Alltaf sama sagan:)

Hellingur að gera, en ekkert til að blogga um. Kristófer er bara að verða algjör snillingur á hjólinu og er þetta eitthvað annað en hann Kormákur okkar sem er ennþá bara dauðfeginn að hjólinu hans hafi verið stolið og langar ekkert í nýtt, þannig að við erum búin að gefast upp á að reyna. Kannski vill hann þetta sjálfur einhvern tíman. 

Þá reyni ég að segja ykkur aðeins frá Hvítasunnuhelginni. Jón Óskar var heppinn og fékk 4 daga helgi á meðan við hin fengum 3 daga. Ég var að vísu bara 2 tíma í skólanum og var Jón búin að gera allt fínt þegar ég kom heim, þannig að við náðum að versla áður en strákarnir voru búnir í skólanum. Við gátum svo bara öll slappað af og gert það sem hverjum og einum langaði til, þar til við höfðum video kvöld.

Laugardagurinn: Jón svaf frá sér allt vit og ég hélt að hann ætlaði bara ekkert að drulla sér á fætur, hehe. Við fórum á rúntinn niður í Randböldal með 1 ½ neikvæða drengi (Kristófer aðeins jákvæðari) og nesti. Við vorum búin að heyra að það ætti að vera mjög fallegt í Randböldal en við fundum nú ekki neinn göngustíg eða neitt sem okkur leist á, en við fundum safn. sem við kíktum á. Við vorum svo heppinn að þar var frítt inn þessa helgi og Þetta fannst nú strákunum okkar spennandi, enda alltaf gaman að fara með þá á söfn. Um kvöldið var svo borðað úti á verönd og svo spiluðum við Disney Trivial. Kristófer vann, Kormákur í öðru sæti. Jón í þriðja og ég tapaði, alveg merkilegt hvað ég get verið óheppinn þegar ég lendi á kökum. En við skemmtum okkur stórvel og hlógum mikið. Ég verð bara að horfa á allar Disney myndirnar okkar aftur.

Sunnudagur: Fórum í heimsókn til Ástu og Óla, lágum aðeins í sólbaði, spiluðum krikket, kjöftuðum, sníktum kaffi (Jón öl) og fórum svo heim þegar Óli var orðinn þreyttur á okkur og sofnaði. Takk fyrir okkur. Þegar heim var komið gerðum við ekkert nema að grilla okkur kvöldmat og horfa á sjónvarpið.

Mánudagur: Garðvinna, krikket, busl í pínu sundlaug ofl notaleg heit.

Núna er ég að skrifa verkefni með hópnum mínum, þannig að það er nóg að gera í skólanum hjá okkur fram að sumarfríi. Í verkefninu erum við að skrifa um matinn í leikskólum heima, vegna þess að foreldrar og kennarar eru mjög neikvæðir yfir þessu. Það verður því gaman að framleggja þetta fyrir fólkið í skólanum til að sýna að þegar lengra er litið er þetta ekki slæmt.

Þangað til næst

Kossar og knús

Bergþóra og co

Munið að það má alveg kvitta hérna þó að við séum með facebook.

10 ára afmæli:)

Þá er stóri prinsinn hann Kormákur Helgi orðinn 10 ára. Innilega til hamingju með daginn elsku Kormákur Helgi. Vonandi ertu búinn að eiga góðan dag í skólanum og við gerum okkar besta þegar þú kemur heim.

Risaknús og koss elsku Kormákur

Verð nú að segja frá því að hann gat varla sofið í nótt því hann var svo spenntur (hann vaknaði meira að segja við vekjaraklukkuna hans pabba síns kl 4:30 og hélt að hann þyrfti að vakna (frekar leiðinlegt að fara í rúmið aftur) og í dag megum við bara kalla hann 10 ára strákinn.

Smá hérna til Jóhönnu þar sem hún er ekki með facebook, hehe. Kristófer er farin að hjóla án hjálpardekkja. Hann sagði við pabba sinn að hann kynni þetta núna alveg og hann mætti taka hjálpardekkin af. "ok, ef þú ert alveg viss", "já, ég er búin að æfa mig í skólanum", svo dekkin eru tekin af, en það gekk nú ekki alveg að hjóla, en ég segi við Kristófer "þú þarft að taka hjólið með þér í skólann á morgun þar sem það er æfingadagur", "já, en þá verður pabbi að setja hjálpardekkin á aftur", "nei nei, þú æfir þig bara í dag án þeirra". Þetta var með naumindum samþykkt og svo þegar ég næ í hann þá tala ég við eina sem er að vinna og hún sagðist hafa horft á hann og fylgst með honum en ekki hjálpað honum. Þetta tókst á endanum eftir 1 ónýtar buxur og drullugur upp fyrir haus (hann hlýtur að hafa tekið smá pásu, en hvað veit ég svo sem). Hún sagði við hann "jæja Kristófer, nú ertu búin að ná þessu og þá getur þú hætt í dag", hann horfði á hana vonsvikinn á svipinn og sagði " verð ég, má ég ekki hjóla meira" og hann var semsagt ennþá hjólandi þegar ég kom að ná í hann.

