Nýr fjölskyldumeðlimur:)

Við erum loksins búin að láta verða af því að fá okkur gæludýr. Það var gömul kona sem átti 9 mánaða gamlan Himalyan colorpoint kisu, vildi losna við hann vegna þess að hún gat ekki séð umm hann lengur. Hann heitir Nemó, sem mér fannst svolítið fyndið þar sem fyrsta dýrið (trúðfiskur) sem Valgerður og Halldór áttu hét Nemó, en það var barnabarn konunnar sem skýrði kisu. Strákarnir eru að vonum mjög spenntir yfir kisu og eru því frekar fúlir að hann felur sig mest undir sófa. Við erum nú ekki að hafa áhyggjur af því strax þar sem við náðum bara í hann í dag.

Kristófer er búinn að vera veikur alla vikuna, með hitavellu og kvef, Þetta byrjaði nú síðasta laugardag með uppkasti og svo hélt þetta áfram, þannig að það er búið að vera fjör hér á bæ alla vikuna. Það sem mér fannst nú samt frekar furðulegt að hann var með upp í 39,2 í hita en það sást varla á barninu, þannig að fyrir hann hefur þetta ekki heldur verið gaman. Ég fór í skólann einn dag af fjórum. Við leyfðum Kristófer nú samt að koma með á skemmtun í skólanum hjá Kormáki í gær (fimmtudag), vegna þess að okkur langaði báðum að fara. Skemmtunin byrjaði á að krakkarnir sýndu dans og snú snú í leikfimissalnum. Kormákur hoppaði líka í snúsnú þar sem tveimur böndum er snúið (þetta langaði mig alltaf að læra þegar ég var yngri, en enginn gat kennt mér). Við fengum svo Gadbjerg peninga þegar við komum yfir í skólann sem mátti eyða í spilavíti, kökur, kaffi, búð ofl skemmtilegt. Kormákur hafði líka gert teiknimyndasögu ásamt öðrum strák, þar sem þeir "fengu" peninga og áttu að segja hvað persónurnar voru að gera, hvað það kostaði, hversu miklu var eytt í heildina og hvað var eftir. Mér fannst þetta peningaþema sniðug leið til að kenna þeim bæði um peninga og að reikna.

Jón Óskar kom heim í gær og var í fríi í dag, þar sem átti að smyrja gröfuna. Hann heppinn að fá langa helgi. Mér fannst þetta frekar skrítið, þar sem ég var í fríi í skólanum líka. Sem sagt laugardagur 1 þessa helgina, hehe. Hann fór að sjálfsögðu út að kljúfa brenni í morgun og ég að raða, það á bara að taka á því þessa helgina og reyna að klára þetta. Ekki hægt að vera með þetta hangandi á eftir sér lengur.

Jæja þangað til næst. Setti inn nokkrar myndir af Nemó.

koss og knús

Bergþóra og co

Enn ein pestin....

búin að berja að dyrum. Kristófer vaknaði í morgun með hausverk og er svo farinn að kasta upp líka, þannig að það er fjör hér á bæ. Charlotta ætlaði að koma og leika við Kristófer í dag því að hún nennti ekki á ferðasýningu með Óla og Ástu, en nú er spurning hvort hún komi.

Vikan er annars búin að vera róleg. Ég var að vinna verkefni með hópnum mínum og fannst sumum samvinnan erfið. Við erum 6 í hópnum og allar mjög ólíkar. Þannig að það verður að ræða þetta aðeins þannig að það sé nú ekki ein sem stjórnar öllu, og við hinar getum fengið okkar skoðun fram.

Kormákur fór til Lucas í gær og svaf þar í nótt (what's new, hehe), núna er hann svo kominn í afmæli til einnar stelpu í skólanum og verður þar til klukkan þrjú. Við ákváðum að dekra aðeins við Kristófer á meðan og fengum okkur kjúkling í gær og svo var horft á Tarzan 2 og borðað snakk og nammi. Að öðru leiti verður þessi helgi með rólegra mótinu hjá okkur. Reyndar ef Kristófer verður hress á morgun förum við á grímuball og sláum köttinn úr tunnunni í íþróttahúsinu hér í bænum. Læt ykkur nú vita af því seinna.

