst fólk stundum svo neikvætt þegar það kemur eitthvað nýtt. Þú mátt óska öllum til hamingju með þetta frá mér, mér finnst þetta sniðugt og flott. Hlakka til að sjá þetta um páskana þegar við komum heim. Ég sagði mömmu í dag að við færum í sumarbústað bráðum eina helgi og ég frétti að Ingimundur og þið væruð að fara í "vetrarbústað", að það væri vetur og þá færi maður í vetrarbústað en ekki sumarbústað. Þetta var gott hjá þér Ingimundur, þú ert algjör gullmoli.

Kormákur að hressast:)

Núna er Kormákur búin að vera heima það sem af er af þessari viku. Hann er að hressast og fer sennilega í skólan á morgun. En er einhver sem veit um barn eins og hann - hann var með yfir 39 stiga hita og getur spilað í tölvu og vildi helst ekki sofa. Hann á bara svo leiðinlega mömmu sem vildi endilega að hann leggði sig, það gekk nú ágætlega á endanum.

Ég tók Kormák með mér í skólann í dag. Ég tók nú tölvu með handa honum líka, spiderman 3 og einn leik, þannig að honum myndi ekki leiðast. Eins og alltaf er tölvan mjög góð barnapía og varð ég varla vör við hann. Ég bjóst við að vera þarna í svona 1 - 1.1/2 tíma en við vorum 2.1/2 tíma. Það er alveg ótrúlegt hvað allt þarf að taka langan tíma, en að sjálfsögðu brosir maður bara og reynir að reka aðeins á eftir.

Ágústa mín ég þarf semsagt að hafa fyrir því að finna út hvað litla Dís heitir, jæja ég kemst að því vonandi þegar ég er búin að skrifa þetta.

Jæja elskurnar bið að heilsa ykkur.

Kossar og knús

Bergþóra og co