Knús og koss

reyni kannski að setja inn myndir um helgina.

Veit ekki....

Þá er helgin búin og ég er búin að hafa lllaaaannnggggtttt frí.

Kristófer átti afmæli á föstudaginn og fékk hann hlaupahjól frá honum Kormáki og er þetta aðal leikfangið núna. Við buðum síðan vinum okkar hér í Danmörku í afmæli í tilefni afmæli beggja strákanna. Að sjálfsögðu var ég með allt of mikið af kökum og komu Óli og Ásta til okkar aftur í gær og er samt nóg eftir, hmmmm þarf kannski að læra að kúpla mig niður. En strákarnir voru ánægðir með daginn, þannig að þetta er nú í lagi.

Í gær var bara unnið í garðinum og svo slappað af.

Vá þetta er alveg svakaleg færsla, hehe, bara svona eitt gullkorn í restina frá Kristófer Inga. Hann stóð upp á bekk sem er utan við húsið og bekkurinn valt og á hælin á honum. Hann grét að sjálfsögðu eins og hann væri stórslasaður (enda örugglega hrikalega vont). Í morgun segir hann svo að hann sé betri, svo ég spyr hann "ok, ertu sem sagt ekki stór slasaður", "Jú, ég er stór slasaður, en ekki stór stór slasaður", "ha, þarf ég þá ekki að hringja á sjúkrabíl", " nei, ég er ekki svo mikið stór slasaður, ég er ekki svona sjúkrabíl eða lækna slasaður, bara svona heima slasaður", hehe. Ég átti mjög erfitt með að halda andlitinu.

Knús og kossar

Bergþóra og co

Minnsti prinsinn á afmæli í dag

Innilega til hamingju með afmælið elsku Kristófer okkar. Mamma og pabbi dekra svo við þig eins og við getum í dag.

Knús og kossar frá okkur öllum, við elskum þig.

Mamma, pabbi og Kormákur

Jæja mikið búið að gerast...

síðan síðast, en ekki mikið að skrifa.

Eins og flestir vita fór ég með strákana til Íslands í ferð sem var líka námsferð. Ég hefði nú gjarnan vilja hafa fleiri daga, þar sem ég náði ekki að hitta alla þá sem mig langaði mikið að hitta. Ég vona þó að mér verði fyrirgefið og ég hafi meiri tíma næst, fannst þetta virkilega leiðinlegt. Enn nóg um það, hér kemur smá ferðalýsing. Ferðin byrjaði á því að ég notaði að sjálfsögðu tækifærið (þar sem ég er ekki búin að finna neina hér sem mér finnst góð) og fór í klippingu, litun og plokkun. Fórum í afmæli til Ingimundar og svo hélt ég upp á afmæli strákanna fyrir fjölskylduna heima.

Svo var friðurinn úti og Danirnir komu, hehe. Með þeim fórum við í Rimaskóla að skoða hann og fengum að taka þátt í leikfimistíma, þar sem við lékum okkur í Sparkó, ekkert smá gaman. Síðan skelltum við okkur í bæinn, kíktum í 66* og tókst kennaranum að versla sér 3 peysur, svo var haldið á Laugaveginn þar sem var farið í hverja minjagripabúðina á eftir annarri (frekar þreytandi). Það sem mér fannst skemmtilegast í þessari bæjarferð var að sjá Ísbarinn á Kaffi Reykjavík (ótrúlegt en satt, en já ég hafði aldrei séð hann). Miðvikudagurinn fór í dagsferð til Gullfoss, Geysi, bananagróðurhús ofl. Enduðum svo í frábærum kvöldmat á Draumakaffi, þar sem hún móðir mín góð hafði eldað alveg svakalega góða 3 rétta máltíð fyrir okkur, Takk fyrir það. Fimmtudaginn fórum við á Geislabaug þar sem vel var tekið á móti okkur. Skoðuðum leikskólann, horfðum á hreyfistund, fórum í göngutúr með Lautinni og enduðum svo á ljúffengum hádegisverði. Takk æðislega fyrir okkur, allir voru svakalega ánægðir.