Takk Vilborg fyrir að prjóna vestið fyrir mig, það er rosalega flott, og upptakarinn frábær, Kristófer ýtti oft á hann í gær til að hlusta á Hómer hehe.

Síðast en ekki síst er það afmæliskveðja til Stínu. Innilega til hamingju með afmælið á morgun Stína og vonandi færðu alveg frábæran dag. Bestu afmæliskveðjur frá okkur öllum.

Koss og knús

Bergþóra og co

Begga dugleg....

Ég er búin að skrifa færslu í dag og bæta svo við myndum í Jan-feb 2009 albúm.

Í dag fórum við út að kljúfa brennið, slappa svo af og gera ekki neitt:)

Munið að kvitta.

Knús og koss

Bergþóra og co

Góðan og blessaðan daginn:)

Þá er vetrarfríið senn á enda. Ég og strákarnir erum búin að hafa það rosalega gott. Við erum búin að vera mikið heima og gera lítið sem ekkert, spila, horfa á myndir, leika úti í snjónum og inni. Á miðvikudaginn fór Kormákur í hlutverkaleik, þar sem hann barðist við 20 aðra með sverðum og öxi ofl. Þetta var hann að fíla í botn, þeir fengu vopn frá stjórnendum, var það gert til að allir væru með vopn sem ekki meiða. Kristófer fékk svo að vera með síðasta hálftímann eða svo.

Við fórum á fimmtudaginn í Plantorama (Blómaval), þar vorum við að kaupa skrautsteina og kíktum á dýrin í leiðinni. Okkur langar að fá okkur kanínur og kisu, mýsnar finnst mér EKKI spennandi að fá heim, en strákunum líst vel á það. En þetta kostar alveg slatta með búri og öllu tilheyrandi, mér finnst það samt alveg þess virði að leyfa strákunum að fá gæludýr. 

Á föstudaginn fengum við svo Jón Óskar heim til okkar eftir dvöl hans í Gámaræksni upp í Stövring. Þá vorum við hin búin að gera allt voða fínt, þannig að við gátum bara slappað af og notið þess að vera saman.

Laugardagurinn fór í að fara á flóamarkað (vorum inni í 10 mín), reyndum að kaupa brenni í 3 búðum en allt var uppselt. Þegar heim var komið fengum við okkur kaffi og spiluðum svo Risk Transformers. Elduðum okkur góðan mat í tilefni dagsins, forrétt, aðalrétt og ananasfrómas í eftirrétt, með þessu drukkum við svo rauðvínið sem ég fékk frá leikskólanum (frábært rauðvín), klæddum okkur í fín föt og að sjálfsögðu var fína matarstellið notað, mmm þetta var æði. Eftir matinn horfðum við svo á Lord og the rings og borðuðum nammi, að vísu voru allir svo saddir eftir matinn að lítið kláraðist úr nammiskálinni. Ég saumaði smá í fæðingastreng sem ég er að gera fyrir Aðalheiði, strákarnir blöðruðu út í eitt, þannig að við náðum lítið að fylgjast með myndinni, hehe algjörar dúllur.

Í dag er planið að fara út og reyna kljúfa smá brenni og raða upp til þurrks. Að vísu snjóar úti, en það er um að gera að láta á það reyna, við förum þá kannski bara í snjókast ef ekkert gengur, hver veit, hehe. Ætlum bara að gera eitthvað notó í dag, því að svo hefst ný vika á morgun með skóla og vinnu.

Hafið sem allra best, þangað til næst.

Knús og koss

Bergþóra og co

Maður gleymir sér....

alveg, þegar maður er með þetta facebook, en ég reyni.

Byrjum á síðustu helgi. Kormákur fékk Lucas vin sinn til sín á föstudaginn og gisti hann hérna hjá okkur. Það er nú alltaf fjör hjá þeim og verður maður varla var við þá.  Jón Óskar fór enn einu sinni út að saga brenni, hann kláraði svo á laugardaginn, þannig að búið er að saga allt, 14 m3, og núna á "bara" eftir að kljúfa það og raða á bretti.

Á laugardagsmorguninn vakna ég svo eitthvað skrítinn, með mikinn svima og hausverk. Pabba Lucas leist ekkert á mig þegar hann kom að ná í drenginn og sagði mér bara að fara upp í rúm aftur og hvíla mig. Mér fannst verst að við vorum búin að bjóða Rögnu, Kristni og börnum að borða hjá okkur. Ég var náttúrulega miður mín og þrjóskaðist við að hringja og afboða. Það vildi svo vel til að ég var dugleg að drekka og náði að jafna mig að mestu leiti um 13:30. Ég og Jón komumst að því að, að ég var bara veik til að ég þyrfti ekki að fara út að hjálpa honum að saga brenni, hann var nefnilega búinn um þetta leiti, hehe. Ragna og co komu svo til okkar í kaffi og borðuðum við svo svínapottrétt í kvöldmat. Ragna fór að segja mér frá þessu fína Naan brauði sem þau eru farin að baka sjálf og ég fékk svo Kristinn til að baka handa okkur með kvöldmatnum, hehe ekki alltaf sem maður fær gestina til að baka hjá sér. Takk fyrir frábæra stund, alltaf gaman að fá ykkur.

Á sunnudaginn höfðum við það bara notalegt, strákarnir léku sér úti í snjónum á meðan við vorum í leti hérna inni. Við drulluðum okkur þó út, fórum á smá göngu (ætlunin var að fara út í skóg, en strákarnir okkar fengu frekjukast og var snúið við), fórum heim aftur og hengdum ný bönd á útisnúrurnar okkar, síðan þá er búið að snjóa og snjóa, þannig að ég hef ekkert geta hengt út.

Ég er núna í vetrarfríi með strákunum út þessa viku og ætlum við að njóta þess vel að vera í fríi. Í gær mánudag fórum við upp í Give til Ástu og drógum Ástu, Charlottu og Ragnar með okkur í brekkuna í Give til að renna okkur á sleða og ruslapokum. Þetta var bara gaman, meira að segja fórum við "gömlu" konurnar nokkrar bunur líka, hehe, ég var alveg að fíla mig.

Í dag fórum við heim til Jette (í sveitina), þar sem leikskólinn (sem ég var í starfsnámi á) var að hugsa um hestinn þeirra. Við löbbuðum nú bara, þar sem þetta er 5-10 mín gangur. Þegar heim var komið gerðum við snjókarl, bökuðum sjónvarpsköku og kryddköku. Núna sit ég með Kormáki og Kristófer og horfi á Madagascar. Jón er í sínu gámaræksni aleinn langt í burtu frá okkur. Við mundum nú miklu frekar vilja hafa hann hjá okkur, en svona er nú þetta.

Jæja skrifa meira seinna og reyni að drulla inn einhverjum myndum.

Kossar og knús.

Bergþóra og co

 

Þá er þessi helgi á enda...

Núna er helgin á enda og nóg að gera eins og alltaf. Við vorum með matarboð í gær, Óli, Ásta, Einar Vald, Eydís, Ragnar og Charlotta komu til okkar. Við nutum þess að borða purusteik, rauðvín og svo heimatilbúna ostaköku, kaffi Grand, koníak ofl, algjört lostæti. Takk fyrir frábært kvöld.

Í dag fór ég til Vejle að kaupa mér smá brenni og snúruband. Kormákur vildi fá sér blóm í herbergið þannig að hann kom með mér. Við fundum rosalega fallegt blóm handa honum og fórum svo í Bryggen. Þar langaði mig að kaupa Bóndadagsgjöf handa manninum mínum, þar sem ég var ekki búin að komast í það fyrr. Ég fann bara helling sem langaði í sjálfri og ekkert handa honum, hmm þannig að ég ákvað að bíða bara aðeins með þetta.