Jæja ég og strákarnir mínir skelltum okkur svo í sveitina til Steinunnar, ömmu Vilborgar og afa Steinars, en hann átti afmæli. Innilega til hamingju með það elsku Steinar. Í sveitinni fengum við að fara með í fjárhúsin og gefa heimalningunum og kálfinum pela, fara aðeins á hestbak ofl, aldrei leiðinlegt að koma í sveitina, takk fyrir þetta.

Svo var síðasti dagurinn runninn upp. Eftir sveitaferðina náði ég að fara að versla, fara í sund með strákana og heim að borða með foreldrum, systkinum og fjölskyldum þeirra, pakka niður og reyna svo að sofa smá áður en við þurftum að fara út á flugvöll.

Það var nú alveg yndislegt að koma heim til Jóns og eyða Eurovision kvöldinu með honum, ég svaf nú reyndar meira og minna yfir því en samt.

Við héldum upp á afmælið hans Kristófers í gær fyrir krakkana í skólanum, þetta er nú lítill hópur (10 krakkar) og gekk allt vel. Þau náðu að sporðrenna, stórri pizzu, pylsuhornum, ostapinnum og stórri afmælisköku... ég var ekkert smá hissa hvað þau gátu borðað. En gaman af því.

Ohhh veit ekkert hvað ég á að segja meira, bara eitt gullkorn frá Kristófer. Ég var að horfa á Vini og Kristófer er við hliðina á mér og segir "mamma, veistu hver mér finnst flottust þarna", "nei hver", "hún (og bendir á Rahcel)", "ok, finnst þér hún sætust", "nei hún er flottust þarna, en þú ert sætust", hehe, hversu yndislegur getur maður verið.

Knús og koss

Bergþóra og co

Hann á afmæli í dag.....

hann á afmæli í dag, hann á afmæli hann Ingimundur hann á afmæli í dag, HÚRRA, HÚRRA, HÚRRA. Innilega til hamingju með daginn sæti, sjáumst á eftir.

Annars erum við búin að hafa það rosalega gott hérna á Íslandi. Ég eyddi fyrripartinum í gær í klippingu, litun og plokkun og heimsókn til Svölunnar minnar. Á meðan voru strákarnir með ömmu og afa í bænum að kaupa inn fyrir kaffihúsið og var það nú bara miklu skemmtilegra en að hanga með mömmu. Hmmm ætli börnin mín séu eitthvað þreytt á mér, hehe. Kristófer gat svo dregið ömmu sína með sér í heita pottinn seinni partinn og var það þvílík hamingja með tilheyrandi sulli og látum. Kvöldið fór í afslöppun með afgang af grilluðum lambalærisneiðum og kartöflusalati, íslensku sælgæti og síðast en alls ekki síst (eiginlega bara besta) kaffi og Grand Marnier, mmmmm.

Vona að þú hafir það gott elskan mín aleinn í DK. Knús og koss til þín sérstaklega.

Knúsí knús

Bergþóra og co á klakanum góða

Jæja aftur smá færsla:)

Föstudagur- Ég vaknaði með strákunum, kom þeim í skólann. Ég var svo góð og leifði Jóni að sofa á meðan, en ekki lengi samt. Ég vakti hann eftir að ég var búin í sturtu og gera mig tilbúna fyrir bæjarferðina okkar. Já aldrei þessu vant vorum við bæði í fríi og fórum EIN í bæinn að reyna að versla afmælisgjafir ofl. Eftir Hennitz og Mauritz vorum við nánast búin að fá nóg (við erum svo mikið verslunarfólk) löbbuðum við aðeins meira, kíktum aðeins í fleiri búðir, enduðum svo á kaffihúsi þar sem við fengum okkur bjór (pantaði stóran handa Jóni og var hann bara pínu stór, eða 750 ml) og ofnbakaðar nachos. Eftir að heim var komið náðum við í Kristófer og settumst út á pall og höfðum það bara rólegt og notalegt á meðan við biðum eftir að ná í Kormák, en hann var í afmæli sem hann skemmti sér alveg stórvel. Um kvöldið var borðað úti á palli og hitti það alveg í mark hjá strákunum. Sem sagt alveg yndislegur dagur í sólinni.

Laugardagur- Fórum til Kolding að kaupa afmælisgjöf handa Ingimundi og skelltum okkur á göngugötuna líka, þar hlustuðum við á skólahljómsveit og fengum okkur ís. Eftir að við komum heim fórum við út í garð að reita arfa, svaka fjör. Horfðum svo á Gummi Tarzan, langt síðan ég hafði séð þá mynd, en jafn skemmtileg og mig minnti, og ekki fannst strákunum hún leiðinleg.