Svo er bara afslöppun það sem eftir er dagsins og svo byrjar skólinn á morgun fyrir alvöru.

Knús og koss

Bergþóra og co

 

Jæja....

Þá er loksins komið að færslu. HMMMM, já byrjum á því skemmtilegasta. Jóhanna, Steini og börn komu til okkar um síðustu helgi. Mikið ofboðslega var gaman að fá þau. En henni Aðalheiði fannst nú samt svolítið svindl að núna var Ingimundur búinn að koma tvisvar en þau bara einu sinni, og svo næst þegar þau kæmu þá er Ingimundur búinn að koma 3, en þau BARA 2, hehe. Þau voru smá dugleg að versla, þar sem var rosa fín útsala í H&M, ég fékk skíðabuxur á Kristófer á 20dkr í stað 129dkr, ekki slæmt. Fórum í sund á sunnudeginum í Kolding og var okkur bara KALT og greyið Hlynur vaknaði með kvef á mánudagsmorgun. Jóhanna og Steini buðu okkur svo öllum út að borða á hótelinu hér í Gadbjerg, TAKK FYRIR ÞAÐ. En það var nú bara upplifun út af fyrir sig að þegar við komum þangað, þá fengum við að vita að eldhúsið væri lokað (Kl:18:30), nú ok. Heyrðu sagði maðurinn ég ætla að ath hvort kokkurinn minn sé til í að taka þetta áður en hann fer heim. Kokkurinn er til í það og vegna mikillar forvitni hjá okkur fáum við að vita að hún var hrædd um að komast ekki heim vegna veðurs, hehe. Það var smá snjókoma og kannski tveir cm snjór, hehe og við fórum gangandi(alla þessa leið, niður götuna). Svona er Danmörk, hihi. En allavega þá var þetta alveg frábær helgi þrátt fyrir smá frekjuköst í litla syni okkar, hehe. Takk fyrir frábæra helgi elskurnar. Knús á Línuna.

Ég er búin með starfsnámið mitt og fannst mér bara ekkert gaman í dag að hætta. Í gær afhenti ég verkefnið mitt hjá leiðbeinandanum mínum og fékk mitt síðasta spjall við hana. Þetta er alveg frábær kona í alla staði og náðum við vel saman. Við skiptumst á gjöfum (hafði ekki hugmynd um að hún væri með gjöf handa mér), fékk frá henni bókina Chokolate, hún sagði að maður þyrfti að lesa eitthvað annað heldur en bara námsbækur. Fékk svo rauðvín og núggathúðaðar möndlur frá leikskólanum( Karin vissi að mér þætti rauðvín smá gott, skil ekki af hverju).Í dag kvaddi ég svo krakkana, fór með skúffuköku handa þeim og fór heim með kaffikrús sem tvær stelpur máluðu á og var skrifað á hana "1000 tak for denne gang, vi vil savne dig BEGGA", bara yndislegt. Frá einni stelpu fékk ég svo toblerone, það hafði hún valið sjálf. Mér fannst jafnleiðinlegt að kveðja þarna eins og á Geislabaugi.

Jón Óskar hefur nóg að gera í sinni vinnu og svo þegar hann kemur snemma heim fer hann út að saga brenni. Haugurinn fer smá minnkandi, en mikil vinna eftir samt, enda var þetta MIKIÐ TIMBUR.

Jæja, hef ekki meira í bili.

Knús og koss

Bergþóra og co

Tilkynningarskyldan kallar:)

Ég varð rosalega ánægð á fimmtudaginn, þá fékk ég sms frá Jóhönnu, þar lét hún mig vita af því að þau væru að koma í heimsókn eftir  viku, þau eru sem sagt að koma á fimmtudaginn og verða fram á mánudagsmorgun, hehe bara gaman.

Annars gengur allt sinn vanagang hérna. Ég er að vinna að verkefni sem ég þarf að skila af mér í næstu viku og gengur það mjög hægt, en vonandi næ ég þessu. Á föstudaginn eftir viku er svo síðasti dagurinn minn í starfsnáminu og hlakkar mér ekkert til að hætta. Gott að starfsnámið er búið, en ég væri tilbúin að vinna þarna áfram sem leiðbeinandi/pædagog.

Helgin hjá okkur var mjög róleg. Kormákur svaf hjá Lucas vini sínum bæði föstudag og laugardag. Hann fór með Risk spilið sem við gáfum honum í jólagjöf og aftur vann Lucas (Kormáki til mikillar mæðu). Ég, Jón og Kristófer slöppuðum af yfir sjónvarpinu og kíktum á Toy story 1 og Kung fu panda, borðuðum íslenskt nammi og popp. Poppið fengum við að vísu bara á laugardeginum, þar sem ég reyndi að kveikja í húsinu á föstudeginum, vegna þess að ég gleymdi poppinu í örbylgjuofninum, og var lyktin ekki góð.

Á laugardaginn vorum við nú samt úti að saga timbur í brenni. Enn á föstudaginn fengum við 18 rúmmetra í innkeyrsluna. Að sjálfsögðu voru teknar myndir af haugnum og setjum við þær inn seinna. Jón er nú búinn að vera duglegur að reyna að saga, enn er ekki búin með helminginn, púff þvílík vinna.

Jæja nenni ekki meiru.

Knús og koss

Bergþóra og co

Komin tími á smá færslu.

Stundum veit ég ekki alveg af hverju ég er að þessu, þar sem mér finnst ég ekkert hafa að segja, en jæja reyni nú að krota eitthvað niður.

Núna erum við búin að vera heima í 1 1/2 viku og lífið farið að ganga sinn vanagang aftur. Strákarnir eru báðir hæst ánægðir með leikskólann og skólann og standa sig að sjálfsögðu ennþá súper vel.

Síðustu helgi fékk Kormákur Lucas vin sinn í heimsókn og gisti hann hérna hjá honum. Þetta er vinur frá gamla bekknum hans, þeir spjölluðu í síma á hverjum degi alla vikuna, því þeir voru svo spenntir að hittast aftur eftir svona langan tíma. Lucas hringdi meira að segja úr afmæli í hann, bara svona þannig að hinir gætu líka talað við hann ef þeir vildu, Kormákur ekkert smá montinn. Lucas kom líka með "bók" sem innihélt sér bréf frá hverjum og einum í gamla bekknum, voða flott og gaman að lesa þetta.

Jón Óskar fékk alveg að sjá um drengina þarna, þar sem ég fór út að borða með vinnunni, á Grease söngleik og svo á pöbbinn. Grease var algjör snilld, þarna var ekkert svona frægt fagfólk heldur bara áhugafólk, en mikið rosalega var þetta flott, allur salurinn klappaði í takt við lögin og það var eins og allir vildu bara vera með á sviðinu. Þegar ég kom á pöbbinn fann ég fyrir því að ég væri að verða "gömul", mér fannst bara pirrandi þegar fólk rakst í mig og allt þetta tilheyrandi. Arrrggg, hefði nú bara frekar vilja fara heim og fá mér í glas með manninum mínum og nokkrum vinum þar, nenni ekki þessu bæjarstandi.

Á sunnudaginn fórum við til Þýskalands til að fylla á lagerinn hjá okkur og kipptum að sjálfsögðu með smá á lagerinn hjá Óla og Ástu (um að gera að nýta ferðina þegar loksins er farið).

Setti inn nokkrar myndir frá Íslandsferðinni.

Knús og koss

Bergþóra og co

Til hamingju með.....

litla prinsinn elsku Elisabet, Nicolai og Alexander. Hafið það sem allra best.

Næst viljum við óska honum Skúla innilega til hamingju með 15 ára afmælið. Eigðu alveg frábæran dag og hafðu það gott.

Risaknús frá okkur öllum.