Sunnudagur- Fórum upp í Silkeborg til Rögnu, Kristinns og co í afmæli til Margrétar og að sjá nýjasta fjölskyldumeðliminn hann Símon Mikael. Hann er bara algjör rúsína og pínulítill, hehe. Alltaf gaman að koma þarna, takk æðislega fyrir grill, kökur og gott spjall.

Vikan sem er að byrja verður róleg, er í skólanum á morgun og svo er bara að þvo þvott og fara í gegnum skúffur til að ath hvort ég geti ekki tekið einhver föt með á Hlyn. Jæja það verður örugglega ekkert skrifað meira fyrr en eftir Íslandsferðina okkar strákanna.

Þangað til næst og alltaf hafið það sem allra best dúllurnar mínar.

Kossar og knús

Bergþóra og co

Til hamingju með...

Afmælið ég sjálf, ég er búin að eiga alveg æðislegan dag. Byrjaði reyndar á smá stressi þegar prentarinn fór að koma með einhverjar aukarenndur þegar ég var að prenta út prófið og þá var nú heppilegt að eiga góða vini rétt hjá. Ég skaust til Ástu og fékk að prenta þar út og þá komst nú smá ró á aftur. Ég var nefnilega ekki að meika þetta eftir að vera búin að sitja inni og skrifa þetta próf í tvo daga. Var svo stressuð því að ég ÆTLA að ná þessu núna. Við fórum í skólann, ég losaði mig við prófið og ræddi Íslandsferðina við hópinn minn, allir voða spenntir. Ásta kom svo með mér heim og fengum við okkur bjór út á verönd í 25 stiga hita. Þar sátum við og spjölluðum þar til kominn var tími að ná í Kristófer í skólann.

Annars er búið að vera ótrúlega mikið að gera hjá okkur og hef ég ekki gefið mér tíma í neitt nema skólann, börnin og manninn. Ótrúlegt að þrátt fyrir að hafa haft mikið að gera hef ég ekkert að segja hérna, þar sem allt snýst um skólann og fjölskylduna þessa dagana. Ég læt þetta bara duga núna og skrifa meira þegar ég fæ meiri innblástur.

Knús og kossar

Bergþóra og co

Húsbóndinn á heimilinu...

er orðinn árinu eldri í dag. Til hamingju með það ástin mín. Strákarnir segja líka til hamingju með daginn elsku pabbi.

Ætlunin hjá okkur strákunum er að dekra aðeins við kallinn okkar þegar hann kemur heim. Það á að grilla heilan kjúkling og hafa ferskt salat og timian kartöflur með. Svo er ég búin að reyna að baka mjúkan marengs (gekk ekki vel, hata að baka marengs.), en Vilborg mín, þetta verður þitt verkefni þegar þú kemur í heimsókn til mín að sína mér hvernig á að gera þetta, hehe. Kormákur er svo búinn að panta að fá að gera súkkulaðitertu handa pabba sínum þegar hann er búin í skólanum. Kristófer fær ekki að vera með þar sem hann gerði tertu á páskunum. Svo yndislegir þessar elskur.

Smá frá helginni. Á laugardaginn vorum við bara út í garði að vinna smá. Ég var að sá fræjum fyrir ferskt Timian, rosmarin, basilikum og svo er bara spennandi að sjá hvort þetta komi upp, nú ef ekki, þá kaupi ég þetta uppkomið og gefst upp á að reyna að sá fræjum.

Sunnudagurinn fór í útskrift hjá hjá Kormáki í kristinfræði hjá kirkjunni og þar fórum við öll vel upp klædd, ég í pilsi, jón í jakkafötum og strákarnir í flottum gallabuxum, skyrtu og bindi, allir aðrir mættu eins og þeir væru að koma úr fjósinu, bæði stelpur og strákar ógreidd osfr. Við fórum svo í fermingarveislu til Eydísar og fengum þar margar góðar veitingar og skemmtum okkur stórvel, takk fyrir daginn.

Jæja þá hef ég ekki meira í þetta skipti.

Knús og koss

Bergþóra og co

 

Innilega til hamingju....

afmælið elsku mamma, amma, tengdó. Vonandi færðu æðislegan dag, svo dekrum ég, Kormákur og Kristófer við þig eftir tæplega 3 vikur, okkur hlakkar svo til að sjá ykkur.

Endalaust af knúsi og kossum frá okkur í danaveldi.

Bergþóra, Jón Óskar, Kormákur Helgi og Kristófer Ingi.